ਗੁਰਮੀਤ ਪਿੰਕੀ ਨੇ ਆਪਣੇ ਤੇ ਲੱਗੇ ਇਲਜਾਮਾ ਨੂੰ ਸਾਡੇ ਪੱਤਰਕਾਰ ਨਾਲ ਗੱਲਬਾਤ ਦੌਰਾਨ ਨਕਾਰਿਆ ਹੈ | ਉਨ੍ਹਾਂ ਕਿਹਾ ਕਿ ਗਰੇਵਾਲ ਨਾਲ ਮੇਰਾ ਆਉਣਾ ਜਾਣਾ ਹੈ ਇਸ ਲਈ ਮੈਂ ਆਪਣੇ ਕੇਸ ਨੂੰ ਲੈ ਕੇ ਤੋਮਰ ਨਾਲ ਮੁਲਾਕਾਤ ਕੀਤੀ | ਜਿੱਥੇ ਸਾਨੂੰ ਇਹ ਨਿਹੰਗ ਮਿਲਿਆ ਸੀ | ਪਿੰਕੀ ਨੇ ਕਿਹਾ ਕਿ ਫੋਟੋ ਜਾਣਬੁੱਝ ਕਿਸੇ ਨੇ ਖਿੱਚੀ ਹੈ ਜਿਹੜੇ ਲੋਕ ਉਥੇ ਮੌਜੂਦ ਸਨ | ਇਸ ਲਈ ਬਿਨਾ ਵਜ੍ਹਾ ਮੇਰਾ ਨਾਮ ਨਾ ਜੋੜਿਆ ਜਾਵੇ |
ਪਿੰਕੀ ਨੇ ਕਿਹਾ ਕਿ ਮੇਰੇ ਨਾਮ ਤੇ ਰਾਜਨੀਤਕ ਪਾਰਟੀਆਂ ਰੋਟੀਆਂ ਨਾ ਸੇਕਣ | ਪਿੰਕੀ ਨੇ ਕਿਹਾ ਕਿ ਮੇਰੇ ਤੇ ਅਜਿਹੇ ਇਲਜਾਮ ਨਾ ਲਗਾਏ ਜਾਣ ਉਹ ਨਿਹੰਗਾ ਜਿਊਂਦਾ ਜਾਗਦਾ ਹੈ ਉਸ ਤੋਂ ਜਾ ਕੇ ਪੁੱਛ ਲਓ | ਪਿੰਕੀ ਨੇ ਕਿਹਾ ਕਿ ਲੋਕ ਕਹਿ ਰਹੇ ਹਨ ਕਿ ਇਹ ਸਾਜਿਸ਼ ਪਰ ਮੈਨੂੰ ਇਸ ਬਾਰੇ ਕੁਝ ਨਹੀਂ ਪਤੀ |
ਇਸ ਦੇ ਨਾਲ ਉਨ੍ਹਾਂ ਕਿਹਾ ਕਿ ਨਿਹੰਗ ਨੂੰ ਪੈਸੇ ਦੇਣ ਵਾਲੀ ਗੱਲ ਮੈਨੂੰ ਨਹੀਂ ਪਤਾ ,ਮੇਰੀ ਮੁਲਾਕਾਤ ਤੋਂ ਬਾਅਦ ਨਿਹੰਗ ਨੂੰ ਜੇ ਕੋਈ ਗੱਲ ਕਹੀ ਉਸ ਦਾ ਮੈਨੂੰ ਨਹੀਂ ਪਤਾ |ਦੱਸਣਯੋਗ ਹੈ ਕਿ ਇੱਕ ਫੋਟੋ ਬਹੁਤ ਵਾਇਰਲ ਹੋ ਰਹੀ ਹੈ ਜਿਸ ਦੇ ਵਿੱਚ ਤੋਮਰ ਨਾਲ ਉਹ ਨਿਹੰਗ ਖੜਾ ਹੈ ਜੋ ਸਿੰਘੂ ਬਾਰਡਰ ਤੇ ਵਾਪਰੀ ਘਟਨਾ ਦੇ ਕਾਰਨ ਵਿਵਾਦਾ ਦੇ ਵਿੱਚ ਸੀ | ਉਸ ਦੇ ਵਿੱਚ ਪਰਮਿੰਦਰ ਪਿੰਕੀ ਵੀ ਸ਼ਾਮਿਲ ਸੀ ਜਿਸ ਤੋਂ ਬਾਅਦ ਉਹ ਚਰਚਾ ਦਾ ਵਿਸ਼ਾ ਬਣ ਗਏ |
