ਨੀਰੂ ਬਾਜਵਾ (Neeru Bajwa) ਦੀ ਸਭ ਤੋਂ ਵੱਧ ਉਡੀਕੀ ਜਾ ਰਹੀ ਫਿਲਮ ਸਨੋਮੈਨ (Snowman ) ਜਲਦੀ ਹੀ ਸਿਨੇਮਾਘਰਾਂ ਵਿੱਚ ਆਉਣ ਵਾਲੀ ਹੈ। ਇਹ ਦੇ ਨਾਲ ਹੀ ਹੁਣ ਇੱਕ ਵਾਰ ਫਿਰ ਤੋਂ ਨੀਰੂ ਨੇ ਪ੍ਰੋਜੈਕਟ ਬਾਰੇ ਇੱਕ ਨਵਾਂ ਅਪਡੇਟ ਸਾਂਝਾ ਕੀਤਾ ਹੈ। ਆਉਣ ਵਾਲੀ ਫਿਲਮ Snowman ਦੋ ਸਾਲ ਪਹਿਲਾਂ ਸਿਨੇਮਾਘਰਾਂ ‘ਚ ਆਉਣ ਵਾਲੀ ਸੀ, ਪਰ ਇਸ ਨੂੰ ਕਈ ਵਾਰ ਪੋਸਟ ਪੋਨ ਕੀ ਗਿਆ ਹੈ।
ਹੁਣ, ਫਿਲਮ ਮੇਕਰਸ ਨੇ ਇੱਕ ਵਾਰ ਫਿਰ ਤੋਂ ਇਸ ਦੀ ਰਿਲੀਜ਼ ਡੇਟ ਦਾ ਐਲਾਨ ਕੀਤਾ ਹੈ ਤੇ ਇਸ ਬਾਰੇ ਨਿਰਮਾਤਾਵਾਂ ਅਤੇ ਸਨੋਮੈਨ ਦੀ ਟੀਮ ਨੇ ਫਿਲਮ ਦਾ ਮੋਸ਼ਨ ਪੋਸਟਰ ਸਾਂਝਾ ਕਰ ਅਪਡੇਟ ਦਿੱਤਾ ਹੈ।
ਦੱਸ ਦਈਏ ਕਿ ਫਿਲਮ ਸਨੋਮੈਨ ਵਿੱਚ ਨੀਰੂ ਬਾਜਵਾ, ਜੈਜ਼ੀ ਬੀ, ਰਾਣਾ ਰਣਬੀਰ ਅਤੇ ਅਰਸ਼ੀ ਖਟਕੜ ਹਨ। ਮੋਸ਼ਨ ਪੋਸਟਰ ਮੁਤਾਬਕ ਰਾਣਾ ਰਣਬੀਰ, ਜੈਜ਼ੀ ਬੀ ਅਤੇ ਅਮਨ ਖਟਕੜ ਕੁਝ ਗੰਭੀਰ ਮੁੱਦਿਆਂ ‘ਤੇ ਚਰਚਾ ਕਰ ਰਹੇ ਹਨ ਅਤੇ ਫਿਰ ਨੀਰੂ ਬਾਜਵਾ ਨਾਲ ਇਨ੍ਹਾਂ ਤਿੰਨਾਂ ਕਲਾਕਾਰਾਂ ਦੀ ਤਸਵੀਰ ਸਾਹਮਣੇ ਆਈ ਹੈ।
View this post on Instagram
ਰਾਣਾ ਰਣਬੀਰ ਨੇ ਫ਼ਿਲਮ ਵਿੱਚ ਅਹਿਮ ਭੂਮਿਕਾ ਨਿਭਾਉਣ ਤੋਂ ਇਲਾਵਾ ਇਸ ਦੇ ਰਾਈਟਰ ਤੇ ਡਾਇਰੈਕਸ਼ਨ ਵਿੱਚ ਵੀ ਯੋਗਦਾਨ ਪਾ ਰਹੇ ਹਨ। ਪ੍ਰੋਜੈਕਟ ਦਾ ਕੰਸੈਪਟ ਤੇ ਪਲਾਟ ਉਸ ਦੀਆਂ ਪਿਛਲੀਆਂ ਰਚਨਾਵਾਂ ਨਾਲੋਂ ਬਹੁਤ ਵੱਖਰਾ ਹੈ, ਇਸ ਲਈ ਉਹ ਇਸ ਬਾਰੇ ਬਹੁਤ ਉਤਸ਼ਾਹੀ ਹੈ। ਸਨੋਮੈਨ ਉਨ੍ਹਾਂ ਹੀ ਲੋਕਾਂ ਨੇ ਬਣਾਈ ਸੀ ਜਿਨ੍ਹਾਂ ਨੇ ਅੰਗਰੇਜ਼ ਅਤੇ ਅਰਦਾਸ ਬਣਾਈ ਸੀ।
ਜਿਵੇਂ ਕਿ ਇਸ ਪੋਸਟਰ ਤੋਂ ਪਤਾ ਚੱਲਦਾ ਹੈ, ਇਹ ਕੈਨੇਡਾ ਦੇ ਡਾਰਕ ਪੱਖ ਨੂੰ ਦਰਸਾਵੇਗੀ। ਜਿਸ ਦਾ ਮਿਊਜ਼ਿਕ ਬਹੁਤ ਰੋਮਾਂਚਕ ਹੈ, ਅਤੇ ਪ੍ਰਸ਼ੰਸਕ ਹੁਣ ਟੀਜ਼ਰ ਅਤੇ ਟ੍ਰੇਲਰ ਦੇ ਰਿਲੀਜ਼ ਹੋਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਫਿਲਮ Snowman, 2 ਦਸੰਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਣ ਜਾ ਰਿਹਾ ਹੈ।
ਇਸ ਤੋਂ ਇਲਾਵਾ ਹਾਲ ਹੀ ‘ਚ ਖ਼ਬਰ ਆਈ ਹੈ ਕਿ ਸਨੋਮੈਨ ਦਾ ਪਹਿਲਾ ਗੀਤ ‘ਜੱਟ ਬੋਲਦੇ’ ਜਲਦ ਹੀ ਰਿਲੀਜ਼ ਹੋਵੇਗਾ। ਇਸ ਤੋਂ ਇਲਾਵਾ, ਇਸ ਗੀਤ ਨੂੰ ਗਿੱਪੀ ਗਰੇਵਾਲ ਅਤੇ ਜੈਜ਼ੀ ਬੀ ਨੇ ਗਾਇਆ, ਜਦੋਂ ਕਿ ਮਹਿਲਾ ਆਵਾਜ਼ ਮਨਪ੍ਰੀਤ ਕੌਰ ਨੇ ਦਿੱਤੀ ਹੈ। ਗੀਤ ਦੇ ਬੋਲ ਹੈਪੀ ਰਾਏਕੋਟੀ ਨੇ ਲਿਖੇ ਹਨ ਅਤੇ ਸੰਗੀਤ ਭਿੰਦਾ ਔਜਲਾ ਨੇ ਤਿਆਰ ਕੀਤਾ ਹੈ।
