Twitter Charges: ਜਦੋਂ ਤੋਂ ਟਵਿੱਟਰ ਦੀ ਕਮਾਨ ਐਲਨ ਮਸਕ (Elon Musk) ਨੇ ਸੰਭਾਲੀ ਹੈ ਉਦੋਂ ਤੋਂ ਟਵਿਟਰ ਨੂੰ ਲੈ ਕੇ ਕਈ ਬਦਲਾਅ ਕੀਤੇ ਜਾ ਰਹੇ ਹਨ। ਇਸ ਤੋਂ ਪਹਿਲਾਂ ਖ਼ਬਰ ਆਈ ਸੀ ਕਿ ਬਲੂ ਟਿੱਕ ਯੂਜ਼ਰ ਨੂੰ ਟਵਿਟਰ ‘ਤੇ ਚਾਰਜ (Twitter Charge ) ਦੇਣਾ ਹੋਵੇਗਾ। ਹੁਣ ਇੱਕ ਹੋਰ ਨਵੀਂ ਖ਼ਬਰ ਆਈ ਹੈ ਜਿਸ ਵਿੱਚ ਕਿਹਾ ਜਾ ਰਿਹਾ ਹੈ ਕਿ ਟਵਿਟਰ ਨੂੰ ਐਕਸੈਸ ਕਰਨ ਲਈ ਸਾਰੇ ਯੂਜ਼ਰਸ ਨੂੰ ਭੁਗਤਾਨ ਕਰਨਾ ਪੈ ਸਕਦਾ ਹੈ।
ਐਲਨ ਮਸਕ ਨੇ ਹਾਲ ਹੀ ਦੇ ਸਮੇਂ ‘ਚ ਕਈ ਫੈਸਲੇ ਲਏ ਹਨ। ਪਰ, ਜੇਕਰ ਸਾਰੇ ਉਪਭੋਗਤਾਵਾਂ ਲਈ ਚਾਰਜ ਦਾ ਐਲਾਨ ਕੀਤਾ ਜਾਂਦਾ ਹੈ, ਤਾਂ ਇਸ ਤੋਂ ਬਹੁਤ ਕੁਝ ਬਦਲ ਜਾਵੇਗਾ। ਪਲੇਟਫਾਰਮਰ ਵਲੋਂ ਇੱਕ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਮਸਕ ਜ਼ਿਆਦਾਤਰ ਉਪਭੋਗਤਾਵਾਂ ਤੋਂ ਗਾਹਕੀ ਫੀਸ ਵਸੂਲਣ ਦੀ ਯੋਜਨਾ ਬਣਾ ਰਿਹਾ ਹੈ।
ਰਿਪੋਰਟ ‘ਚ ਦੱਸਿਆ ਗਿਆ ਹੈ ਕਿ ਜ਼ਿਆਦਾਤਰ ਜਾਂ ਸਾਰੇ ਯੂਜ਼ਰਸ ਨੂੰ ਟਵਿਟਰ ਦੀ ਵਰਤੋਂ ਕਰਨ ਲਈ ਭੁਗਤਾਨ ਕਰਨਾ ਪੈ ਸਕਦਾ ਹੈ। ਜਦਕਿ ਟਵਿਟਰ ਬਲੂ ਲਈ ਯੂਜ਼ਰਸ ਨੂੰ ਵੱਖਰੀ ਸਬਸਕ੍ਰਿਪਸ਼ਨ ਫੀਸ ਅਦਾ ਕਰਨੀ ਪਵੇਗੀ। ਟਵਿਟਰ ਬਲੂ ਦੇ ਨਾਲ ਉਪਭੋਗਤਾਵਾਂ ਨੂੰ ਬਲੂ ਟਿੱਕਸ ਅਤੇ ਹੋਰ ਵਾਧੂ ਵਿਸ਼ੇਸ਼ਤਾਵਾਂ ਦਿੱਤੀਆਂ ਜਾਣਗੀਆਂ।
ਬੈਠਕ ‘ਚ ਯੋਜਨਾ ‘ਤੇ ਚਰਚਾ ਹੋਈ : ਸੂਤਰ
ਇਹ ਵਿਚਾਰ ਕੰਪਨੀ ਦੇ ਕਰਮਚਾਰੀਆਂ ਨਾਲ ਹਾਲ ਹੀ ਵਿੱਚ ਹੋਈ ਮੀਟਿੰਗ ਵਿੱਚ ਵਿਚਾਰੇ ਗਏ ਹਨ। ਰਿਪੋਰਟ ‘ਚ ਅੱਗੇ ਕਿਹਾ ਗਿਆ ਹੈ ਕਿ ਯੂਜ਼ਰਸ ਇੱਕ ਮਹੀਨੇ ‘ਚ ਸਿਰਫ ਸੀਮਤ ਸਮੇਂ ਲਈ ਟਵਿਟਰ ਦੀ ਵਰਤੋਂ ਕਰ ਸਕਣਗੇ। ਲਿਮਿਟੇਡ ਸਮਾਂ ਖ਼ਤਮ ਹੋਣ ਤੋਂ ਬਾਅਦ ਯੂਜ਼ਰਸ ਨੂੰ ਕੰਪਨੀ ਦਾ ਪਲਾਨ ਲੈਣਾ ਹੋਵੇਗਾ।
ਫਿਲਹਾਲ ਇਹ ਸਪੱਸ਼ਟ ਨਹੀਂ ਹੈ ਕਿ ਇਹ ਯੋਜਨਾ ਕਦੋਂ ਲਾਗੂ ਹੋਵੇਗੀ। ਮਸਕ ਨੇ ਇਸ ਬਾਰੇ ਜਨਤਕ ਤੌਰ ‘ਤੇ ਕੁਝ ਨਹੀਂ ਕਿਹਾ। ਫਿਲਹਾਲ ਟਵਿਟਰ ਦੇ ਇੰਜੀਨੀਅਰ ਬਲੂ ਸਬਸਕ੍ਰਿਪਸ਼ਨ ‘ਤੇ ਕੰਮ ਕਰ ਰਹੇ ਹਨ। ਇਸ ਕਾਰਨ ਜੇਕਰ ਪਲੇਟਫਾਰਮ ਸਾਰੇ ਉਪਭੋਗਤਾਵਾਂ ਤੋਂ ਪੈਸੇ ਲੈਣ ਦੀ ਯੋਜਨਾ ਬਣਾ ਰਿਹਾ ਹੈ, ਤਾਂ ਅਜਿਹਾ ਫਿਲਹਾਲ ਨਹੀਂ ਹੋਵੇਗਾ।
ਦੱਸ ਦੇਈਏ ਕਿ ਮਸਕ ਨੇ ਹੁਣੇ ਹੀ ਕਈ ਦੇਸ਼ਾਂ ਵਿੱਚ ਟਵਿਟਰ ਬਲੂ ਸਬਸਕ੍ਰਿਪਸ਼ਨ ਜਾਰੀ ਕੀਤਾ ਹੈ। ਹਾਲਾਂਕਿ, ਇਸ ਨੂੰ ਅਜੇ ਤੱਕ ਸਾਰੇ ਉਪਭੋਗਤਾਵਾਂ ਲਈ ਜਾਰੀ ਨਹੀਂ ਕੀਤਾ ਗਿਆ। ਪਰ, ਮਸਕ ਨੇ ਇਹ ਵੀ ਸਪੱਸ਼ਟ ਕੀਤਾ ਹੈ ਕਿ ਇਹ ਇੱਕ ਮਹੀਨੇ ਤੋਂ ਵੀ ਘੱਟ ਸਮੇਂ ਵਿੱਚ ਸਾਰੇ ਉਪਭੋਗਤਾਵਾਂ ਲਈ ਜਾਰੀ ਕੀਤਾ ਜਾਵੇਗਾ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
