ਲੁਧਿਆਣਾ ਦੇ ਹਲਕਾ ਸੈਂਟਰਲ ਤੋਂ ਵਿਧਾਇਕ ਅਸ਼ੋਕ ਪਰਾਸ਼ਰ ਪੱਪੀ ਨੇ ਐੱਮ ਪੀ ਰਵਨੀਤ ਬਿੱਟੂ ‘ਤੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਕਿਹਾ ਕਿ ਕਾਂਗਰਸੀਆਂ ‘ਤੇ ਹੋ ਰਹੀ ਕਾਰਵਾਈ ‘ਤੇ ਬਿੱਟੂ ਦੇ ਵੱਲੋਂ ਦਿੱਤੀ ਗਈ ਬਿਆਨਬਾਜ਼ੀ ਨਿੰਦਣਯੋਗ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਤਕ ਦਸ ਸਾਲਾਂ ਵਿੱਚ ਰਵਨੀਤ ਬਿੱਟੂ ਨੇ ਵਰਕਰਾਂ ਦਾ ਫੋਨ ਨਹੀਂ ਚੁੱਕਿਆ ਪਰ ਕਾਰਵਾਈ ਹੋਣ ‘ਤੇ ਤਮਾਸ਼ੇ ਵੇਖ ਰਿਹਾ ਹੈ। ਪੱਪੀ ਨੇ ਕਿਹਾ ਕਿ ਇਹ ਆਪਣੇ ਦਾਦੇ ਬੇਅੰਤ ਸਿੰਘ ਦੇ ਨਾਮ ਤੇ ਐੱਮਪੀ ਬਣਿਆ ਹੈ।
ਉਨ੍ਹਾਂ ਕਿਹਾ ਕਿ ਪਹਿਲਾਂ ਆਨੰਦਪੁਰ ਦੇ ਲੋਕ ਇਸ ਤੋਂ ਨਾਰਾਜ਼ ਸੀ ਤੇ ਹੁਣ ਲੁਧਿਆਣਾ ਦੇ ਲੋਕ ਨਿਰਾਸ਼ ਹਨ। ਪੱਪੀ ਨੇ ਇਹ ਵੀ ਕਿਹਾ ਕਿ ਸਕਿਉਰਿਟੀ ਲੈਣ ਦੀ ਖਾਤਰ ਰਵਨੀਤ ਬਿੱਟੂ ਵੱਲੋਂ ਉਲਟ-ਪੁਲਟ ਬਿਆਨਬਾਜ਼ੀ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਵਰਕਰਾਂ ਦੇ ਨਹੀਂ ਬਲਕਿ ਅਤਵਾਦੀਆਂ ਦੇ ਫੋਨ ਚੁੱਕਦਾ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਜੇਕਰ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਫਰਜ਼ੀ ਕਾਰਵਾਈਆਂ ਹੋ ਰਹੀਆਂ ਹਨ ਤਾਂ ਜੋ ਫੋਨ ਆਉਂਦੇ ਹਨ ਉਹ ਵੀ ਫਰਜ਼ੀ ਹਨ ਤਾਂ ਆਪਣੀ ਸਿਕਿਉਰਿਟੀ ਨੂੰ ਵਾਪਸ ਕਰਨ।
