IPS son put a star on his father’s shoulder: ਬਚਪਨ ‘ਚ ਪਿਤਾ ਬੱਚਿਆਂ ਦਾ ਮਾਣ ਹੁੰਦਾ ਹੈ ਤੇ ਜਦੋਂ ਬੱਚੇ ਵੱਡੇ ਹੁੰਦੇ ਹਨ ਤਾਂ ਬੱਚੇ ਪਿਤਾ ਦਾ ਮਾਣ ਬਣ ਜਾਂਦੇ ਹਨ। ਅਜਿਹੇ ‘ਚ ਉਹ ਨਜ਼ਾਰਾ ਬਹੁਤ ਹੀ ਸੁਹਾਵਣਾ ਹੁੰਦਾ ਹੈ ਜਦੋਂ ਪਿਤਾ ਦੀ ਪ੍ਰਾਪਤੀ ਦਾ ਉਸ ਦੇ ਬੱਚੇ ਸਨਮਾਨ ਕਰਦੇ ਹਨ। ਪਿਤਾ ਲਈ ਇਹ ਉਨ੍ਹਾਂ ਦੀ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਦਿਨ ਹੈ। ਸਬ-ਇੰਸਪੈਕਟਰ ਬਣਨ ਵਾਲੇ ਪਿਤਾ ਨੇ ਅਜਿਹੀ ਖੁਸ਼ੀ ਅਤੇ ਮਾਣ ਮਹਿਸੂਸ ਕੀਤਾ, ਫਿਰ ਆਪਣੇ ਮੋਢੇ ‘ਤੇ ਸਿਤਾਰੇ ਲਗਾਉਣ ਵਾਲਾ ਆਈਪੀਐਸ ਉਨ੍ਹਾਂ ਦਾ ਹੀ ਬੇਟਾ ਸੀ।
ਪਿਤਾ ਦੀ ਤਰੱਕੀ ‘ਤੇ IPS ਪੁੱਤਰ ਨੇ ਮੋਢੇ ‘ਤੇ ਲਗਾਏ ਸਟਾਰ
ਇਹ ਉੱਤਰ ਪ੍ਰਦੇਸ਼ ਵਿੱਚ 2014 ਬੈਚ ਦੇ ਆਈਪੀਐਸ ਅਨੂਪ ਸਿੰਘ ਅਤੇ ਉਸਦੇ ਪਿਤਾ ਜਨਾਰਦਨ ਸਿੰਘ ਦੀ ਇੱਕ ਭਾਵੁਕ ਪਿਤਾ-ਪੁੱਤਰ ਦੀ ਕਹਾਣੀ ਹੈ। ਪਿਤਾ ਜਨਾਰਦਨ ਸਿੰਘ ਦਾ ਸੀਨਾ ਮਾਣ ਨਾਲ ਫੁੱਲ ਜਾਂਦਾ ਹੈ ਜਦੋਂ ਉਹ ਡਿਊਟੀ ‘ਤੇ ਆਪਣੇ ਹੀ ਅਫਸਰ ਪੁੱਤਰ ਨੂੰ ਸਲਾਮ ਕਰਦੇ ਹਨ। ਕੋਈ ਸਮਾਂ ਸੀ ਜਦੋਂ ਇਸ ਪਿਤਾ ਨੇ ਆਪਣੇ ਬੇਟੇ ਨੂੰ ਅਫਸਰ ਬਣਾਉਣ ਲਈ ਸਿਪਾਹੀ ਦੀ ਨੌਕਰੀ ਕੀਤੀ ਸੀ ਤੇ ਅੱਜ ਅਜਿਹਾ ਸਮਾਂ ਹੈ ਜਦੋਂ ਉਹੀ ਪੁੱਤਰ ਆਪਣੇ ਪਿਤਾ ਦੇ ਮੋਢਿਾਂ ‘ਤੇ ਪ੍ਰਮੋਸ਼ਨ ਸਿਤਾਰੇ ਲਗਾ ਰਿਹਾ ਹੈ।
What could be more emotional than this for a father. His IPS son Anoop Singh had a honour of changing promotion star on his shoulder.Inspirational for the youth preparing for civil services . @AmitShah @Uppolice @IASassociation @IPS_Association @IRSAssociation pic.twitter.com/9UoHqq2igQ
— Rahul Agarwal 𑀭𑀸𑀳𑀼𑀮 𑀅𑀕𑁆𑀭𑀯𑀸𑀮 (@agrrahul7) February 17, 2023
ਪਿਓ-ਪੁੱਤ ਦੀ ਇਹ ਇਮੋਸ਼ਨਲ ਕਹਾਣੀ ਹੁਣ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਯੂਪੀ ਕੇਡਰ ਦੇ ਆਈਪੀਐਸ ਅਨੂਪ ਸਿੰਘ ਅਤੇ ਉਨ੍ਹਾਂ ਦੇ ਸਬ-ਇੰਸਪੈਕਟਰ ਪਿਤਾ ਜਨਾਰਦਨ ਸਿੰਘ ਦੀ ਤਸਵੀਰ ਦੇਖ ਕੇ ਲੋਕ ਭਾਵੁਕ ਹੋ ਰਹੇ ਹਨ।
ਜਨਾਰਦਨ ਸਿੰਘ ਦਾ ਸੁਪਨਾ ਸੀ ਕਿ ਉਹ ਆਪਣੇ ਪੁੱਤਰ ਨੂੰ ਆਈਪੀਐਸ ਬਣਾਵੇ। ਉਹ ਬਾਰਾਬੰਕੀ-ਅੰਬੇਦਕਰ ਨਗਰ ਸਮੇਤ ਕਈ ਥਾਵਾਂ ‘ਤੇ ਤਾਇਨਾਤ ਰਹੇ ਤੇ ਉਹ ਆਪਣੇ ਪੁੱਤਰ ਨੂੰ ਪੜ੍ਹਾਈ ਲਈ ਪ੍ਰੇਰਿਤ ਕਰਦੇ ਰਹੇ। ਅਨੂਪ ਸਿੰਘ ਨੇ ਇਲਾਹਾਬਾਦ ਯੂਨੀਵਰਸਿਟੀ ਤੋਂ ਗ੍ਰੈਜੂਏਸ਼ਨ ਕੀਤੀ, ਫਿਰ ਜੇਐਨਯੂ ਵਿੱਚ ਦਾਖਲਾ ਲਿਆ ਅਤੇ ਉੱਥੋਂ ਭੂਗੋਲ ਵਿੱਚ ਐਮਏ ਕੀਤੀ। ਫਿਰ ਆਪਣੀ ਮਿਹਨਤ ਦੇ ਬਲ ‘ਤੇ ਉਸ ਨੇ UPSC ਦੀ ਪ੍ਰੀਖਿਆ ਪਾਸ ਕੀਤੀ ਅਤੇ ਆਈਪੀਐੱਸ ਬਣਿਆ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
