ਦੁਨੀਆ ‘ਚ ਕਈ ਅਜਿਹੀਆਂ ਬੀਮਾਰੀਆਂ ਹਨ, ਜਿਨ੍ਹਾਂ ਦਾ ਇਲਾਜ ਸੰਭਵ ਨਹੀਂ ਹੈ।ਅਜਿਹੀ ਹੀ ਇੱਕ ਬੀਮਾਰੀ ਦਾ ਨਾਮ ਹੈ ਲਿਮਫੀਡਿਮਾ ਜਿਸ ਨੂੰ ਆਮ ਭਾਸ਼ਾ ‘ਚ ਹਾਥੀ ਪੈਰ ਵੀ ਬੋਲਦੇ ਹਨ।ਇਸ ਨੂੰ ਦੁਨੀਆ ਦੀ ਸਭ ਤੋਂ ਅਨੋਖੀ ਬੀਮਾਰੀ ਦੱਸਿਆ ਜਾਂਦਾ ਹੈ।ਮੈਡੀਕਲ ਸਾਇੰਸ ‘ਚ ਕਈ ਵਾਰ ਹਾਲਾਤ ਅਜਿਹੇ ਬਣ ਜਾਂਦੇ ਹਨ, ਜਦੋਂ ਕਿਹਾ ਜਾਂਦਾ ਹੈ ਕਿ ਇਹ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਹੈ।
ਦਰਅਸਲ, ਕੁਝ ਸਮਾਂ ਪਹਿਲਾਂ ਡਾਕਟਰਾਂ ਦੀ ਟੀਮ ਨੇ ਹਾਥੀ ਪੈਰ ਬੀਮਾਰੀ ਪੀੜਤ ਇੱਕ ਵਿਅਕਤੀ ਦਾ ਸਫਲ ਆਪਰੇਸ਼ਨ ਕੀਤਾ ਹੈ।ਇਸ ਆਪਰੇਸ਼ਨ ਤੋਂ ਪਹਿਲਾਂ ਮਰੀਜ਼ ਦੇਸ਼ ਦੇ ਸਾਰੇ ਵੱਡੇ ਵੱਡੇ ਹਸਪਤਾਲਾਂ ਦੇ ਚੱਕਰ ਲਗਾ ਚੁੱਕਾ ਹੈ।ਪਰ ਮੈਕਸ ਹਸਪਤਾਲ ਦੇ ਡਾਕਟਰਾਂ ਨੇ ਸਰਜਰੀ ਕਰਕੇ ਇਸ ਨਾਮੁਮਕਿਨ ਕੰਮ ਨੂੰ ਮੁਮਕਿਨ ਕਰ ਦਿੱਤਾ।ਹਾਥੀ ਪੈਰ ਬੀਮਾਰੀ ਤੋਂ ਪੀੜਤ ਵਿਅਕਤੀ ਦਾ ਨਾਮ ਅਮਿਤ ਕੁਮਾਰ ਹੈ।ਇਨ੍ਹਾਂ ਦਾ ਕਰੀਬ 10 ਸਾਲ ਪਹਿਲਾਂ ਐਕਸੀਡੈਂਟ ਹੋਇਆ ਸੀ, ਜਿਸ ‘ਚ ਉਨ੍ਹਾਂ ਦੇ ਖੱਬੇ ਪੈਰ ‘ਚ ਲਿਮਫੀਡਿਮਾ ਨਾਮ ਦੀ ਬੀਮਾਰੀ ਹੋ ਗਈ ਸੀ।ਇਸ ਬੀਮਾਰੀ ‘ਚ ਮਰੀਜ਼ ਦਾ ਪੈਰ ਥੋੜ੍ਹੇ ਹੀ ਸਮੇਂ ‘ਚ ਹਾਥੀ ਦੇ ਪੈਰ ਵਰਗਾ ਹੋ ਗਿਆ।
ਅਮਿਤ ਨੇ ਪਿਛਲੇ 10 ਸਾਲਾਂ ‘ਚ ਦੇਸ਼ ਦੇ ਸਾਰੇ ਵੱਡੇ ਹਸਪਤਾਲਾਂ ‘ਚ ਚੱਕਰ ਕੱਟ ਚੁੱਕੇ ਸਨ।ਉਨ੍ਹਾਂ ਤੋਂ ਇਲਾਵਾ ਘਰ ‘ਚ ਕੋਈ ਕਮਾਉਣ ਵਾਲਾ ਨਹੀਂ ਸੀ।ਫਿਰ ਅਮਿਤ ਨੇ 2021 ਅਗਸਤ ‘ਚ ਮੈਕਸ ਹਸਪਤਾਲ ਪਟਪੜਗੰਜ ‘ਚ ਡਾਕਟਰਾਂ ਨੂੰ ਦਿਖਾਇਆ ਅਤੇ ਉਸ ਤੋਂ ਬਾਅਦ ਹੀ ਉਨ੍ਹਾਂ ਦੀ ਸਰਜਰੀ ਦੀ ਸ਼ੁਰੂਆਤ ਹੋਈ।ਅਮਿਤ ਦੀ ਸਰਜਰੀ ਕਰਨ ਲਈ ਮੈਕਸ ਹਸਪਤਾਲ ਦੇ 25 ਡਾਕਟਰਾਂ ਦੀ ਟੀਮ ਨੇ 6 ਮਹੀਨਿਆਂ ‘ਚ 18 ਤੋਂ ਵੱਧ ਸਰਜਰੀਆਂ ਕੀਤੀਆਂ।
ਇਹ ਸਰਜਰੀਆਂ ‘ਚ 90 ਘੰਟੇ ਤੋਂ ਵੱਧ ਸਮਾਂ ਲੱਗਿਆ।ਜਦੋਂ ਅਮਿਤ ਮੈਕਸ ਹਸਪਤਾਲ ਆਏ ਸਨ ਤਾਂ ਉਨਾਂ੍ਹ ਦੇ ਪੈਰ ਦਾ ਭਾਰ ਕਰੀਬ 50 ਕਿਲੋ ਸੀ, ਜੋ ਹੁਣ ਕਰੀਬ 23 ਕਿਲੋ ਰਹਿ ਗਿਆ ਹੈ।ਭਾਵ ਸਰਜਰੀ ਤੋਂ ਬਾਅਦ ਉਨਾਂ੍ਹ ਦੇ ਪੈਰ ਦਾ 27 ਕਿਲੋ ਭਾਰ ਘੱਟ ਹੋ ਚੁੱਕਾ ਹੈ।ਮੈਕਸ ਹਸਪਤਾਲ ਪੜਪੜਗੰਜ ਦੇ ਐਮਡੀ ਡਾ. ਮਨੋਜ ਮੁਤਾਬਕ, ਇਹ ਉਨਾਂ੍ਹ ਲਈ ਬਿਲਕੁਲ ਨਵਾਂ ਕੇਸ ਸੀ ਅਤੇ ਅਮਿਤ ਦਾ ਕਈ ਥਾਈਂ ਇਲਾਜ ਪਹਿਲਾਂ ਵੀ ਹੋ ਚੁੱਕਾ ਸੀ,ਜਿਸ ਕਾਰਨ ਕੇਸ ਖਰਾਬ ਹੋ ਰਿਹਾ ਸੀ।ਪਰ ਸਾਡੀ ਸਫਲ ਸਰਜਰੀ ਤੋਂ ਬਾਅਦ ਅਮਿਤ ਹੁਣ ਚੱਲ ਸਕਦਾ ਹੈ।
