ਪੰਜਾਬ ਸਰਕਾਰ ਵਲੋਂ ਕਿਸਾਨਾਂ ਲਈ ਵੱਡਾ ਐਲਾਨ ਕੀਤਾ ਗਿਆ ਹੈ।ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਐਲਾਨ ਕੀਤਾ ਸੀ ਕਿ ਇਸ ਵਾਰ ਜਿਹੜੇ ਵੀ ਕਿਸਾਨ ਝੋਨੇ ਦੀ ਸਿੱਧੀ ਬਿਜਾਈ ਭਾਵ ਕਿ ਕੱਦੂ ਕਰਨ ਤੋਂ ਬਿਨਾਂ ਬਿਜਾਈ ਕਰਨਗੇ ਉਨ੍ਹਾਂ ਨੂੰ 1500 ਪ੍ਰਤੀ ਏਕੜ ਵਿੱਤੀ ਸਹਾਇਤਾ ਦਿੱਤੀ ਜਾਵੇਗੀ।ਇਸਦੇ ਨਾਲ ਹੀ ਦੱਸ ਦੇਈਏ ਕਿ ਪੰਜਾਬ ਸਰਕਾਰ ਨੇ ਇਹ ਵੀ ਐਲਾਨ ਕੀਤਾ ਕਿ ਇਸ ਵਾਰ ਪੰਜਾਬ ‘ਚ ਝੋਨੇ ਦੀ ਬਿਜਾਈ ਕਰ ਸਕਣਗੇ,
ਜਦੋਂ ਕਿ ਪਾਣੀ ਨਾਲ ਬਿਜਲੀ ਲਈ ਕਿਸਾਨਾਂ ਨੂੰ 18 ਜੂਨ ਤੱਕ ਉਡੀਕ ਕਰਨੀ ਪਵੇਗੀ।ਪੰਜਾਬ ‘ਚ ਪਹਿਲੀ ਵਾਰ ਝੋਨੇ ਦੀ ਬਿਜਾਈ ਦੀ ਰਵਾਇਤੀ ਵਿਧੀ ਨੂੰ 18 ਜੂਨ ਤੋਂ ਸ਼ੁਰੂ ਹੋਣ ਵਾਲੇ ਸਾਉਣੀ ਦੇ ਸੀਜ਼ਨ ‘ਚ ਚਾਰ ਪੜਾਵਾਂ ‘ਚ ਵੰਡ ਕੇ ਸੂਬੇ ਦੇ 23 ਜ਼ਿਲਿ੍ਹਆਂ ਨੂੰ ਚਾਰ ਜ਼ੋਨਾਂ ‘ਚ ਵੰਡਿਆ ਗਿਆ ਹੈ ਤਾਂ ਜੋ ਬਿਜਲੀ ਦੀ ਵਰਤੋਂ ਅਤੇ ਜ਼ਮੀਨ ਹੇਠਲੇ ਪਾਣੀ ਦੀ ਸੰਭਾਲ ਕਰਕੇ ਕਿਸਾਨਾਂ ‘ਤੇ ਬੋਝ ਘੱਟ ਕੀਤਾ ਜਾ ਸਕੇ।
ਦੱਸ ਦੇਈਏ ਕਿ ਜਿਨ੍ਹਾਂ ਕਿਸਾਨਾਂ ਨੇ ਸਿੱਧੀ ਬਿਜਾਈ ਨਹੀਂ ਕਰਨੀ ਉਨ੍ਹਾਂ ਲਈ ਤਰੀਕਾਂ ਪੜਾਅਵਾਰ ਰੱਖੀਆਂ ਗਈਆਂ ਹਨ-
18 ਜੂਨ ਤੋਂ ਸੰਗਰੂਰ, ਬਰਨਾਲਾ, ਮਲੇਰਕੋਟਲਾ,ਲੁਧਿਆਣਾ, ਪਟਿਆਲਾ, ਫਤਹਿਗੜ੍ਹ ਸਾਹਿਬ
22 ਜੂਨ ਤੋਂ ਬਠਿੰਡਾ,ਮਾਨਸਾ, ਮੋਗਾ,ਫਰੀਦਕੋਟ, ਫਿਰੋਜ਼ਪੁਰ,ਫਾਜ਼ਿਲਕਾ
24 ਜੂਨ ਮੋਹਾਲੀ,ਰੋਪੜ,ਨਵਾਂ ਸ਼ਹਿਰ,ਜਲੰਧਰ,ਕਪੂਰਥਲਾ,ਮੁਕਤਸਰ ਸਾਹਿਬ
26 ਜੂਨ ਗੁਰਦਾਸਪੁਰ,ਪਠਾਨਕੋਟ,ਹੁਸ਼ਿਆਰਪੁਰ, ਅੰਮ੍ਰਿਤਸਰ,ਤਰਨਤਾਰਨ , ਝੋਨੇ ਦੀ ਬਿਜਾਈ ਦਾ ਆਖਰੀ
ਪੜਾਅ ਛੇ ਦਿਨਾਂ ਬਾਅਦ 24 ਜੂਨ ਹੈ।ਪੰਜਾਬ ‘ਚ ਆਉਣੀ ਸਾਉਣੀ ਦੇ ਸੀਜ਼ਨ ‘ਚ ਸਿੱਧੀ ਬੀਜੀ ਚਾਵਲ ਡੀਐਸਆਰ ਵਿਧੀ ਨਾਲ ਝੋਨੇ ਦੀ ਬਿਜਾਈ 20 ਮਈ ਤੋਂ ਸ਼ੁਰੂ ਹੋਵੇਗੀ ਅਤੇ 31 ਮਈ ਤੱਕ ਮੁਕੰਮਲ ਹੋਣ ਦੀ ਸੰਭਾਵਨਾ ਹੈ।
