YoYo Honey Singh: ਪੰਜਾਬੀ ਗੱਬਰੂ ਉਰਫ ਹਨੀ ਸਿੰਘ ਇੱਕ ਦਹਾਕਾ ਪਹਿਲਾਂ ਡੋਪ ਸ਼ੋਪ, ਬਰਾਊਨ ਰੰਗ, ਬਲੂ ਆਈਜ਼ ਵਰਗੇ ਡਾਂਸ ਸੌਂਗਸ ਨਾਲ ਨੌਜਵਾਨਾਂ ਦੇ ਦਿਲਾਂ ‘ਤੇ ਰਾਜ਼ ਕਰਦਾ ਸੀ। ਇਸ ਦੇ ਨਾਲ ਹੀ ਬੀਤੇ ਲੰਬੇ ਸਮੇਂ ਤੋਂ ਫੈਨਸ ਹਨੀ ਸਿੰਘ ਦੇ ਧਮਾਕੇ ਦਾ ਇੰਤਜ਼ਾਰ ਕਰ ਰਹੇ ਹਨ। ਬੇਸ਼ੱਕ ਫੈਨਸ ਨੂੰ ਹੰਨੀ ਸਿੰਘ ਨੇ ਆਪਣੇ ਹਾਲੀਆ ਰਿਲੀਜ਼ ਗਾਣਿਆਂ ਨਾਲ ਖੁਸ਼ ਕੀਤਾ। ਪਰ ਹੁਣ ਹਨੀ ਸਿੰਘ ਨੇ ਆਪਣੇ ਫੈਨਸ ਨੂੰ ਇੱਕ ਪੋਸਟ ਨਾਲ ਸਰਪ੍ਰਾਈਜ਼ ਕਰ ਦਿੱਤਾ ਹੈ।
ਯੋ ਯੋ ਹਨੀ ਸਿੰਘ ਦੀ ਇਸ ਨਵੀਂ ਪੋਸਟ ਤੋਂ ਅੰਦਾਜ਼ੇ ਲਗਾਏ ਜਾ ਰਹੇ ਹਨ ਕਿ ਉਹ ਆਪਣੇ ਪੁਰਾਣੇ ਲੁੱਕ ਦੇ ਨਾਲ ਫੈਨਸ ਉਸ ਨੂੰ ਪੁਰਾਣੇ ਅੰਦਾਜ਼ ‘ਚ ਵੀ ਜਲਦ ਵੇਖਣਗੇ। ਜੀ ਹਾਂ, ਰੈਪਰ ਨੇ ਇੰਸਟਾਗ੍ਰਾਮ ‘ਤੇ ਇੱਕ ਤਸਵੀਰ ਸ਼ੇਅਰ ਕੀਤੀ ਹੈ। ਨਵੀਂ ਤਸਵੀਰ ਨੇ ਇੰਟਰਨੈੱਟ ‘ਤੇ ਤਹਿਲਕਾ ਮਚਾ ਦਿੱਤਾ ਹੈ। ਇਸ ਦੇ ਨਾਲ ਹਨੀ ਸਿੰਘ ਆਪਣਾ ਦੇਸੀ ਅੰਦਾਜ਼ ਵਾਪਸ ਲਿਆ ਰਿਹਾ ਹੈ।
ਇਸ ਦੇ ਨਾਲ ਹੀ ਯੋਯੋ ਨੇ ਆਪਣੀ ਐਲਬਮ 3.O ਦਾ ਐਲਾਨ ਵੀ ਕੀਤਾ ਹੈ, ਜਿਸ ਵਿੱਚ ਉਸਨੇ ਖੁਲਾਸਾ ਕੀਤਾ ਹੈ ਕਿ ਹੰਨੀ ਸਿੰਘ ਪੁਰਾਣੀ ਲੁੱਕ ‘ਚ ਵਾਪਸੀ ਕਰ ਰਿਹਾ ਹੈ। ਸਿੰਗਰ ਨੇ ਤਸਵੀਰ ਸ਼ੇਅਰ ਕਰਦਿਆਂ ਕਿਹਾ, “ਆਹ ਚੱਕੋ!! ਮੇਰੇ ਸਾਰੇ ਪਿਆਰੇ ਪ੍ਰਸ਼ੰਸਕਾਂ ਲਈ ਕਰਾਤਾ ਪੁਰਾਣਾ ਹੇਅਰ ਕੱਟ #yoyohoneysingh #honey3.0 ਕੀ ਤੁਸੀਂ ਤਿਆਰ ਹੋ”।
View this post on Instagram
ਇਸ ਦੌਰਾਨ, ਹਨੀ ਸਿੰਘ ਦੇ ਪ੍ਰਸ਼ੰਸਕਾਂ ਨੇ ਰੈਪਰ ਨੂੰ ਉਸ ਦੇ 2010 ਦੇ ਅਵਤਾਰ ਵਿੱਚ ਦੇਖ ਕੇ ਖੁਸ਼ੀ ਦਾ ਇਜ਼ਹਾਰ ਕੀਤਾ। ਇਸ ਤੋਂ ਇਲਾਵਾ, ਰੈਪਰ-ਕੰਪੋਜ਼ਰ ਇੰਸਟਾਗ੍ਰਾਮ ‘ਤੇ ਆਪਣੇ ਟ੍ਰਾਂਸਫੋਮੈਸ਼ਨ ਦੀਆਂ ਫੋਟੋਆਂ ਅਤੇ ਵੀਡੀਓਜ਼ ਨੂੰ ਸਾਂਝਾ ਕਰਦਾ ਰਹਿੰਦਾ ਹੈ, ਜੋ ਉਸਨੂੰ ਬਿਲਕੁਲ ਨਵੀਂ ਲੁੱਕ ‘ਚ ਦਿਖਾਉਂਦੀਆਂ ਹਨ। ਇਸ ਤੋਂ ਕੁਝ ਦਿਨ ਪਹਿਲਾਂ ਹੀ ਸਿੰਘ ਨੇ ਆਪਣੀਆਂ ਕੁਝ ਪੁਰਾਣੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਸੀ ਅਤੇ ਇੰਨਾ ਹੀ ਨਹੀਂ ਹਨੀ ਸਿੰਘ ਨੇ ਪੈਰਿਸ ਕਾ ਟ੍ਰਿਪ, ਜਾਮ ਅਤੇ ਹੋਰ ਗੀਤਾਂ ‘ਚ ਵੀ ਆਪਣੇ ਪੁਰਾਣੇ ਵਾਈਬਸ ਦਿਖਾਇਆਂ ਸੀ।