ਅਫਗਾਨਿਸਤਾਨ ‘ਚ ਤਾਲਿਬਾਨ ਨੇ ਭਾਵੇਂ ਹੀ ਆਪਣੀ ਜਿੱਤ ਦੇ ਉਦੇਸ਼ ਨਾਲ ਯੁੱਧ ਦੇ ਅੰਤ ਦਾ ਐਲਾਨ ਕਰ ਦਿੱਤਾ ਹੋਵੇ ਪਰ ਇਸ ਤ੍ਰਾਸਦੀ ਦੀਆਂ ਭਿਆਨਕ ਤਸਵੀਰਾਂ ਲਗਾਤਾਰ ਸਾਹਮਣੇ ਆ ਰਹੀਆਂ ਹਨ।ਤਾਲਿਬਾਨ ਦੇ ਰਾਜ ਦੀ ਵਾਪਸੀ ਦੇ ਡਰ ਨਾਲ ਅਫਗਾਨਿਸਤਾਨ ਦੇ ਹਜ਼ਾਰਾਂ ਲੋਕ ਕਾਬੁਲ ਏਅਰਪੋਰਟ ਵੱਲ ਭੱਜ ਰਹੇ ਹਨ।ਇੱਥੋਂ ਤੱਕ ਕਿ ਅਫਗਾਨਿਸਤਾਨ ਤੋਂ ਭੱਜ ਕੇ ਦੂਜੇ ਦੇਸ਼ ‘ਚ ਸ਼ਰਨ ਲੈਣ ਲਈ ਕੁਝ ਲੋਕ ਆਪਣੀ ਜਿੰਦਗੀ ਦਾਅ ‘ਤੇ ਲਗਾ ਰਹੇ ਹਨ।
ਸੋਸ਼ਲ਼ ਮੀਡੀਆ ‘ਤੇ ਇੱਕ ਵੀਡੀਓ ਤੇਜੀ ਨਾਲ ਵਾਇਰਲ ਹੋ ਰਿਹਾ ਹੈ ਜਿਸ ‘ਚ ਕਾਬੁਲ ਏਅਰਪੋਰਟ ਤੋਂ ਨਿਕਲੇ ਇੱਕ ਜਹਾਜ਼ ਦੇ ਪਹੀਏ ‘ਤੇ ਤਿੰਨ ਲੋਕ ਲਟਕੇ ਦਿਖਾਈ ਦੇ ਰਹੇ ਹਨ।ਵੀਡੀਓ ‘ਚ ਜਹਾਜ਼ ਸੀ-17 ਦੇ ਪਹੀਏ ‘ਤੇ ਲਟਕੇ ਲੋਕ ਇੱਕ ਘਰ ਦੀ ਛੱਤ ‘ਤੇ ਡਿੱਗੇ।ਕਈ ਲੋਕ ਇਸ ਕਲਿੱਪ ਨੂੰ ਸ਼ੇਅਰ ਕਰਕੇ ਅਮਰੀਕਾ ਨੂੰ ਵੀ ਲਾਹਨਤਾਂ ਪਾ ਰਹੇ ਹਨ।ਅਫਗਾਨਿਸਤਾਨ ਤੋਂ ਅਮਰੀਕੀ ਸੈਨਾ ਦੀ ਵਾਪਸੀ ਕਾਰਨ ਹੀ ਤਾਲਿਬਾਨ ਨੂੰ ਵਾਪਸੀ ਕਰਨ ਦਾ ਮੌਕਾ ਮਿਲ ਗਿਆ।
