Titled Track of Film Jodi ‘Jodi Teri Meri’ release: ਦਿਲਜੀਤ ਦੋਸਾਂਝ ਤੇ ਨਿਮਰਤ ਖਹਿਰਾ ਦੀ ਬਹੁਤ ਹੀ ਉਡੀਕੀ ਜਾ ਰਹੀ ਫਿਲਮ ਜੋੜੀ ਫੈਨਸ ਦਾ ਉਤਸ਼ਾਹ ਵਧਾਉਣ ਦਾ ਕੋਈ ਮੌਕਾ ਨਹੀਂ ਛੱਡ ਰਹੀ ਹੈ। ਕਿਉਂਕਿ ਫਿਲਮ ਦਾ ਯੂਐਸਪੀ ਇਸ ਦੇ ਗਾਣੇ ਹਨ।
ਦੱਸ ਦਈਏ ਕਿ ਫਿਲਮ ਦੇ ਦੋ ਗਾਣੇ ਪਹਿਲਾਂ ਹੀ ਰਿਲੀਜ਼ ਹੋ ਗਏ ਹਨ, ਜਿਨ੍ਹਾਂ ਨੂੰ ਫੈਨਸ ਨੇ ਕਾਫੀ ਪਸੰਦ ਕੀਤਾ। ਹੁਣ ‘ਜੋੜੀ ਤੇਰੀ ਮੇਰੀ’ ਟਾਈਟਲ ਨਾਲ ਫਿਲਮ ਦਾ ਤੀਜਾ ਟ੍ਰੈਕ ਰਿਲੀਜ਼ ਹੋਇਆ ਹੈ ਤੇ ਇਸ ਗਾਣੇ ਦੀ ਸਭ ਤੋਂ ਵੱਡੀ ਖਾਸੀਅੱਤ ਇਹ ਹੈ ਕਿ ਇਸ ‘ਚ ਫੈਨਸ ਨੂੰ ਪੁਰਾਣੇ ਕਲਾਸਿਕ ਰੋਮਾਂਟਿਕ ਟਰੈਕ ਦਾ ਅਹਿਸਾਸ ਹੋਵੇਗਾ।
‘ਜੋੜੀ ਤੇਰੀ ਮੇਰੀ’ ਗਾਣੇ ਬਾਰੇ ਗੱਲ ਕਰੀਏ ਤਾਂ ਇਹ ਦਿਲਜੀਤ ਤੇ ਨਿਮਰਤ ਵਲੋਂ ਇੱਕ ਦੂਜੇ ਨੂੰ ਮਜ਼ਾਕੀਆ ਤਾਰੀਫਾਂ ਦੇਣ ਨਾਲ ਸ਼ੁਰੂ ਹੁੰਦਾ ਹੈ ਤੇ ਗਾਣੇ ‘ਚ ਉਨ੍ਹਾਂ ਦੇ ਛੋਟੇ ਜਿਹੇ ਸਧਾਰਨ ਪਰ ਪਿਆਰੇ ਰੋਮਾਂਟਿਕ ਪਲਾਂ ਨੂੰ ਦਰਸਾਇਆ ਗਿਆ ਹੈ ਜੋ ਉਨ੍ਹਾਂ ਦੀ ਕੈਮਿਸਟਰੀ ਨੂੰ ਪੇਸ਼ ਕਰ ਹਨ ਅਤੇ ਉਹ ਦੋਵੇਂ ਇੱਕ ਦੂਜੇ ਨਾਲ ਪਿਆਰ ‘ਚ ਨਜ਼ਰ ਆ ਰਹੇ ਹਨ।
ਇਹ ਇੱਕ ਕਲਾਸਿਕ ਰੋਮਾਂਟਿਕ ਟ੍ਰੈਕ ਹੈ ਜੋ ਆਪਣੇ ਸੰਗੀਤ, ਬੋਲ ਅਤੇ ਗਾਇਕੀ ਨਾਲ ਨੋਸਟਾਲਜਿਕ ਵਾਈਬਸ ਦਿੰਦਾ ਹੈ। ਬੈਕਗ੍ਰਾਊਂਡ ਸੰਗੀਤ ਦੇਣ ਲਈ ਕਲਾਸੀਕਲ ਯੰਤਰਾਂ ਦੀ ਵਰਤੋਂ ਕੀਤੀ ਗਈ ਹੈ ਜੋ ਕੰਨਾਂ ਨੂੰ ਸਕੂਨ ਦਿੰਦੇ ਹੈ। ਕੁੱਲ ਮਿਲਾ ਕੇ ਇਹ ਖੂਬਸੂਰਤ ਰੋਮਾਂਟਿਕ ਟਰੈਕ ਹੈ।
ਕ੍ਰੈਡਿਟ ਦੀ ਗੱਲ ਕਰੀਏ ਤਾਂ ਇਹ ਸ਼ਾਨਦਾਰ ਗੀਤ ਦਿਲਜੀਤ ਤੇ ਨਿਮਰਤ ਨੇ ਗਾਇਆ ਹੈ, ਇਸ ਦੇ ਬੋਲ ਰਾਜ ਰਣਜੋਧ ਨੋ ਲਿਖੇ ਹਨ ਜਦਕਿ ਸੰਗੀਤ ਟਰੂ ਸਕੂਲ ਨੇ ਦਿੱਤਾ ਹੈ। ਗਾਣੇ ਵਿੱਚ ਦਿਲਜੀਤ ਤੇ ਨਿਮਰਤ ਮੁੱਖ ਭੂਮਿਕਾਵਾਂ ਵਿੱਚ ਹਨ।
ਫਿਲਮ ਜੋੜੀ ਦਾ ਨਿਰਮਾਣ ਕਾਰਜ ਗਿੱਲ ਤੇ ਦਲਜੀਤ ਥਿੰਦ ਨੇ ਰਿਦਮ ਬੁਆਏਜ਼ ਐਂਟਰਟੇਨਮੈਂਟ ਅਤੇ ਥਿੰਦ ਮੋਸ਼ਨ ਫਿਲਮਜ਼ ਰਾਹੀਂ ਕੀਤਾ ਗਿਆ ਹੈ। ਫਿਲਮ ਅੰਬਰਦੀਪ ਸਿੰਘ ਦੁਆਰਾ ਲਿਖੀ ਅਤੇ ਨਿਰਦੇਸ਼ਿਤ ਕੀਤੀ ਗਈ ਹੈ। ਫਿਲਮ 5 ਮਈ 2023 ਨੂੰ ਆਪਣੀ ਖੂਬਸੂਰਤ ਪ੍ਰੇਮ ਕਹਾਣੀ ਦੇ ਨਾਲ ਤੁਹਾਨੂੰ ਮਿਊਜ਼ਿਕਲ ਸਵਾਰੀ ‘ਤੇ ਲੈ ਜਾਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।
ਗਾਣਾ ਇੱਥੇ ਸੁਣੋ:
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
