Honey Singh: ਸਿੰਗਰ ਤੇ ਰੈਪਰ ਹਨੀ ਸਿੰਘ ਦੇ ਸਫਰ ‘ਚ ਕਈ ਉਤਰਾਅ-ਚੜ੍ਹਾਅ ਆਏ। ਉਹ ਆਪਣੀ ਸਿਹਤ ਖਰਾਬ ਹੋਣ ਕਾਰਨ ਕਾਫੀ ਸਮੇਂ ਤੱਕ ਇੰਡਸਟਰੀ ਤੋਂ ਗਾਇਬ ਰਹੇ। ਪਰ ਜਦੋਂ ਤੋਂ ਹਨੀ ਸਿੰਘ ਨੇ ਵਾਪਸੀ ਕੀਤੀ ਹੈ, ਉਦੋਂ ਤੋਂ ਹੀ ਉਹ ਸੁਰਖੀਆਂ ‘ਚ ਹਨ। ਸਿੰਗਰ ਦਾ ਹਾਲ ਹੀ ‘ਚ ਤਲਾਕ ਹੋਇਆ ਹੈ, ਜਦੋਂ ਕਿ ਉਨ੍ਹਾਂ ਦੀ ਜ਼ਿੰਦਗੀ ‘ਚ ਨਵਾਂ ਪਿਆਰ ਵੀ ਆਇਆ ਹੈ। ਹਨੀ ਸਿੰਘ ਨੇ ਆਪਣੀ ਜ਼ਿੰਦਗੀ ‘ਚ ਆਏ ਸਾਰੇ ਉਤਰਾਅ-ਚੜ੍ਹਾਅ ਬਾਰੇ ਗੱਲ ਕੀਤੀ ਤੇ ਦੱਸਿਆ ਕਿ ਉਸ ਸਮੇਂ ਦੌਰਾਨ ਉਹ ਕਿਸ ਤਰ੍ਹਾਂ ਦੇ ਵਿਚਾਰਾਂ ਵਿਚ ਰਹਿੰਦਾ ਸੀ, ਉਸ ਨੂੰ ਕਿਨ੍ਹਾਂ ਚੀਜ਼ਾਂ ਦਾ ਸਾਹਮਣਾ ਕਰਨਾ ਪਿਆ।
ਹਨੀ ਸਿੰਘ ਇੱਕ ਔਖੇ ਦੌਰ ਵਿੱਚੋਂ ਲੰਘਿਆ ਹੈ। ਸਿੰਗਰ ਨੇ ਆਪਣੇ ਆਪ ‘ਚ ਕਈ ਬਦਲਾਅ ਕੀਤੇ ਤੇ ਵਰਜਨ 2.0 ਨਾਲ ਇੰਡਸਟਰੀ ‘ਚ ਵਾਪਸੀ ਕੀਤੀ। ਹਨੀ ਨੇ ਕਿਹਾ ਕਿ ਉਹ ਜਿੰਨੇ ਦਿਨ ਸ਼ੋਅਬਿਜ਼ ਦੀ ਦੁਨੀਆ ਤੋਂ ਦੂਰ ਰਹੇ, ਉਨ੍ਹਾਂ ਨੂੰ ਕਾਫੀ ਦੁੱਖ ਝੱਲਣਾ ਪਿਆ ਹੈ। ਆਪਣੀ ਮਾਨਸਿਕ ਸਿਹਤ ਬਾਰੇ ਗੱਲ ਕਰਦਿਆਂ ਹਨੀ ਨੇ ਦੱਸਿਆ ਕਿ ਉਹ ਹਰ ਰੋਜ਼ ਮੌਤ ਦੀ ਅਰਦਾਸ ਕਰਦਾ ਸੀ। ਹਨੀ ਦੇ ਮੂਡ ਸਵਿੰਗ ਇੰਨੇ ਜ਼ਿਆਦਾ ਸਨ ਕਿ ਉਹ ਖੁਦ ਵੀ ਉਨ੍ਹਾਂ ਨੂੰ ਸਮਝ ਨਹੀਂ ਸਕਦਾ ਸੀ।
ਹਨੀ ਨੇ ਕਿਹਾ – ਮਾਨਸਿਕ ਸਿਹਤ ਦੇ ਕਈ ਰੂਪ ਹਨ। ਚਿੰਤਾ ਵਿਕਾਰ ਕੁਝ ਵੀ ਨਹੀਂ, ਇਹ ਇੱਕ ਆਮ ਜ਼ੁਕਾਮ ਵਾਂਗ ਹੈ. ਮੈਨੂੰ ਮਾਨਸਿਕ ਸਿਹਤ ਦਾ ਕੋਵਿਡ ਹੋਇਆ। ਜਿਸ ਨੂੰ ਮਨੋਵਿਗਿਆਨਕ ਲੱਛਣ ਤੇ ਬਾਇਪੋਲਰ ਡਿਸਆਰਡਰ ਕਿਹਾ ਜਾਂਦਾ ਹੈ। ਇਹ ਬਹੁਤ ਖਤਰਨਾਕ ਗੱਲ ਹੈ, ਇਹ ਕਿਸੇ ਨਾਲ ਨਹੀਂ ਵਾਪਰਨਾ ਚਾਹੀਦਾ। ਮੇਰੇ ਦੁਸ਼ਮਣ ਨਾਲ ਵੀ ਨਹੀਂ। ਮੈਂ ਮਰਨ ਲਈ ਦਿਨ ਰਾਤ ਅਰਦਾਸ ਕੀਤੀ ਹੈ। ਮੈਂ ਪਾਗਲ ਹੋ ਗਿਆ ਸੀ, ਉਨ੍ਹਾਂ ਗੱਲਾਂ ਨੇ ਮੇਰਾ ਮਨ ਤੋੜ ਦਿੱਤਾ ਸੀ, ਮੈਂ ਸੌਂ ਨਹੀਂ ਸਕਿਆ।
ਹਨੀ ਸਿੰਘ ਦਾ ਮੰਨਣਾ ਹੈ ਕਿ ਤੁਹਾਨੂੰ ਚਿੰਤਾ ਲਈ ਡਾਕਟਰ ਕੋਲ ਜਾਣ ਦੀ ਲੋੜ ਨਹੀਂ। ਤੁਸੀਂ ਆਪਣੇ ਪਰਿਵਾਰ ਜਾਂ ਦੋਸਤਾਂ ਨਾਲ ਗੱਲ ਕਰੋ, ਸ਼ਰਾਬ ਨਾ ਪੀਓ। ਤੁਸੀਂ ਜਿੰਨੇ ਜ਼ਿਆਦਾ ਕੰਮ ਕਰੋਗੇ, ਤੁਹਾਨੂੰ ਓਨੀ ਹੀ ਜ਼ਿਆਦਾ ਮਦਦ ਮਿਲੇਗੀ। ਡਾਕਟਰਾਂ ਦੀਆਂ ਦਵਾਈਆਂ ਤੇ ਸੈਸ਼ਨਾਂ ਨਾਲ ਤੁਸੀਂ ਹੋਰ ਡਿਪਰੈਸ਼ਨ ਵਿੱਚ ਚਲੇ ਜਾਂਦੇ ਹੋ। ਨਹੀਂ ਤਾਂ ਮੈਨੂੰ ਡੀਐਮ ਕਰੋ, ਮੈਂ ਤੁਹਾਨੂੰ ਦੱਸਾਂਗਾ ਕਿ ਕੀ ਕਰਨਾ ਹੈ।
ਹਨੀ ਸਿੰਘ ਨੇ ਆਪਣਾ ਅਜਿਹਾ ਨਾਂ ਬਣਾਇਆ, ਕਿ ਉਨ੍ਹਾਂ ਦੇ ਗੀਤ ਹਰ ਪਾਸੇ ਗੂੰਜਦੇ ਰਹੇ। ਉਨ੍ਹਾਂ ਦਿਨਾਂ ਦੌਰਾਨ ਉਹ ਕਾਫੀ ਟਾਈਮ ਤੱਕ ਗਾਇਬ ਰਹੇ, ਬਹੁਤ ਸਾਰੇ ਲੋਕਾਂ ਨੇ ਆਪਣਾ ਨਾਮ ਬਣਾਇਆ ਤੇ ਕਈ ਉਭਰਦੇ ਰੈਪਰਾਂ ਨੇ ਆਪਣੀ ਪਛਾਣ ਬਣਾਈ। ਜਦੋਂ ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਇਨ੍ਹਾਂ ‘ਚੋਂ ਹਨੀ ਸਿੰਘ ਦਾ ਪਸੰਦੀਦਾ ਕੌਣ ਹੈ ਤਾਂ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਐਮੀਵੇ ਬੰਤਾਈ ਬਹੁਤ ਪਸੰਦ ਹੈ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
