ਲਾਹੌਰ ਦੇ ਕਾਹਨਾ ਇਲਾਕੇ ਵਿੱਚ ਪੰਜੋ ਫੈਸਟੀਵਲ ਦੌਰਾਨ ਕਬੱਡੀ ਖਿਡਾਰੀ ਵਕਾਸ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ।ਵੇਰਵਿਆਂ ਅਨੁਸਾਰ ਪੰਜੂਆਂ ਦੇ ਦਰਬਾਰ ਸ਼ਰੀਫ਼ ਵਿਖੇ ਮੇਲਾ ਲੱਗਿਆ ਜਿਸ ਵਿਚ ਹਰ ਸਾਲ ਦੀ ਤਰ੍ਹਾਂ ਕਬੱਡੀ ਖੇਡੀ ਗਈ ਇਸ ਦੌਰਾਨ ਵਾਰਿਸ ਨਾਂ ਦੇ ਵਿਅਕਤੀ ਨੇ ਵਕਾਸ ‘ਤੇ ਗੋਲੀਆਂ ਚਲਾ ਦਿੱਤੀਆਂ ਜਿਸ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।
ਮ੍ਰਿਤਕ ਦੀ ਲਾਸ਼ ਨੂੰ ਜਨਰਲ ਹਸਪਤਾਲ ਪਹੁੰਚਾਇਆ ਗਿਆ ਜਦਕਿ ਮੁਲਜ਼ਮ ਨੂੰ ਉੱਥੋਂ ਦੇ ਲੋਕਾਂ ਨੇ ਫੜ ਕੇ ਪੁਲੀਸ ਹਵਾਲੇ ਕਰ ਦਿੱਤਾ।ਪੁਲੀਸ ਸੂਤਰਾਂ ਅਨੁਸਾਰ ਨਿੱਜੀ ਰੰਜਿਸ਼ ਕਾਰਨ ਵਾਰਿਸ ਨੇ ਕਬੱਡੀ ਖਿਡਾਰੀ ਵਕਾਸ ਦਾ ਕਤਲ ਕੀਤਾ ਹੈ।
