2023 Suzuki Hayabusa Launched with New Colours:ਸੁਜ਼ੂਕੀ ਮੋਟਰਸਾਈਕਲ ਇੰਡੀਆ ਨੇ MY23 ਲਈ ਅੱਪਡੇਟਡ Hayabusa ਨੂੰ ਪੇਸ਼ ਕੀਤਾ ਹੈ। ਭਾਰਤੀ ਬਾਜ਼ਾਰ ‘ਚ ਕੰਪਨੀ ਨੇ ਆਪਣੀ ਨਵੀਂ 2023 Suzuki Hayabusa ਨੂੰ 16.90 ਲੱਖ ਰੁਪਏ ਦੀ ਐਕਸ-ਸ਼ੋਰੂਮ ਕੀਮਤ ‘ਤੇ ਲਾਂਚ ਕੀਤਾ ਹੈ।
ਅੱਪਡੇਟ ਕੀਤਾ ਹਯਾਬੂਸਾ OBD-2 ਸਟੈਂਡਰਡ ਦੇ ਅਨੁਕੂਲ ਹੈ। ਕੰਪਨੀ ਨੇ ਇਸ ਕਰੂਜ਼ਰ ਬਾਈਕ ਨੂੰ ਕੁਝ ਨਵੇਂ ਕਲਰ ਵੇਰੀਐਂਟ ‘ਚ ਪੇਸ਼ ਕੀਤਾ ਹੈ। ਇਸ ਦੇ ਲਈ ਬੁਕਿੰਗ ਸ਼ੁਰੂ ਹੋ ਗਈ ਹੈ। ਅੱਜ ਤੋਂ ਇਹ ਸੁਜ਼ੂਕੀ ਬਾਈਕ ਦੇਸ਼ ਭਰ ਦੇ ਡੀਲਰਸ਼ਿਪਾਂ ‘ਤੇ ਉਪਲਬਧ ਹੋਵੇਗੀ।
2023 Suzuki Hayabusa: ਨਵੀਨਤਮ ਸੰਸਕਰਨ ਵਿੱਚ ਨਵਾਂ ਕੀ ਹੈ
ਸਾਲ 2023 ਵਿੱਚ, Suzuki ਦੀ Hayabusa ਇੱਕ ਨਵੇਂ ਡਿਊਲ-ਟੋਨ ਕਲਰ ਵੇਰੀਐਂਟ ਵਿੱਚ ਉਪਲਬਧ ਹੈ। ਇਹ ਕੈਂਡੀ ਡੇਰਿੰਗ ਰੈੱਡ ਦੇ ਨਾਲ ਮੈਟਲਿਕ ਥੰਡਰ ਗ੍ਰੇ, ਗਲਾਸ ਸਪਾਰਕਲ ਬਲੈਕ ਦੇ ਨਾਲ ਮੈਟਲਿਕ ਮੈਟ ਬਲੈਕ ਨੰਬਰ 2 ਅਤੇ ਪਰਲ ਵਿਗੋਰ ਬਲੂ ਦੇ ਨਾਲ ਪਰਲ ਬ੍ਰਿਲਿਅੰਟ ਵ੍ਹਾਈਟ (ਪਰਲ ਬ੍ਰਿਲਿਅੰਟ ਵ੍ਹਾਈਟ ਦੇ ਨਾਲ ਪਰਲ ਵਿਗੋਰ ਬਲੂ) ਵਿੱਚ ਉਪਲਬਧ ਹੈ।
ਇਨ੍ਹਾਂ ਨਵੇਂ ਕਲਰ ਵੇਰੀਐਂਟ ਤੋਂ ਇਲਾਵਾ ਇਸ ਦੇ ਪੇਰੇਗ੍ਰੀਨ ਫਾਲਕਨ ਦੇ ਥਰਡ ਜਨਰੇਸ਼ਨ ਵਰਜ਼ਨ ‘ਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।
2023 ਸੁਜ਼ੂਕੀ ਹਯਾਬੂਸਾ: ਇੰਜਣ ਅਤੇ ਗਿਅਰਬਾਕਸ
ਅੱਪਡੇਟ ਕੀਤੇ 2023 Suzuki Hayabusa ਨੂੰ ਇੱਕ ਇਨਲਾਈਨ-4-ਸਿਲੰਡਰ, ਤਰਲ-ਕੂਲਡ 1340cc ਇੰਜਣ ਮਿਲਦਾ ਹੈ ਜੋ ਹੁਣ ਨਵੀਨਤਮ ਨਿਕਾਸੀ ਨਿਯਮਾਂ ਨੂੰ ਪੂਰਾ ਕਰਨ ਲਈ OBD2-A ਅਨੁਕੂਲ ਹੈ। ਇਹ ਇੰਜਣ 187 bhp ਦੀ ਪਾਵਰ ਅਤੇ 150 Nm ਪੀਕ ਟਾਰਕ ਜਨਰੇਟ ਕਰਨ ਦੇ ਸਮਰੱਥ ਹੈ।
ਇੰਜਣ ਨੂੰ 6-ਸਪੀਡ ਮੈਨੂਅਲ ਗਿਅਰਬਾਕਸ ਨਾਲ ਜੋੜਿਆ ਗਿਆ ਹੈ। ਇਸ ‘ਚ 6-ਐਕਸਿਸ IMU, ਟ੍ਰੈਕਸ਼ਨ ਕੰਟਰੋਲ, ਕਾਰਨਰਿੰਗ ABS, ਕਰੂਜ਼ ਕੰਟਰੋਲ ਸਮੇਤ ਕਈ ਫੀਚਰਸ ਦਿੱਤੇ ਗਏ ਹਨ। ਮੋਡ ਦੀ ਗੱਲ ਕਰੀਏ ਤਾਂ ਅਪਡੇਟਡ ਸੁਜ਼ੂਕੀ ਹਾਯਾਬੂਸਾ ‘ਚ 3 ਪਾਵਰ ਮੋਡ ਦਿੱਤੇ ਗਏ ਹਨ।
ਸੁਜ਼ੂਕੀ ਮੋਟਰਸਾਈਕਲ ਇੰਡੀਆ ਦੇ ਮੈਨੇਜਿੰਗ ਡਾਇਰੈਕਟਰ ਕੇਨਿਚੀ ਉਮੇਦਾ ਨੇ ਅਪਡੇਟ ਕੀਤੇ ਹਯਾਬੂਸਾ ਦੇ ਲਾਂਚ ‘ਤੇ ਬੋਲਦਿਆਂ ਕਿਹਾ ਕਿ ਭਾਰਤ ਵਿੱਚ ਤੀਜੀ ਪੀੜ੍ਹੀ ਦੇ ਹਾਯਾਬੂਸਾ ਨੂੰ ਲੋਕਾਂ ਦੁਆਰਾ ਬਹੁਤ ਪਸੰਦ ਕੀਤਾ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਲਾਂਚ ਹੋਣ ਤੋਂ ਬਾਅਦ, ਗੁੜਗਾਓਂ ਪਲਾਂਟ ਵਿੱਚ ਅਸੈਂਬਲ ਕੀਤੇ ਲਗਭਗ ਸਾਰੇ ਵਾਹਨ ਰਿਕਾਰਡ ਸਮੇਂ ਵਿੱਚ ਦੇਸ਼ ਭਰ ਵਿੱਚ ਵੇਚੇ ਗਏ ਹਨ। ਇਸ ਜ਼ਬਰਦਸਤ ਹੁੰਗਾਰੇ ਨੂੰ ਦੇਖਦੇ ਹੋਏ, ਕੰਪਨੀ ਨੇ ਆਪਣੀ ਪ੍ਰਸਿੱਧ Suzuki Hayabusa ਮੋਟਰਸਾਈਕਲ ਨੂੰ ਇੱਕ ਨਵੇਂ ਕਲਰ ਵੇਰੀਐਂਟ ਅਤੇ OBD2-A ਸਟੈਂਡਰਡ ਦੇ ਅਨੁਕੂਲ ਪੇਸ਼ ਕਰਨ ਦਾ ਫੈਸਲਾ ਕੀਤਾ।
