Shikhar Dhawan and Yuzvendra Chahal: ਆਸਟ੍ਰੇਲੀਆ ਖਿਲਾਫ ਟੈਸਟ ਤੇ ਵਨਡੇ ਸੀਰੀਜ਼ ਤੋਂ ਬਾਅਦ ਆਈਪੀਐਲ ਸ਼ੁਰੂ ਹੋਵੇਗਾ। ਭਾਰਤੀ ਟੀਮ ਦੇ ਉਹ ਖਿਡਾਰੀ ਜੋ ਫਿਲਹਾਲ ਟੈਸਟ ਟੀਮ ਦਾ ਹਿੱਸਾ ਨਹੀਂ ਹਨ ਆਈਪੀਐਲ ਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ।
ਇਨ੍ਹਾਂ ਤਿਆਰੀਆਂ ਦੇ ਵਿਚਕਾਰ ਜਦੋਂ ਭਾਰਤੀ ਟੀਮ ਦੇ ਤਿੰਨ ਖਿਡਾਰੀਆਂ ਦੀ ਮੁਲਾਕਾਤ ਹੋਈ ਤਾਂ ਉਨ੍ਹਾਂ ਨੇ ਕੁਝ ਮਜ਼ੇਦਾਰ ਪਲਾਂ ਨੂੰ ਆਪਣੇ ਕੈਮਰੇ ‘ਚ ਕੈਦ ਕੀਤਾ। ਅਜਿਹਾ ਹੀ ਇੱਕ ਵੀਡੀਓ ਸ਼ਿਖਰ ਧਵਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ‘ਚ ਸ਼ਿਖਰ ਅਤੇ ਉਨ੍ਹਾਂ ਦੇ ਸਾਥੀ ਯੁਜਵੇਂਦਰ ਚਾਹਲ ਮਸਤੀ ਕਰਦੇ ਨਜ਼ਰ ਆ ਰਹੇ ਹਨ।
ਇਸ ਵੀਡੀਓ ‘ਚ ਧਵਨ ਯੁਜਵੇਂਦਰ ਚਾਹਲ ਨੂੰ ਪੰਜਾਬੀ ‘ਚ ਸਵਾਲ ਪੁੱਛਦੇ ਹਨ- ਕੁੜੀਆਂ ਨੂੰ ਇੰਗਲਿਸ਼ ‘ਚ ਕੀ ਕਿਹਾ ਜਾਂਦਾ ਹੈ। ਯੁਜਵੇਂਦਰ ਚਹਿਲ ਜਵਾਬ ਦਿੰਦਾ ਹੈ – She, ਫਿਰ ਧਵਨ ਪੁੱਛਦਾ ਹੈ ਕਿ ਲੜਕਿਆਂ ਨੂੰ ਕੀ ਕਿਹਾ ਜਾਂਦਾ ਹੈ, ਤਾਂ ਜਵਾਬ ਹੈ – He. ਇਸ ਤੋਂ ਬਾਅਦ ਧਵਨ ਨੇ ਪੁੱਛਿਆ ਕਿ ਜੇਕਰ ਹੋਰ ਲੜਕੇ ਹੋਣ ਤਾਂ? ਇਸ ਤੋਂ ਬਾਅਦ ਯੁਜੀ ਦਾ ਜਵਾਬ ਸੁਣ ਧਵਨ ਵੀ ਹੈਰਾਨ ਹੋ ਜਾਂਦਾ ਹੈ।
ਯੂਜੀ ਨੇ ਜਵਾਬ ਦਿੱਤਾ- He, He, He. ਇਹ ਸੁਣ ਕੇ ਪਿੱਛੇ ਖੜ੍ਹੇ ਧਵਨ-ਯੁਜੀ ਤੇ ਉਮਰਾਨ ਮਲਿਕ ਵੀ ਉੱਚੀ-ਉੱਚੀ ਹੱਸਣ ਲੱਗ ਜਾਂਦੇ ਹਨ। ਸ਼ਿਖਰ ਧਵਨ ਤੋਂ ਇਲਾਵਾ ਇਸ ਮਜ਼ੇਦਾਰ ਵੀਡੀਓ ਨੂੰ ਰਾਜਸਥਾਨ ਰਾਇਲਸ ਨੇ ਆਪਣੇ ਟਵਿਟਰ ਹੈਂਡਲ ‘ਤੇ ਸ਼ੇਅਰ ਕੀਤਾ ਹੈ, ਜਿਸ ਨੂੰ ਫੈਨਸ ਕਾਫੀ ਪਸੰਦ ਕਰ ਰਹੇ ਹਨ।
View this post on Instagram
ਦੱਸ ਦੇਈਏ ਕਿ ਸ਼ਿਖਰ ਧਵਨ ਇਨ੍ਹੀਂ ਦਿਨੀਂ ਭਾਰਤੀ ਟੀਮ ਤੋਂ ਬਾਹਰ ਚੱਲ ਰਹੇ ਹਨ। ਉਹ ਦਸੰਬਰ ਵਿੱਚ ਬੰਗਲਾਦੇਸ਼ ਦੌਰੇ ‘ਤੇ ਭਾਰਤੀ ਵਨਡੇ ਟੀਮ ਦਾ ਹਿੱਸਾ ਸੀ ਅਤੇ ਉਦੋਂ ਤੱਕ ਉਸਨੂੰ ਆਗਾਮੀ ਵਨਡੇ ਵਿਸ਼ਵ ਕੱਪ ਲਈ ਟੀਮ ਇੰਡੀਆ ਵਿੱਚ ਰੋਹਿਤ ਸ਼ਰਮਾ ਦਾ ਸਲਾਮੀ ਸਾਥੀ ਮੰਨਿਆ ਜਾਂਦਾ ਸੀ।
ਪਰ ਧਵਨ ਇਸ ਦੌਰੇ ‘ਤੇ ਫਲਾਪ ਹੋਏ ਤੇ ਜਦੋਂ ਸ਼ੁਭਮਨ ਗਿੱਲ ਨੂੰ ਸ਼੍ਰੀਲੰਕਾ ਤੇ ਨਿਊਜ਼ੀਲੈਂਡ ਖਿਲਾਫ ਘਰੇਲੂ ਵਨਡੇ ਸੀਰੀਜ਼ ‘ਚ ਮੌਕਾ ਮਿਲਿਆ ਤਾਂ ਉਸ ਨੇ ਸੈਂਕੜਾ ਅਤੇ ਦੋਹਰਾ ਸੈਂਕੜਾ ਲਗਾ ਕੇ ਸਭ ਨੂੰ ਹਿਲਾ ਕੇ ਰੱਖ ਦਿੱਤਾ। ਇਸ ਤੋਂ ਬਾਅਦ ਧਵਨ ਦੀ ਭਾਰਤੀ ਟੀਮ ‘ਚ ਵਾਪਸੀ ਮੁਸ਼ਕਲ ਨਜ਼ਰ ਆ ਰਹੀ ਹੈ। ਧਵਨ ਪਿਛਲੇ ਕੁਝ ਸਮੇਂ ਤੋਂ ਭਾਰਤ ਲਈ ਸਿਰਫ ਵਨਡੇ ਫਾਰਮੈਟ ਵਿੱਚ ਹੀ ਖੇਡ ਰਹੇ ਹਨ।
ਹਾਲਾਂਕਿ ਧਵਨ IPL ‘ਚ ਪੰਜਾਬ ਕਿੰਗਜ਼ (PBKS) ਦੀ ਕਪਤਾਨੀ ਕਰਦੇ ਨਜ਼ਰ ਆਉਣਗੇ। ਉਹ ਯਕੀਨੀ ਤੌਰ ‘ਤੇ ਇਸ ਟੂਰਨਾਮੈਂਟ ‘ਚ ਕੁਝ ਧਮਾਕੇਦਾਰ ਪਾਰੀਆਂ ਖੇਡ ਕੇ ਭਾਰਤੀ ਟੀਮ ‘ਚ ਵਾਪਸੀ ਦਾ ਦਾਅਵਾ ਕਰਨਾ ਚਾਹੇਗਾ। ਦੂਜੇ ਪਾਸੇ ਜੇਕਰ ਚਾਹਲ ਦੀ ਗੱਲ ਕਰੀਏ ਤਾਂ ਚਾਹਲ ਆਈਪੀਐੱਲ ਤੋਂ ਪਹਿਲਾਂ ਆਸਟ੍ਰੇਲੀਆ ਖਿਲਾਫ ਵਨਡੇ ਸੀਰੀਜ਼ ਦਾ ਹਿੱਸਾ ਹੋਣਗੇ।
ਹਾਲਾਂਕਿ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਉਸ ਨੂੰ ਪਲੇਇੰਗ ਇਲੈਵਨ ‘ਚ ਮੌਕਾ ਮਿਲੇਗਾ ਜਾਂ ਨਹੀਂ ਕਿਉਂਕਿ ਕੁਲਦੀਪ ਯਾਦਵ ਪਿਛਲੇ ਕੁਝ ਸਮੇਂ ਤੋਂ ਉਸ ‘ਤੇ ਭਾਰੀ ਨਜ਼ਰ ਆ ਰਹੇ ਸੀ ਤੇ ਹੁਣ ਰਵਿੰਦਰ ਜਡੇਜਾ ਵੀ ਫਿੱਟ ਪਰਤ ਆਏ ਹਨ, ਇਸ ਲਈ ਸਪਿਨ ਆਲਰਾਊਂਡਰ ਦੇ ਤੌਰ ‘ਤੇ ਉਸ ਦਾ ਦਾਅਵਾ ਭਾਰਤੀ ਪਿੱਚਾਂ ‘ਤੇ ਵੀ ਮਜ਼ਬੂਤ ਹੋਵੇਗੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
