ਪੰਜਾਬ ਦੇ ਸੀਅੇੱਮ ਭਗਵੰਤ ਮਾਨ ਨੇ ਸੂਬੇ ‘ਤੇ ਚੜੇ 3 ਲੱਖ ਕਰੋੜ ਦੇ ਕਰਜ਼ੇ ਦੇ ਸਬੰਧ ‘ਚ ਵੱਡਾ ਐਲਾਨ ਕੀਤਾ ਹੈ।ਉਨ੍ਹਾਂ ਨੇ ਕਿਹਾ ਕਿ ਆਪ ਸਰਕਾਰ ਇਸ ਜਾਂਚ ਕਰੇਗੀ।ਇਹ ਪੈਸਾ ਕਿੱਥੇ ਖਰਚਾ ਕੀਤਾ ਗਿਆ?ਪਿਛਲੀਆਂ ਸਰਕਾਰਾਂ ਨੇ ਇਹ ਕਰਜ਼ਾ ਚੜਾਇਆ ਸੀ।ਇਹ ਕਰਜ਼ਾ ਕਿੱਥੇ ਇਸਤੇਮਾਲ ਕੀਤਾ, ਇਸਦੀ ਜਾਂਚ ਕਰਕੇ ਰਿਕਵਰੀ ਕੀਤੀ ਜਾਵੇਗੀ।ਇਹ ਲੋਕਾਂ ਦਾ ਪੈਸਾ ਹੈ।
ਮਾਨ ਦੇ ਐਲਾਨ ਨਾਲ ਹੁਣ ਪੰਜਾਬ ‘ਚ ਸਰਕਾਰ ਚਲਾਉਣ ਵਾਲੀਆਂ ਪਾਰਟੀਆਂ ਕਾਂਗਰਸ ਅਤੇ ਅਕਾਲੀ ਦਲ਼ ਦੀਆਂ ਮੁਸ਼ਕਿਲਾਂ ਵਧ ਸਕਦੀਆਂ ਹਨ।ਪੰਜਾਬ ‘ਚ ਪਿਛਲੇ ਕਰੀਬ 70 ਸਾਲਾਂ ਤੋਂ ਕਾਂਗਰਸ ਅਤੇ ਅਕਾਲੀ ਦਲ ਦੀ ਅਗਵਾਈ ਵਾਲੀਆਂ ਹੀ ਸਰਕਾਰਾਂ ਰਹੀਆਂ ਹਨ।ਸੀਅੇੱਮ ਮਾਨ ਨੇ ਕਿਹਾ ਕਿ ਸਾਰੇ ਕਹਿੰਦੇ ਹਨ ਕਿ ਪੰਜਾਬ ‘ਤੇ 3 ਲੱਖ ਕਰੋੜ ਦਾ ਕਰਜ਼ਾ ਹੈ।ਕਿਵੇਂ ਗਾਰੰਟੀਆਂ ਪੂਰੀਆਂ ਕਰਨਗੇ।
ਮਾਨ ਨੇ ਕਿਹਾ ਪਿਛਲੇ ਕਈ ਸਾਲਾਂ ਤੋਂ ਨਾ ਤਾਂ ਪੰਜਾਬ ‘ਚ ਕੋਈ ਹਸਪਤਾਲ ਬਣਿਆ ਅਤੇ ਨਾ ਹੀ ਕੋਈ ਸਰਕਾਰੀ ਸਕੂਲ-ਕਾਲਜ।ਕੋਈ ਨਵੀਂ ਸਰਕਾਰੀ ਯੂਨੀਵਰਸਿਟੀ ਵੀ ਨਹੀਂ ਬਣੀ।ਜੋ ਪਹਿਲਾਂ ਹੀ ਬਣੀ ਹੈ, ਉਹ ਵੀ ਘਾਟੇ ‘ਚ ਚੱਲ ਰਹੀ ਹੈ।ਸੜਕਾਂ ਵੀ ਪ੍ਰਾਈਵੇਟ ਕੰਪਨੀਆਂ ਨੇ ਬਣਾਈਆਂ ਹਨ।ਫਿਰ ਕਰਜ਼ਾ ਕਿੱਥੇ ਗਿਆ?
