ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਟੋਕੀਓ ਉਲੰਪਿਕ ‘ਚ ਇਤਿਹਾਸ ਰਚਿਆ ਹੈ।ਜ਼ਿਕਰਯੋਗ ਹੈ ਕਿ ਭਾਰਤੀ ਮਹਿਲਾ ਹਾਕੀ ਟੀਮ ਦੀ ਸਟਾਰ ਖਿਡਾਰਨ ਗੁਰਜੀਤ ਕੌਰ ਆਸਟ੍ਰੇਲੀਆ ਵਿਰੁੱਧ ਗੋਲ ਕਰਕੇ ਟੀਮ ਨੂੰ ਸੈਮੀਫਾਈਨਲ
‘ਚ ਪਹੁੰਚਾਇਆ ਹੈ।ਜਿਸ ਕਰਕੇ ਹਰ ਪਾਸੇ ਸਟਾਰ ਖਿਡਾਰਨ ਗੁਰਜੀਤ ਕੌਰ ਦੀ ਵਾਹ-ਵਾਹ ਹੋ ਰਹੀ ਹੈ।ਦੱਸਣਯੋਗ ਹੈ ਕਿ ਗੁਰਜੀਤ ਕੌਰ ਦਾ ਪੰਜਾਬ ਦੇ ਜਲੰਧਰ ਜ਼ਿਲ੍ਹੇ ਨਾਲ ਖਾਸ ਨਾਤਾ ਹੈ।ਦੱਸ ਦੇਈਏ ਕਿ ਗੁਰਜੀਤ ਕੌਰ ਜਲੰਧਰ ਦੇ ਪ੍ਰਸਿੱਧ ਲਾਇਲਪੁਰ ਖ਼ਾਲਸਾ ਕਾਲਜ ਫਾਰ ਵੁਮੈਨ ਦੀ ਵਿਦਿਆਰਥਣ ਰਹਿ ਚੁੱਕੀ ਹੈ ਅਤੇ ਅੰਮ੍ਰਿਤਸਰ ਦੇ ਮਿਆਦੀ ਕਲਾਂ ਪਿੰਡ ਦੀ ਰਹਿਣ ਵਾਲੀ 25 ਸਾਲਾ ਗੁਰਜੀਤ ਕੌਰ ਦਾ ਖੇਡਾਂ ਦਾ ਰੱਬ ਮੰਨੇ ਜਾਣ ਵਾਲੇ ਜ਼ਿਲ੍ਹਾ ਜਲੰਧਰ ਨਾਲ ਗੂੜ੍ਹਾ ਸਬੰਧ ਹੈ।
