Ammy Virk and Dev Kharoud’s upcoming film ‘Maurh’ First Look: ਪੰਜਾਬੀ ਫਿਲਮ ਇੰਡਸਟਰੀ ਕੋਲ 2023 ‘ਚ ਆਪਣੇ ਦਰਸ਼ਕਾਂ ਨੂੰ ਖੁਸ਼ ਕਰਨ ਤੇ ਉਨ੍ਹਾਂ ਦਾ ਮਨੋਰੰਜਨ ਕਰਨ ਲਈ ਕਈ ਪ੍ਰੋਜੈਕਟਸ ‘ਤੇ ਕੰਮ ਕਰ ਰਹੀ ਹੈ। ਜਦੋਂ ਕਿ ਕਈ ਫਿਲਮਾਂ ਪਹਿਲਾਂ ਹੀ ਸ਼ੈਡਿਊਲ ‘ਤੇ ਹਨ, ਤੇ ਕੁਝ ਬਿਲਕੁਲ ਨਵੀਆਂ ਰਿਲੀਜ਼ ਵੀ ਹੋਣ ਲਈ ਤਿਆਰ ਹਨ।
ਇੰਨਾ ਹੀ ਨਹੀਂ, ਜਿਨ੍ਹਾਂ ਦਾ ਪਹਿਲਾਂ ਹੀ ਐਲਾਨ ਹੋ ਚੁੱਕਿਆ ਹੈ, ਉਹ ਫਿਲਮਾਂ ਵੀ ਹੁਣ ਜਾਂ ਤਾਂ ਰਿਲੀਜ਼ ਡੇਟ ਜਾਂ ਪਹਿਲੀ ਝਲਕ ਦੇ ਨਾਲ ਸਾਹਮਣੇ ਆ ਕੇ ਫੈਨਸ ਨੂੰ ਐਕਸਾਈਟਿਡ ਕਰ ਰਹੀਆਂ ਹਨ। ਇਸੇ ਕੜੀ ‘ਚ ਇੱਕ ਹੋਰ ਨਾਂ ਜੁੜ ਗਿਆ ਹੈ।
ਅਸੀਂ ਗੱਲ ਕਰ ਰਹੇ ਹਾਂ ਐਮੀ ਵਿਰਕ ਤੇ ਦੇਵ ਖਰੌੜ ਦੀ ਆਉਣ ਵਾਲੀ ਫਿਲਮ ‘ਮੌੜ’ ਦੀ। ਇਹ ਸਭ ਤੋਂ ਵੱਧ ਉਡੀਕੀ ਜਾਣ ਵਾਲੀ ਪੰਜਾਬੀ ਫਿਲਮਾਂ ਚੋਂ ਇੱਕ ਹੈ ਅਤੇ ਫਿਲਮ ਦੀ ਪਹਿਲੀ ਝਲਕ ਸਾਹਮਣੇ ਆ ਚੁੱਕੀ ਹੈ। ਐਮੀ ਵਿਰਕ ਨੇ ਫਿਲਮ ਦੀ ਇੱਕ ਤਸਵੀਰ ਸਾਂਝੀ ਕੀਤੀ ਹੈ। ਅਜੇ ਤੱਕ ਤਾਂ ਇਹੀ ਉਮੀਦ ਕੀਤੀ ਜਾ ਰਹੀ ਹੈ ਕਿ ਮੌੜ ਇੱਕ ਪੀਰੀਅਡਿਕ ਫਿਲਮ ਹੋਵੇਗੀ ਤੇ ਪੁਰਾਣੀ ਫਿਲਮ ‘ਜੱਟ ਜੀਓਨਾ ਮੌੜ’ ਦਾ ਮੁੜ ਬਣਾਇਆ ਵਰਜਨ ਹੋ ਸਕਦੀ ਹੈ।
ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਐਮੀ ਨੇ ਲਿਖਿਆ, ”ਸਤਿ ਸ਼੍ਰੀ ਅਕਾਲ ਜੀ ਸਾਰਿਆਂ ਨੂੰ…ਉਮੀਦ ਕਰਦਾ ਸਾਰੇ ਠੀਕ ਹੋਵਾਂਗੇ… ਸਾਡੀ ਫਿਲਮ ਮੌੜ ( ਲਹਿੰਦੀ ਰੁੱਤ ਦੇ ਨਾਇਕ ),,, ਮੌੜ (ਲਹਿੰਦੀ ਰੁੱਤ ਦੇ ਨਾਇਕ) 16 ਜੂਨ ਨੂੰ ਦੁਨੀਆ ਭਰ ‘ਚ ਰਿਲੀਜ਼ ਹੋ ਰਹੀ ਹੈ…ਸਾਡੀ ਟੀਮ ਨੇ ਬਹੁਤ ਹੀ ਜ਼ਿਆਦਾ ਮਹਿਨਤ ਕੀਤੀ ਆ…ਉਮੀਦ ਕਰਦੇ ਹਾਂ ਤੁਹਾਨੂੰ ਸਾਰਿਆਂ ਨੂੰ ਇਹ ਫਿਲਮ ਬਹੁਤ ਪਸੰਦ ਆਵੇਗੀ… ਵਾਹਿਗੁਰੂ ਸਾਰਿਆਂ ਨੂੰ ਚੜਦੀਕਲਾ ‘ਚ ਰੱਖੇ #ਮੌੜ।”
ਇੱਥੇ ਵੇਖੋ ਫਿਲਮ ਮੌੜ ਦੀ ਪਹਿਲੀ ਝਲਕ:
View this post on Instagram
ਤਾਜ਼ਾ ਅਪਡੇਟ ਦੇ ਅਨੁਸਾਰ, ਮੌੜ 16 ਜੂਨ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਇਸ ‘ਚ ਐਮੀ ਵਿਰਕ ਅਤੇ ਦੇਵ ਖਰੌੜ ਲੀਡ ਰੋਲ ਪਲੇਅ ਕਰਦੇ ਨਜ਼ਰ ਆਉਣਗੇ। ਇਨ੍ਹਾਂ ਤੋਂ ਇਲਾਵਾ ਮੌੜ ਵਿੱਚ ਵਿਕਰਮਜੀਤ ਵਿਰਕ, ਕੁਲਜਿੰਦਰ ਸਿੰਘ ਸਿੱਧੂ, ਅਮੀਕ ਵਿਰਕ ਅਤੇ ਮੈਨੂਅਲ ਰੰਧਾਵਾ ਵਰਗੇ ਕਲਾਕਾਰ ਵੀ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ।
ਫਿਲਹਾਲ, ਫਿਲਮ ਅਤੇ ਇਸਦੀ ਕਹਾਣੀ ਬਾਰੇ ਹੋਰ ਵੇਰਵਿਆਂ ਨੂੰ ਸ਼ੇਅਰ ਨਹੀਂ ਕੀਤਾ ਗਿਆ। ਇਸ ਫਿਲਮ ਦੇ ਨਾਲ ਐਮੀ ਵਿਰਕ ਤੇ ਦੇਵ ਖਰੌੜ ਪਹਿਲੀ ਵਾਰ ਸਕਰੀਨ ਸ਼ੇਅਰ ਕਰਦੇ ਨਜ਼ਰ ਆਉਣਗੇ। ਦੋਵਾਂ ਨੂੰ ਇੱਕਠੇ ਦੇਖਣ ਲਈ ਫੈਨਸ ਬੇਹੱਦ ਐਕਸਾਈਟਿਡ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
