ਸਿੱਧੂ ਮੂਸੇਵਾਲਾ ਦੇ ਕਤਲ ਤੋਂ ਬਾਅਦ ਬਹੁਤ ਸਾਰੇ ਨਾਂ ਸੁਰਖੀਆਂ ‘ਚ ਰਹੇ ਹਨ, ਜਿਨ੍ਹਾਂ ‘ਚੋਂ ਇਕ ਨਾਂ ਪੰਜਾਬੀ ਗਾਇਕ ਮਨਕੀਰਤ ਔਲਖ ਦਾ ਵੀ ਹੈ। ਮਨਕੀਰਤ ਔਲਖ ਇਸ ਸਮੇਂ ਕੈਨੇਡਾ ‘ਚ ਹਨ ਤੇ ਉਨ੍ਹਾਂ ਨੂੰ ਲਗਾਤਾਰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲ ਰਹੀਆਂ ਹਨ। ਇਸ ਧਮਕੀਆਂ ਉਨ੍ਹਾਂ ਨੂੰ ਬੰਬੀਹਾ ਗੈਂਗ ਵੱਲੋਂ ਦਿੱਤੀਆਂ ਜਾ ਰਹੀਆਂ ਹਨ। ਗੈਂਗ ਦਾ ਮਨਣਾ ਹੈ ਕਿ ਸਿੱਧੂ ਮੂਸੇਵਾਲਾ ਦੇ ਕਤਲ ‘ਚ ਮਨਕੀਰਤ ਔਲਖ ਦਾ ਹੱਥ ਹੈ ਤੇ ਉਸ ਸਿੱਧੂ ਦੇ ਕਤਲ ਦਾ ਬਦਲਾ ਲੈਣਾ ਚਾਹੁੰਦੇ ਹਨ।
ਗੈਂਗ ਵੱਲੋਂ ਸਿੱਧੂ ਦੇ ਕਤਲ ਲਈ ਮਨਕੀਰਤ ਔਲਖ ਨੂੰ ਲਗਾਤਾਰ ਜ਼ਿੰਮੇਵਾਰ ਠਹਰਾਇਆ ਜਾ ਰਿਹਾ ਹੈ। ਇਸੇ ਵਿਚਾਲੇ ਪ੍ਰੋ-ਪੰਜਾਬ ਟੀ-ਵੀ ਦੇ ਉੱਘੇ ਪੱਤਰਕਾਰ ਤੇ ਸੰਸਥਾਪਕ ਯਾਦਵਿੰਦਰ ਸਿੰਘ ਵੱਲੋਂ ਇਸ ਸਾਰੇ ਮਸਲੇ ਤੇ ਉਨ੍ਹਾਂ ‘ਤੇ ਲੱਗ ਰਹੇ ਇਲਜ਼ਾਮਾਂ ਨੂੰ ਲੈ ਕੇ ਮਨਕੀਰਤ ਔਲਖ ਨਾਲ ਗੱਲਬਾਤ ਕੀਤੀ ਗਈ। ਕਾਫੀ ਸਮੇਂ ਤੋਂ ਚੁੱਪੀ ਬਣਾਏ ਰੱਖਣ ਵਾਲੇ ਪੰਜਾਬੀ ਗਾਇਕ ਮਨਕੀਰਤ ਨੇ ਗੱਲਬਾਤ ਦੌਰਾਨ ਪਹਲੂਆਂ ‘ਤੇ ਖੁੱਲ ਕੇ ਗੱਲ ਕੀਤੀ ਹੈ।
ਭੱਜ ਕੇ ਕੈਨੇਡਾ ਕਿਉਂ ਆਏ ਮਨਕੀਰਤ ?
ਸਿੱਧੂ ਮੂਸੇਵਾਲਾ ਦੇ ਕਤਲ ਤੋਂ ਬਾਅਦ ਮਨਕੀਰਤ ਔਲਖ ਅਚਾਨਕ ਕੈਨੇਡਾ ਚਲੇ ਗਏ ਸਨ ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਕਾਫੀ ਟਰੋਲ ਕੀਤਾ ਗਿਆ ਸੀ ਕਿ ਮਨਕੀਰਤ ਔਲਖ ਦਾ ਅਕਸ਼ ਸਾਫ ਨਹੀਂ ਹੈ ਇਸ ਲਈ ਉਹ ਕੈਨੇਡਾ ਭੱਜ ਗਿਆ ਹੈ। ਜਿਸ ਦਾ ਜਵਾਬ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਮੇਰਾ ਬਾਹਰ ਆਉਣ ਦਾ ਇਕ ਕਾਰਨ ਸੀ। ਮੈਂ ਇਹ ਗੱਲਾਂ ਸ਼ੇਅਰ ਨਹੀਂ ਸੀ ਕਰਨੀਆਂ ਚਾਹੁੰਦਾ ਪਰ ਮੈਨੂੰ ਅੱਜ ਸ਼ੇਅਰ ਕਰਨੀਆਂ ਪੈ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਮੇਰੀ ਪਤਨੀ 9 ਮਹੀਨੇ ਦੀ ਪ੍ਰੈਗਨੈਂਟ ਸੀ ਜਿਸ ਕਾਰਨ ਮੈਨੂੰ ਬਾਹਰ ਆਉਣਾ ਪਿਆ।
ਇਹ ਵੀ ਪੜ੍ਹੋ- ਬਗਦਾਦ ‘ਚ ਧਮਾਕਾ, ਆਸਟ੍ਰੇਲੀਆਈ ਡਿਪਲੋਮੈਟਾਂ ਨੂੰ ਬਣਾਇਆ ਗਿਆ ਨਿਸ਼ਾਨਾ
ਲਾਰੈਂਸ ਨਾਲ ਰਿਸ਼ਤੇ ਬਾਰੇ ਕੀ ਬੋਲੇ ਮਨਕੀਰਤ ?
ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਜਿਸ ਸਮੇਂ ਲਾਰੈਂਸ ਸਾਡੇ ਨਾਲ ਸੀ ਉਹ ਯੂਨੀਵਰਸਿਟੀ ਦਾ ਸਮਾਂ ਸੀ ਉਸ ਸਮੇਂ ਉਹ ਕੋਈ ਗੈਂਗਸਟਰ ਨਹੀਂ ਸੀ ਤੇ ਨਾ ਹੀ ਉਸ ‘ਤੇ ਅਜਿਹੇ ਕੇਸ ਸਨ। ਲਾਰੈਂਸ ਨਾਲ ਵਾਇਰਲ ਫੋਟੋ ਬਾਰੇ ਉਨ੍ਹਾਂ ਕਿਹਾ ਕਿ ਉਸ ਸਮੇਂ ਲਾਰੈਂਸ ਉਹ ਲਾਰੈਂਸ ਨਹੀਂ ਸੀ ਜੋ ਅੱਜ ਹੈ ਉਸ ਸਮੇਂ ਉਹ ਗੈਂਗਵਾਰਾਂ ‘ਚ ਇਨਵੋਲਵ ਨਹੀਂ ਸੀ।
ਜੇਲ੍ਹ ‘ਚ ਅਖਾੜਾ ਲਾਉਣ ਬਾਰੇ ਕੀ ਬੋਲੇ ਮਨਕੀਰਤ ?
ਜੇਲ੍ਹ ‘ਚ ਅਖਾੜਾ ਲਾਉਣ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਇਹ 8 ਸਾਲ ਪੁਰਾਣੀ ਗੱਲ ਹੈ, ਇਹ ਜੇਲ੍ਹ ਦਾ ਹੀ ਸ਼ੋਅ ਸੀ ਤੇ ਜੇਲ੍ਹ ਪ੍ਰਸ਼ਾਸ਼ਨ ਵੱਲੋਂ ਇਹ ਸ਼ੋਅ ਰੱਖਿਆ ਗਿਆ ਸੀ, ਮੈਨੂੰ ਜੇਲ੍ਹ ਵੱਲੋਂ ਹੀ ਫੋਨ ਕਰ ਕੇ ਬੁਲਾਇਆ ਗਿਆ ਸੀ ਤੇ ਉਸ ਸਮੇਂ ਮੈਂ ਕੋਈ ਵੱਡਾ ਕਲਾਕਾਰ ਵੀ ਨਹੀਂ ਸੀ।
