ਚਰਨਜੀਤ ਸਿੰਘ ਚੰਨੀ ਨੂੰ ਪੰਜਾਬ ਦਾ ਮੁੱਖ ਮੰਤਰੀ ਬਣੇ ਅਜੇ ਇੱਕ ਹਫਤਾ ਹੋਇਆ ਹੈ ਅਤੇ ਉਹ ਆਪਣੇ ਵੱਖਰੇ ਕਾਰਜਸ਼ੈਲੀ ਨਾਲ ਖੂਬ ਸੁਰਖੀਆਂ ਬਟੋਰ ਰਹੇ ਹਨ।ਸੀਐਮ ਐਤਵਾਰ ਨੂੰ ਬਠਿੰਡਾ ਦੇ ਪਿੰਡਾਂ ‘ਚ ਬਰਬਾਦ ਹੋਈ ਨਰਮੇ ਦੀ ਫਸਲ ਦਾ ਜਾਇਜ਼ਾ ਲੈਣ ਪਹੁੰਚੇ ਸਨ।
ਇਸੇ ਦੌਰਾਨ ਰਾਹ ‘ਚ ਇੱਕ ਵਿਆਹ ਸਮਾਰੋਹ ਚੱਲ ਰਿਹਾ ਸੀ ਤਾਂ ਮੁੱਖ ਮੰਤਰੀ ਦਾ ਕਾਫਿਲਾ ਉੱਥੋਂ ਗੁਜ਼ਰ ਰਿਹਾ ਸੀ।ਮੁੱਖ ਮੰਤਰੀ ਨੇ ਗੱਡੀ ਰੁਕਵਾਈ ਅਤੇ ਜੋੜੇ ਨੂੰ ਸ਼ਗਨ ਹੀ ਨਹੀਂ ਸਗੋਂ ਉਨਾਂ੍ਹ ਨੂੰ ਵਿਆਹ ਦੀਆਂ ਸ਼ੁੱਭਕਾਮਨਾਵਾਂ ਵੀ ਦਿੱਤੀਆਂ।
ਇਸੇ ਦੌਰਾਨ ਉਨਾਂ੍ਹ ਨੇ ਨਵਵਿਆਹੁਤਾ ਨੂੰ ਸ਼ਗਨ ਦਿੰਦੇ ਹੋਏ ਕਿਹਾ ਕਿ ਲੈ ਭੈਣੇ ਸ਼ਗਨ ਉਸਦੇ ਹੱਥ ‘ਚ ਫੜਾਇਆ ਗਿਆ।ਉਨਾਂ੍ਹ ਨੇ ਕਿਹਾ ਵਿਆਹ ਦੀ ਮੁਬਾਰਕ ਹੋਵੇ।ਇੱਕ ਔਰਤ ਨੇ ਸਿਰ ‘ਤੇ ਮਿਠਾਈ ਦੀ ਭਰੀ ਪ੍ਰਾਂਤ ਰੱਖੀ ਹੋਈ ਸੀ।ਮੁੱਖ ਮੰਤਰੀ ਚੰਨੀ ਨੇ ਉਹ ਉਤਰਵਾਈ ਅਤੇ ਉਸ ‘ਚੋਂ ਖੁਦ ਮਿਠਾਈ ਕੱਢ ਕੇ ਖਾਣ ਲੱਗੇ, ਜਾਂਦੇ ਸਮੇਂ ਵੀ ਉਨਾਂ੍ਹ ਨੂੰ ਵਧਾਈ ਦਿੱਤੀ ।
