ਪ੍ਰਭਾਸ ਦੀ ਫਿਲਮ ਆਦਿਪੁਰਸ਼ ਰਿਲੀਜ਼ ਤੋਂ ਪਹਿਲਾਂ ਹੀ ਸੁਰਖੀਆਂ ‘ਚ ਬਣੀ ਹੋਈ ਹੈ। ਆਦਿਪੁਰਸ਼ ਨੂੰ ਇਸਦੇ VFX ਅਤੇ ਕਿਰਦਾਰਾਂ ਦੇ ਲੁੱਕ ਲਈ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਸਿਰਫ ਸੋਸ਼ਲ ਮੀਡੀਆ ਯੂਜ਼ਰਸ ਹੀ ਨਹੀਂ, ਅਯੁੱਧਿਆ ਦੇ ਪੁਜਾਰੀਆਂ ਨੇ ਵੀ ਆਦਿ ਪੁਰਸ਼ਾਂ ਖਿਲਾਫ ਬਿਆਨਬਾਜ਼ੀ ਕੀਤੀ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਰਾਮਾਨੰਦ ਸਾਗਰ ਦੇ ਬੇਟੇ ਪ੍ਰੇਮ ਸਾਗਰ ਨੇ ਆਦਿਪੁਰਸ਼ ਦੀ ਟੀਮ ਦਾ ਸਮਰਥਨ ਕੀਤਾ ਹੈ।
ਰਾਮਾਨੰਦ ਸਾਗਰ ਦੀ ਰਾਮਾਇਣ ਅੱਜ ਵੀ ਲੋਕਾਂ ਦੀ ਪਸੰਦੀਦਾ ਹੈ
ਰਾਮਾਨੰਦ ਸਾਗਰ, ਜਿਨ੍ਹਾ ਦੁਆਰਾ ਬਣੀ ਰਾਮਾਇਣ ਅੱਜ ਵੀ ਲੋਕਾਂ ਦੇ ਦਿਲਾਂ ਵਿੱਚ ਹੈ। ਜਦੋਂ ਵੀ ਟੀਵੀ ਜਾਂ ਸਿਲਵਰ ਸਕਰੀਨ ‘ਤੇ ਰਾਮਾਇਣ ਬਣਦੀ ਹੈ ਤਾਂ ਇਸ ਦੀ ਤੁਲਨਾ ਅਰੁਣ ਗੋਵਿਲ-ਦੀਪਿਕਾ ਚਿਖਲੀਆ ਦੀ ਰਾਮਾਇਣ ਨਾਲ ਜ਼ਰੂਰ ਕੀਤੀ ਜਾਂਦੀ ਹੈ। ਰਾਮਾਇਣ ਵਰਗਾ ਸ਼ਾਨਦਾਰ ਸ਼ੋਅ ਦੇਣ ਵਾਲੇ ਰਾਮਾਨੰਦ ਸਾਗਰ ਹੁਣ ਸਾਡੇ ਵਿਚਕਾਰ ਨਹੀਂ ਰਹੇ। ਪਰ ਉਨ੍ਹਾਂ ਦੇ ਪੁੱਤਰ ਪ੍ਰੇਮ ਸਾਗਰ ਨੇ ਇਸ ਦਾ ਜਵਾਬ ਜ਼ਰੂਰ ਦਿੱਤਾ ਹੈ। ਉਨ੍ਹਾਂ ਨੂੰ ਆਦਿਪੁਰਸ਼ ਦੇ ਟੀਜ਼ਰ ‘ਤੇ ਕੋਈ ਇਤਰਾਜ਼ ਨਹੀਂ ਕੀਤਾ ਹੈ। ਇਸ ਦੇ ਉਲਟ ਉਹ ਆਦਿ ਪੁਰਖ ਦੀ ਟੀਮ ਦਾ ਪੱਖ ਲੈਂਦੇ ਨਜ਼ਰ ਆਏ ਹਨ।
ਰਾਮਾਨੰਦ ਸਾਗਰ ਦੇ ਪੁੱਤਰ ਪ੍ਰੇਮ ਸਾਗਰ ਨੇ ਓਮ ਰਾਓਤ ਦੀ ਫ਼ਿਲਮ ‘ਆਦਿਪੁਰਸ਼’ ਦਾ ਸਮਰਥਨ ਕੀਤਾ ਹੈ। ਪ੍ਰਭਾਸ ਤੇ ਸੈਫ ਅਲੀ ਖ਼ਾਨ ਦੀ ਫ਼ਿਲਮ ‘ਆਦਿਪੁਰਸ਼’ ਨੂੰ ਲੈ ਕੇ ਮਿਲੀ-ਜੁਲੀ ਪ੍ਰਤੀਕਿਰਿਆ ਦੇਖਣ ਨੂੰ ਮਿਲੀ ਹੈ। ਇਕ ਪਾਸੇ ਜਿਥੇ ਸੋਸ਼ਲ ਮੀਡੀਆ ’ਤੇ ਫ਼ਿਲਮ ਦੇ ਵੀ. ਐੱਫ. ਐਕਸ. ਤੇ ਰਾਮ-ਰਾਵਣ ਦੇ ਲੁੱਕ ਨੂੰ ਟਰੋਲ ਕੀਤਾ ਜਾ ਰਿਹਾ ਹੈ, ਉਥੇ ਦੂਜੇ ਪਾਸੇ ਸਿਨੇਮਾਘਰਾਂ ਤੋਂ ਅਜਿਹੀਆਂ ਵੀਡੀਓਜ਼ ਵੀ ਸਾਹਮਣੇ ਆ ਰਹੀਆਂ ਹਨ, ਜਿਨ੍ਹਾਂ ’ਚ ਲੋਕ ਟੀਜ਼ਰ ਦੇਖ ਕੇ ਪਾਗਲ ਹੋ ਰਹੇ ਹਨ।
ਇਹ ਵੀ ਪੜ੍ਹੋ- ‘ਆਦਿਪੁਰਸ਼’ ’ਤੇ ‘ਰਾਮਾਇਣ’ ਫੇਮ ਅਰੁਣ ਗੋਵਿਲ ਦਾ ਫੁੱਟਿਆ ਗੁੱਸਾ, ਕਿਹਾ- ਸੰਸਕ੍ਰਿਤੀ ਦਾ ਨਾ ਉਡਾਓ ਮਜ਼ਾਕ…
ਕੁਲ ਮਿਲਾ ਕੇ ਦੋ ਧੜੇ ਬਣ ਚੁੱਕੇ ਹਨ, ਜਿਨ੍ਹਾਂ ’ਚ ਇਕ ਪਾਸੇ ਇਸ ਫ਼ਿਲਮ ਦਾ ਸਮਰਥਨ ਕਰਨ ਵਾਲੇ ਲੋਕ ਹਨ ਤੇ ਦੂਜੇ ਪਾਸੇ ਇਸ ਦਾ ਵਿਰੋਧ ਕਰਨ ਵਾਲੇ। ਇਕ ਪਾਸੇ ਜਿਥੇ ਮੁਕੇਸ਼ ਖੰਨਾ ਤੇ ਸੁਨੀਲ ਲਹਿਰੀ ਵਰਗੇ ਸਿਤਾਰੇ ਇਸ ਫ਼ਿਲਮ ਦਾ ਵਿਰੋਧ ਕਰ ਚੁੱਕੇ ਹਨ, ਉਥੇ ਹੁਣ ਰਾਮਾਨੰਦ ਸਾਗਰ ਦੇ ਪੁੱਤਰ ਪ੍ਰੇਮ ਸਾਗਰ ਇਸ ਫ਼ਿਲਮ ਦੇ ਸਮਰਥਨ ’ਚ ਆ ਗਏ ਹਨ। ਰਾਮਾਨੰਦਰ ਸਾਗਰ ਦੇ ਪੁੱਤਰ ਪ੍ਰੇਮ ਸਾਗਰ ਨੇ ਇਕ ਇੰਟਰਵਿਊ ’ਚ ਫ਼ਿਲਮ ਨੂੰ ਲੈ ਕੇ ਕਿਹਾ, ‘‘ਤੁਸੀਂ ਕਿਵੇਂ ਕਿਸੇ ਨੂੰ ਕੁਝ ਵੀ ਬਣਾਉਣ ਤੋਂ ਰੋਕ ਸਕਦੇ ਹੋ? ਸਮੇਂ ਦੇ ਨਾਲ ਧਰਮ ਵੀ ਬਦਲਦਾ ਹੈ।’’ ਪ੍ਰੇਮ ਸਾਗਰ ਨੇ ਕਿਹਾ ਕਿ ਫ਼ਿਲਮ ‘ਆਦਿਪੁਰਸ਼’ ਦੇ ਨਿਰਦੇਸ਼ਕ ਓਮ ਰਾਓਤ ਨੂੰ ਜਿਵੇਂ ਠੀਕ ਲੱਗਾ, ਉਨ੍ਹਾਂ ਨੇ ਉਹ ਕੀਤਾ।
ਦੱਸ ਦੇਈਏ ਕਿ ਰਾਮਾਨੰਦਰ ਸਾਗਰ ਦੀ ‘ਰਾਮਾਇਣ’ ’ਚ ਕੰਮ ਕਰਨ ਵਾਲੇ ਲਗਭਗ ਸਾਰੇ ਕਲਾਕਾਰਾਂ ਨੇ ‘ਆਦਿਪੁਰਸ਼’ ਦਾ ਵਿਰੋਧ ਕੀਤਾ ਹੈ। ਸੈਫ ਅਲੀ ਖ਼ਾਨ ਤੇ ਪ੍ਰਭਾਸ ਦੀ ਫ਼ਿਲਮ ‘ਆਦਿਪੁਰਸ਼’ ਕਈ ਕਾਰਨਾਂ ਕਰਕੇ ਵਿਵਾਦਾਂ ’ਚ ਹੈ। ਇਕ ਪਾਸੇ ਜਿਥੇ ਲੋਕਾਂ ਨੂੰ ਫ਼ਿਲਮ ਦਾ ਵੀ. ਐੱਫ. ਐਕਸ. ਪਸੰਦ ਨਹੀਂ ਆਇਆ, ਉਥੇ ਦੂਜੇ ਪਾਸੇ ਲੋਕਾਂ ਨੇ ਫ਼ਿਲਮ ’ਚ ਰਾਵਣ ਦੇ ਲੁੱਕ ਨੂੰ ਅਲਾਊਦੀਨ ਖਿਲਜੀ ਵਰਗਾ ਦੱਸਿਆ ਹੈ। ਇੰਨਾ ਹੀ ਨਹੀਂ, ਫ਼ਿਲਮ ’ਚ ਰਾਮ ਤੇ ਹਨੂੰਮਾਨ ਨੂੰ ਚਮੜੇ ਵਰਗੀਆਂ ਚੀਜ਼ਾਂ ਪਹਿਨਾਏ ਜਾਣ ’ਤੇ ਵੀ ਹੰਗਾਮਾ ਹੋਇਆ ਹੈ।
