ਵਾਸ਼ਿੰਗਟਨ: ਕੇਵਿਨ ਮੈਕੱਕਾਰਥੀ ਸ਼ਨੀਵਾਰ ਅੱਧੀ ਰਾਤ ਨੂੰ ਅਮਰੀਕੀ ਪ੍ਰਤੀਨਿਧੀ ਸਭਾ ਦੇ 55ਵੇਂ ਸਪੀਕਰ ਚੁਣੇ ਗਏ। ਇਸ ਅਹੁਦੇ ‘ਤੇ ਪਹੁੰਚਣ ਲਈ ਕੇਵਿਨ ਨੂੰ ਵਿਦਰੋਹੀ ਸਮੂਹ ‘ਤਾਲਿਬਾਨ 20’ ਨਾਲ ਇਤਿਹਾਸਕ ਲੜਾਈ ਲੜਨੀ ਪਈ। ਸਪੀਕਰ ਦੇ ਅਹੁਦੇ ਲਈ ਮੰਗਲਵਾਰ ਨੂੰ ਸ਼ੁਰੂ ਹੋਈ ਵੋਟਿੰਗ ਸ਼ੁੱਕਰਵਾਰ ਤੱਕ ਬੇਨਤੀਜਾ ਰਹੀ।
ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਕੇਵਿਨ ਮੈਕੱਕਾਰਥੀ ਸਪੀਕਰ ਬਣਦੇ ਹੀ ਅਮਰੀਕਾ ਦੇ ਅਗਲੇ ਰਾਸ਼ਟਰਪਤੀ ਦੇ ਦੂਜੇ ਦਾਅਵੇਦਾਰ ਬਣ ਗਏ ਹਨ। ਜ਼ਿਕਰਯੋਗ ਹੈ ਕਿ ਅਮਰੀਕਾ ‘ਚ ਪਿਛਲੇ 160 ਸਾਲਾਂ ‘ਚ ਇਸ ਵਾਰ ਸਪੀਕਰ ਦੇ ਅਹੁਦੇ ਲਈ ਚੋਣ ਸਭ ਤੋਂ ਲੰਬੇ ਸਮੇਂ ਯਾਨੀ ਚਾਰ ਦਿਨ ਤੱਕ ਚੱਲੀ। ਰਿਪਬਲਿਕਨ ਦੇ ਕੱਟੜ-ਸੱਜੇ ਬਾਗੀ ਸਮੂਹ ਦੇ ਕਾਰਨ ਮੈਕਕਾਰਥੀ ਨੂੰ ਚੁਣਨ ਲਈ 15 ਗੇੜ ਦੀ ਵੋਟਿੰਗ ਹੋਈ।
57 ਸਾਲਾ ਮੈਕੱਕਾਰਥੀ ਨੂੰ ਅੰਤਿਮ ਵੋਟਿੰਗ ਵਿੱਚ 216 ਵੋਟਾਂ ਮਿਲੀਆਂ, ਜਦੋਂ ਕਿ ਹਾਊਸ ਘੱਟ ਗਿਣਤੀ ਆਗੂ ਹਕੀਮ ਜੈਫਰੀਜ਼ ਨੂੰ 212 ਵੋਟਾਂ ਮਿਲੀਆਂ। ਮੌਜੂਦਾ ਵੋਟਾਂ ਦੀ ਗੱਲ ਕਰੀਏ ਤਾਂ ਕੇਵਿਨ ਮੈਕੱਕਾਰਥੀ ਨੂੰ ਸਪੀਕਰ ਦੇ ਅਹੁਦੇ ‘ਤੇ ਕਾਬਜ਼ ਹੋਣ ਲਈ 218 ਵੋਟਾਂ ਦੀ ਲੋੜ ਸੀ। ਮੈਕਕਾਰਥੀ ਹੁਣ ਨੈਨਸੀ ਪੇਲੋਸੀ ਦੀ ਥਾਂ ਲੈਣਗੇ।
ਸਪੀਕਰ ਬਣਨ ਲਈ 218 ਵੋਟਾਂ ਦੀ ਸੀ ਲੋੜ
ਸਪੀਕਰ ਦੇ ਅਹੁਦੇ ਲਈ ਚੋਣ ਦੀ ਮੌਜੂਦਾ ਪਰੰਪਰਾ ਮੁਤਾਬਕ, ਕਿਸੇ ਉਮੀਦਵਾਰ ਨੂੰ ਅਮਰੀਕੀ ਕਾਂਗਰਸ ਦਾ ਪ੍ਰਧਾਨ ਬਣਨ ਲਈ ਸਦਨ ਦੇ ਮੈਂਬਰਾਂ ਦੀਆਂ ਬਹੁਮਤ ਵੋਟਾਂ ਦੀ ਲੋੜ ਹੁੰਦੀ ਹੈ। ਇਸ ਦਾ ਮਤਲਬ ਹੈ ਕਿ ਸਪੀਕਰ ਬਣਨ ਲਈ 218 ਵੋਟਾਂ ਜ਼ਰੂਰੀ ਹਨ ਜੇਕਰ ਕੋਈ ਮੈਂਬਰ ਵੋਟਿੰਗ ਮੌਜੂਦਾ ਵੋਟਿੰਗ ਵਿਚ ਹਿੱਸਾ ਨਹੀਂ ਲੈਂਦਾ ਜਾਂ ਪ੍ਰੇਜੈਂਟਸ ਵੋਟਿੰਗ ਕਰੇ।
ਰਿਪਬਲਿਕਨ ਮੈਟ ਗੈਟਜ਼ ਨੇ 14ਵੇਂ ਦੌਰ ਵਿੱਚ ਅੰਤਿਮ ਵੋਟ ਪਾਈ। ਇਸ ਇੱਕ ਵੋਟ ਨਾਲ, ਮੈਕਕਾਰਥੀ ਅਤੇ ਸਪੀਕਰ ਦੇ ਅਹੁਦੇ ਦੇ ਵਿਚਕਾਰ ਦਾ ਅੰਤਰ ਸਿਰਫ ਇੱਕ ਵੋਟ ਰਹਿ ਗਿਆ। 14ਵੇਂ ਗੇੜ ਦੀ ਵੋਟਿੰਗ ਤੋਂ ਬਾਅਦ ਘਟਨਾਵਾਂ ਦੇ ਨਾਟਕੀ ਮੋੜ ਵਿੱਚ ਹੋਰ ਕਾਂਗਰਸੀ ਮੈਂਬਰਾਂ ਨੇ ਗੇਟਜ਼ ਨੂੰ ਘੇਰ ਲਿਆ ਤੇ ਉਸ ਨਾਲ ਬਹਿਸ ਕਰਨੀ ਸ਼ੁਰੂ ਕਰ ਦਿੱਤੀ। ਗੱਲ ਇੱਥੋਂ ਤੱਕ ਪਹੁੰਚ ਗਈ ਕਿ ਰਿਚਰਡ ਹਡਸਨ ਨੂੰ ਮਾਈਕ ਰੋਜਰਸ ਦਾ ਹੱਥ ਫੜ ਕੇ ਪਿੱਛੇ ਖਿੱਚਣਾ ਪਿਆ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
