ਅੱਜ—1 ਅਪ੍ਰੈਲ, 2026—ਨਵੇਂ ਵਿੱਤੀ ਸਾਲ ਦੀ ਸ਼ੁਰੂਆਤ ਤੇ ਹੀ, ਵਿੱਤ ਅਤੇ ਰੋਜ਼ਾਨਾ ਜੀਵਨ ਨੂੰ ਪ੍ਰਭਾਵਿਤ ਕਰਨ ਵਾਲੇ ਕਈ ਮੁੱਖ ਨਿਯਮ ਬਦਲ ਗਏ ਹਨ।
ਵਿੱਤੀ ਸਾਲ ਦਾ ਇਹ ਪਹਿਲਾ ਦਿਨ ਨਾਲ ਨਾ ਸਿਰਫ਼ ਇਹ ਕੈਲੰਡਰ ਦਾ ਪੰਨਾ ਬਦਲਿਆ ਹੈ ਬਲਕਿ ਤਨਖਾਹ, ਟੈਕਸਾਂ, ਰੇਲਵੇ ਯਾਤਰਾ ਤੇ ਡਿਜੀਟਲ ਭੁਗਤਾਨ ਵਿਧੀਆਂ ਵਿੱਚ ਵੀ ਮਹੱਤਵਪੂਰਨ ਬਦਲਾਅ ਲਿਆਉਂਦਾ ਹੈ। ਵਿੱਤੀ ਨਵਾਂ ਸਾਲ ਸ਼ੁਰੂ ਹੁੰਦੇ ਹੀ ਸਿਲੰਡਰਾਂ ਦੀਆਂ ਕੀਮਤਾਂ ਚ ਵੀ ਵੱਡੀ ਫੇਰ ਬਦਲ ਹੋਈ ਹੈ।
ਪੱਛਮੀ ਏਸ਼ੀਆ ਵਿੱਚ ਵਧਦੇ ਟਕਰਾਅ ਕਾਰਨ ਵਿਸ਼ਵ ਪੱਧਰ ‘ਤੇ ਤੇਲ ਦੀਆਂ ਕੀਮਤਾਂ ਵਿੱਚ ਵਾਧੇ ਤੋਂ ਬਾਅਦ, ਵਪਾਰਕ ਐਲਪੀਜੀ ਦੀ ਕੀਮਤ ਵਿੱਚ 195.50 ਰੁਪਏ ਦਾ ਵਾਧਾ ਕੀਤਾ ਗਿਆ।
ਸਰਕਾਰੀ ਤੇਲ ਕੰਪਨੀਆਂ ਦੇ ਅਨੁਸਾਰ, 19 ਕਿਲੋਗ੍ਰਾਮ ਦੇ ਵਪਾਰਕ ਐਲਪੀਜੀ ਸਿਲੰਡਰ ਦੀ ਕੀਮਤ ਹੁਣ ਦਿੱਲੀ ਵਿੱਚ 2,078.50 ਰੁਪਏ ਹੈ। ਆਖਰੀ ਵਾਧਾ 1 ਮਾਰਚ ਨੂੰ ਪ੍ਰਤੀ ਸਿਲੰਡਰ 114.50 ਰੁਪਏ ਸੀ।
ਜੇਕਰ ਘਰੇਲੂ ਰਸੋਈ ਗੈਸ ਦੀਆਂ ਦਰਾਂ ਦੀ ਗੱਲ ਕੀਤੀ ਜਾਵੇ ਤਾਂ ਦੱਸ ਦੇਈਏ ਕਿ ਇਸ ਵਿੱਚ ਕੋਈ ਬਦਲਾਅ ਨਹੀਂ ਹੈ। 14.2 ਕਿਲੋਗ੍ਰਾਮ ਦੇ ਐਲਪੀਜੀ ਸਿਲੰਡਰ, ਜਿਸ ਨੂੰ ਆਖਰੀ ਵਾਰ 7 ਮਾਰਚ ਨੂੰ 60 ਰੁਪਏ ਵਧਾਇਆ ਗਿਆ ਸੀ, ਦੀ ਕੀਮਤ ਦਿੱਲੀ ਵਿੱਚ 913 ਰੁਪਏ ਹੈ।
