Ammy Virk’s Annhi Dea Mazaak Aa: ਪੰਜਾਬੀ ਐਂਟਰਟੇਨਮੈਂਟ ਇੰਡਸਟਰੀ ਦੇ ਸੁਪਰਸਟਾਰ ਅਦਾਕਾਰ ਅਤੇ ਗਾਇਕ ਐਮੀ ਵਿਰਕ (Ammy Virk) ਇਸ ਸਮੇਂ ਕਿਸੇ ਪਛਾਣ ਦੇ ਮੋਹਤਾਜ਼ ਨਹੀਂ ਰਹੇ। ਉਨ੍ਹਾਂ ਨੇ ਹਰ ਤਰ੍ਹਾਂ ਦੀ ਐਕਟਿੰਗ ਦੇ ਜੋਨਰ ਦੇ ਨਾਲ ਆਪਣੇ ਫੈਨਸ ਨੂੰ ਖੂਬ ਐਂਟਰਟੇਨ ਕੀਤਾ ਹੈ। ਇਸ ਦੇ ਨਾਲ ਹੀ ਫਿਲਮ ਸ਼ੇਰ ਬੱਗਾ ‘ਚ ਸੋਨਮ ਬਾਜਵਾ ਨਾਲ ਜੋੜੀ ਬਣਾਉਣ ਤੋਂ ਬਾਅਦ ਇਹ ਸਟਾਰ ਇੱਕ ਵਾਰ ਫਿਰ ਤੋਂ ਤਿਆਰ ਹੈ।
ਦੱਸ ਦਈਏ ਕਿ ਜਦੋਂ ਵੀ ਐਮੀ ਆਪਣੇ ਆਉਣ ਵਾਲੇ ਕਿਸੇ ਪ੍ਰੋਜੈਕਟ ਬਾਰੇ ਐਲਾਨ ਕਰਦਾ ਹੈ ਉਸ ਦੇ ਫੈਨਸ ‘ਚ ਅਨਾਉਂਸਮੈਂਟ ਨੂੰ ਲੈ ਕੇ ਐਕਸਾਈਟਮੈਂਟ ਵੱਧ ਜਾਂਦੀ ਹੈ। ਜੇਕਰ ਤੁਸੀਂ ਵੀ ਇਸ ਮਲਟੀਟਾਸਕਰ ਸਟਾਰ ਦੇ ਫੈਨ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਅਹਿਮ ਹੋ ਸਕਦੀ ਹੈ। ਕਿਉਂਕਿ ਐਮੀ ਨੇ ਆਪਣੇ
ਅਗਲੇ ਪ੍ਰੋਜੈਕਟ ਦਾ ਐਲਾਨ ਕਰ ਦਿੱਤਾ ਹੈ ਜੋ ਹੈ (Annhi Dea Mazaak Aa) ‘ਅੰਨੀ ਦੀ ਮਜ਼ਾਕ ਆ’।
ਐਮੀ ਵਿਰਕ ਵਲੋਂ ਸ਼ੇਅਰ ਕੀਤੀ ਤਸਵੀਰ ਵਿੱਚ ਉਹ ਪਰੀ ਪੰਧੇਰ, ਨਾਸਿਰ ਚਿਨਯੋਤੀ, ਬੰਟੀ ਬੈਂਸ ਅਤੇ ਪ੍ਰਿੰਸ ਨਾਲ ਮੁਸਕਰਾਉਂਦੇ ਅਤੇ ਪੋਜ਼ ਦਿੰਦੇ ਹੋਏ ਨਜ਼ਰ ਆ ਰਹੀ ਹਨ। ਅਤੇ ਕੈਪਸ਼ਨ ਵਿੱਚ ਐਮੀ ਨੇ ਰਾਕੇਸ਼ ਧਵਨ ਅਤੇ ਪੰਜ ਪਾਣੀ ਫਿਲਮਸ ਦੇ ਨਾਲ ਆਪਣੇ ਫੋਟੋ ਗੈਂਗ ਨੂੰ ਵੀ ਟੈਗ ਕੀਤਾ।
ਇਸ ਦੇ ਨਾਲ ਹੀ ਐਮੀ ਨੇ ਫਿਲਮ ਦੀ ਰਿਲੀਜ਼ ਡੇਟ ਦਾ ਐਲਾਨ ਵੀ ਕੀਤਾ ਹੈ। ਫਿਲਮ ਦੀ ਰਿਲੀਜ਼ ਡੇਟ ਦਾ ਐਲਾਨ ਕਰਦਿਆਂ ਫਿਲਮ Annhi Dea
Mazaak Aa ਸਿਲਵਰ ਸਕ੍ਰੀਨਜ਼ ‘ਤੇ 7 ਅਪ੍ਰੈਲ 2023 ਨੂੰ ਦਸਤੱਕ ਦੇ ਰਹੀ ਹੈ।
ਫਿਲਹਾਲ ਫਿਲਮ ਦੇ ਪੋਸਟਰ, ਥੀਮ, ਹੋਰ ਕਾਸਟ ਬਾਰੇ ਕਿਸੇ ਵੀ ਤਰ੍ਹਾਂ ਦੀ ਹੋਰ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਪਰ ਫਿਰ ਵੀ, ਫੈਨਸ ਫਿਲਮ ਦੇ ਐਲਾਨ ਨਾਲ ਹੀ ਵਧੇਰੇ ਉਤਸ਼ਾਹਿਤ ਅਤੇ ਖੁਸ਼ ਹੋ ਗਏ ਹਨ। ਫਿਲਮ ਦੇ ਟਾਈਟਲ ‘ਅੰਨੀ ਦੈਆ ਮਜ਼ਾਕ ਐ’ ਤੋਂ ਇਹ ਵੀ ਸਾਫ਼ ਹੈ ਕਿ ਇਹ ਫਿਲਮ ਇੱਕ ਕਾਮੇਡੀ ਫਿਲਮ ਹੋਵੇਗੀ। ਪਰ ਇਸ ਬਾਰੇ ਐਲਾਨ ਹੋਣਾ ਅਜੇ ਬਾਕੀ ਹੈ।
ਹੋਰ ਕਿੰਨ੍ਹਾ ਪ੍ਰੋਜੈਕਟਸ ‘ਤੇ ਕੰਮ ਕਰ ਰਹੇ ਐਮੀ
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਐਮੀ ਵਿਰਕ ਦਾ ਸ਼ੈਡਿਊਲ ਕਾਫੀ ਬਿੱਜ਼ੀ ਹੈ। ਕਿਉਂਕਿ ਉਨ੍ਹਾਂ ਕੋਲ ਫਿਲਮਾਂ ਦੀ ਲੰਬੀ ਲਿਸਟ ਹੈ ਜੋ ਰਿਲੀਜ਼ ਲਈ ਤਿਆਰ ਹਨ। ਐਮੀ ਜਲਦ ਹੀ ਤਾਨੀਆ ਨਾਲ 4 ਨਵੰਬਰ ਨੂੰ ਆਉਣ ਵਾਲੀ ਪੰਜਾਬੀ ਫਿਲਮ ‘Oye Makhna’ ਨਾਲ ਸਿਲਵਰ ਸਕ੍ਰੀਨ ‘ਤੇ ਦਸਤਕ ਦੇਵੇਗਾ। ਇਸਦੇ ਨਾਲ ਹੀ, ਪੰਜਾਬੀ ਫਿਲਮਾਂ ਗਡੀ ਜਾਂਦੀ ਐ ਛਲਾਂਗਾ ਮਾਰਦੀ, ArjanTina ਅਤੇ ਬਾਲੀਵੁੱਡ ਸਟਾਰ ਵਿੱਕੀ ਕੌਸ਼ਲ ਨਾਲ ਫਿਲਮ Rola Rola Painda Ni ਆਉਣ ਵਾਲੇ ਸਮੇਂ ਵਿੱਚ ਰਿਲੀਜ਼ ਹੋਣ ਵਾਲੀਆਂ ਐਮੀ ਵਿਰਕ ਦੀਆਂ ਕੁਝ ਫਿਲਮਾਂ ਹਨ।
