Diljit Dosanjh on BookmyShow List: ਸਾਲ ਦੇ ਅੰਤ ‘ਚ ਜਿਵੇਂ ਗੂਗਲ ‘ਤੇ ਸਭ ਤੋਂ ਵੱਧ ਖੋਜੇ ਗਏ ਸਟਾਰ ਦੀ ਸੂਚੀ ਸਾਹਮਣੇ ਆਈ ਇਸ ਦੇ ਨਾਲ ਹੀ ਹਾਲ ਹੀ ਵਿੱਚ BookMyShow ਨੇ ਵੀ ਇੱਕ ਸੂਚੀ ਜਾਰੀ ਕੀਤੀ ਹੈ। ਬੁੱਕ ਮਾਈ ਸ਼ੋਅ ਵਲੋਂ ਪੇਸ਼ ਕੀਤੀ ਇਹ ਸਾਲ 2022 ਦੇ ਟੌਪ ਟ੍ਰੇਡਿੰਗ ਸ਼ੋਅ ਦੀ ਲਿਸਟ ਹੈ।
ਦੱਸ ਦਈਏ ਕਿ ਸਾਹਮਣੇ ਆਈ ਇਸ ਲਿਸਟ ‘ਚ ਸਾਊਥ ਇੰਡੀਅਨ ਭਾਸ਼ਾ ਦੇ KGF: Chapter 2, RRR, ਕਾਂਤਾਰਾ (Kantara) ਅਤੇ Ponniyin Selvan:1 ਸਾਲ ਦੇ ਟੌਪ ਦੇ ਬਲਾਕਬਸਟਰਾਂ ਚੋਂ ਰੈਂਕ 1 ‘ਤੇ ਹੈ। ਇਸ ਦੇ ਨਾਲ ਹੀ ਬਾਲੀਵੁੱਡ ਹਿੱਟ ਬ੍ਰਹਮਾਸਤਰ, ਭੂਲ ਭੁਲਈਆ 2, ਦ੍ਰਿਸ਼ਯਮ 2 ਤੇ ਦ ਕਸ਼ਮੀਰ ਫਾਈਲਜ਼ ਦਾ ਜ਼ਿਕਰ ਵੀ ਇਸ ਲਿਸਟ ‘ਚ ਹੈ।
View this post on Instagram
ਪਰ ਜਿਸ ਗੱਲ ਨੇ ਸਾਡਾ ਧਿਆਨ ਖਿੱਚਿਆ ਉਹ ਇਹ ਹੈ ਕਿ ਪੰਜਾਬ ਦਾ GOAT ਸਟਾਰ ਜੋ ਵਿਸ਼ਵ ਪੱਧਰ ‘ਤੇ ਆਪਣਾ ਨਾਂਅ ਬਣਾ ਚੁੱਕਿਆ ਹੈ। ਇੱਥੇ ਅਸੀਂ ਗੱਲ ਕਰ ਰਹੇ ਹਾਂ ਦਿਲਜੀਤ ਦੋਸਾਂਝ ਦੀ। ਜਿਨ੍ਹਾਂ ਨੇ BookMyShow ਦੀ ਇਸ ਲਿਸਟ ‘ਚ ਥਾਂ ਬਣਾਈ ਹੈ। ਦੁਸਾਂਝਵਾਲਾ ਆਪਣੇ ਟੂਰ ‘ਬੋਰਨ ਟੂ ਸ਼ਾਈਨ’ ਲਈ ਇਸ ਸੂਚੀ ‘ਚ ਸਭ ਤੋਂ ਉੱਪਰ ਹੈ।
View this post on Instagram
ਉਨ੍ਹਾਂ ਸ਼ਹਿਰਾਂ ਦੀ ਗੱਲ ਕਰੀਏ ਜਿੱਥੇ ਇਵੈਂਟ ਹੁੰਦੇ ਹਨ ਤਾਂ ਸ਼ਹਿਰਾਂ ‘ਚ ਮੁੰਬਈ, ਚੇਨਈ, ਬੈਂਗਲੁਰੂ, ਰਾਏਪੁਰ, ਦਿੱਲੀ ਐਨਸੀਆਰ, ਅਹਿਮਦਾਬਾਦ, ਪੁਣੇ, ਹੈਦਰਾਬਾਦ, ਕੋਲਕਾਤਾ ਅਤੇ ਇੰਫਾਲ ਲਾਈਵ ਈਵੈਂਟਸ ਲਈ ਟੌਪ ਦੇ ਸ਼ਹਿਰ ਚੁਣੇ ਗਏ ਹਨ। ਦੂਜੇ ਪਾਸੇ, ਗੈਰ-ਮੈਟਰੋ ਜਿੱਥੇ ਲਾਈਵ ਈਵੈਂਟ ਕੀਤੇ ਗਏ ਉਨ੍ਹਾਂ ਵਿੱਚ ਰਾਜਸਥਾਨ ਦਾ ਜੈਪੁਰ, ਦੇਹਰਾਦੂਨ, ਲਖਨਊ, ਜੋਧਪੁਰ, ਕਟਕ, ਗੁਹਾਟੀ ਤੇ ਗੋਆ ਸ਼ਾਮਲ ਹਨ।
ਇਸ ਤੋਂ ਇਲਾਵਾ ਦੱਸ ਦਈਏ ਕਿ ਇਹ ਡਾਟਾ 1 ਜਨਵਰੀ ਤੋਂ 5 ਦਸੰਬਰ, 2022 ਤੱਕ ਦਾ ਜਾਰੀ ਕੀਤਾ ਗਿਆ ਹੈ। BookMyShow ਮਾਹਿਰਾਂ ਮੁਤਾਬਕ ਦਿਲਜੀਤ ਦਾ ਬੌਰਨ ਟੂ ਸ਼ਾਈਨ ਤੇ ਵੀਰ ਦਾਸ ਦਾ ਵਾਂਟੇਡ ਇੰਡੀਆ ਟੂਰ ਟੌਪ ‘ਤੇ ਹਨ।
