Shubman Gill-Sara Ali Khan: ਸਾਰਾ ਅਲੀ ਖ਼ਾਨ ਤੇ ਸ਼ੁਬਮਨ ਗਿੱਲ ਦੀ ਡੇਟਿੰਗ ਦੀਆਂ ਖ਼ਬਰਾਂ ਸੋਸ਼ਲ ਮੀਡੀਆ ‘ਤੇ ਆਉਂਦੀਆਂ ਰਹਿੰਦੀਆਂ ਹਨ। ਕੁਝ ਸਮਾਂ ਪਹਿਲਾਂ ਸ਼ੁਭਮਨ ਅਤੇ ਸਾਰਾ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਸੀ, ਜਿਸ ‘ਚ ਦੋਵੇਂ ਡਿਨਰ ਕਰਦੇ ਨਜ਼ਰ ਆਏ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਦੇ ਡੇਟਿੰਗ ਦੀਆਂ ਖ਼ਬਰਾਂ ਤੇਜ਼ ਹੋ ਗਈਆਂ। ਇਸ ਦੌਰਾਨ ਕ੍ਰਿਕਟਰ ਨੇ ਅਜਿਹੀ ਗੱਲ ਕਹੀ ਜਿਸ ਦੀ ਚਰਚਾ ਤੇਜ਼ ਹੋ ਗਈ ਹੈ।
ਸਾਰਾ ਅਲੀ ਖ਼ਾਨ ਨੂੰ ਡੇਟ ਕਰ ਰਹੇ ਹਨ ਸ਼ੁਭਮਨ ਗਿੱਲ?
ਫਿਲਮਾਂ ਤੋਂ ਇਲਾਵਾ ਸਾਰਾ ਅਲੀ ਖ਼ਾਨ ਆਪਣੀ ਲਵ ਲਾਈਫ ਨੂੰ ਲੈ ਕੇ ਚਰਚਾ ‘ਚ ਰਹਿੰਦੀ ਹੈ। ਫੈਨਸ ਸਾਰਾ ਅਤੇ ਸ਼ੁਭਮਨ ਬਾਰੇ ਵੱਧ ਤੋਂ ਵੱਧ ਜਾਣਨਾ ਚਾਹੁੰਦੇ ਹਨ। ਹਾਲ ਹੀ ‘ਚ ਇਹ ਕ੍ਰਿਕਟਰ ਪੰਜਾਬੀ ਚੈਟ ਸ਼ੋਅ ‘ਦਿਲ ਦੀਆਂ ਗੱਲਾਂ’ ‘ਚ ਵੀ ਪਹੁੰਚਿਆਂ ਸੀ। ਸ਼ੋਅ ਦੀ ਹੋਸਟ ਸੋਨਮ ਬਾਜਵਾ ਨੇ ਇਸ ਦੌਰਾਨ ਉਨ੍ਹਾਂ ਤੋਂ ਪੁੱਛਿਆ ਕਿ ਬਾਲੀਵੁੱਡ ਦੀ ਸਭ ਤੋਂ ਫਿੱਟ ਮਹਿਲਾ ਐਕਟਰਸ ਕੌਣ ਹੈ। ਇਸ ‘ਤੇ ਉਸ ਨੇ ਵੱਡੀ ਖੁਸ਼ੀ ਨਾਲ ਕਿਹਾ- ਸਾਰਾ।
ਸ਼ੁਭਮਨ ਗਿੱਲ ਨੇ ਕਹੀ ਇਹ ਗੱਲ
ਸ਼ੁਭਮਨ ਗਿੱਲ ਨੂੰ ਅਗਲਾ ਸਵਾਲ ਪੁੱਛਿਆ ਗਿਆ- ਕੀ ਉਹ ਸਾਰਾ ਨੂੰ ਡੇਟ ਕਰ ਰਹੇ ਹਨ, ਜਿਸ ਬਾਰੇ ਉਨ੍ਹਾਂ ਕਿਹਾ, ਹੋ ਸਕਦਾ ਹੈ। ਜਿਸ ਤੋਂ ਬਾਅਦ ਸੋਨਮ ਨੇ ਉਨ੍ਹਾਂ ਨੂੰ ਕਿਹਾ, ਸਾਰਾ ਦਾ ਪੂਰਾ ਸੱਚ ਬੋਲੋ। ਇਸ ‘ਤੇ ਕ੍ਰਿਕੇਟਰ ਨੇ ਸ਼ਰਮਾਉਂਦਿਆਂ ਕਿਹਾ, ਸਾਰਾ ਦਾ ਸਾਰਾ ਸੱਚ ਦੱਸ ਦਿੱਤਾ। ਸ਼ਾਇਦ ਹਾਂ, ਸ਼ਾਇਦ ਨਹੀਂ।
ਦੱਸ ਦੇਈਏ ਕਿ ਕੁਝ ਮਹੀਨੇ ਪਹਿਲਾਂ ਸ਼ੁਭਮਨ ਦੇ ਜਨਮਦਿਨ ‘ਤੇ ਉਨ੍ਹਾਂ ਦੀ ਦੋਸਤ ਖੁਸ਼ਪ੍ਰੀਤ ਨੇ ਇੱਕ ਪੋਸਟ ਸ਼ੇਅਰ ਕੀਤੀ ਸੀ ਅਤੇ ਲਿਖਿਆ ਸੀ, ਮੈਂ ਉਮੀਦ ਕਰਦਾ ਹਾਂ ਕਿ ਪ੍ਰਮਾਤਮਾ ਤੁਹਾਨੂੰ ਹੋਰ ਕਾਮਯਾਬੀ ਦੇਵੇ। ਗੂਗਲ ਦਾ ਗਿਆਨ ਅਤੇ ਬਹੁਤ ‘ਸਾਰਾ’ ਪਿਆਰ। ਜਿਸ ਤੋਂ ਬਾਅਦ ਫੈਨਸ ਨੇ ਅੰਦਾਜ਼ਾ ਲਗਾਉਣਾ ਸ਼ੁਰੂ ਕਰ ਦਿੱਤਾ ਕਿ ਦੋਵੇਂ ਜ਼ਰੂਰ ਡੇਟ ਕਰ ਰਹੇ ਹਨ।
ਅਗਸਤ ‘ਚ ਫੈਲੀ ਸੀ ਇਸ ਦੀ ਅਫ਼ਵਾਹ
ਸਾਰਾ ਅਲੀ ਖ਼ਾਨ ਤੇ ਸ਼ੁਭਮਨ ਗਿੱਲ ਦੇ ਅਫੇਅਰ ਦੀਆਂ ਖ਼ਬਰਾਂ ਮੀਡੀਆ ‘ਚ ਉਦੋਂ ਆਈਆਂ ਜਦੋਂ ਅਗਸਤ ‘ਚ ਇੱਕ ਰੈਸਟੋਰੈਂਟ ‘ਚ ਡਿਨਰ ‘ਤੇ ਇਕੱਠੇ ਦੇਖਿਆ ਗਿਆ ਸੀ। ਉਨ੍ਹਾਂ ਦੀ ਇੱਕ ਛੋਟੀ ਜਿਹੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਸੀ, ਜਿਸ ਨੂੰ ਇੱਕ ਔਰਤ ਨੇ ਬਣਾਇਆ ਸੀ ਤੇ ਦਾਅਵਾ ਕੀਤਾ ਸੀ ਕਿ ਸਾਰਾ ਅਤੇ ਸ਼ੁਭਮਨ ਮੁੰਬਈ ਦੇ ਬੈਸਟੀਅਨ ਰੈਸਟੋਰੈਂਟ ਵਿਚ ਡਿਨਰ ਕਰ ਰਹੇ ਸੀ। ਬਾਅਦ ‘ਚ ਦੋਹਾਂ ਦਾ ਇੱਕ ਹੋਰ ਵੀਡੀਓ ਵੀ ਸਾਹਮਣੇ ਆਇਆ, ਜਿਸ ‘ਚ ਉਹ ਫਲਾਈਟ ‘ਚ ਇਕੱਠੇ ਨਜ਼ਰ ਆਏ।
ਸ਼ੁਭਮਨ ਗਿੱਲ ਸਾਰਾ ਤੋਂ 5 ਸਾਲ ਛੋਟੇ
ਸ਼ੁਭਮਨ ਗਿੱਲ 22 ਸਾਲਾਂ ਦਾ ਹੈ ਅਤੇ ਇੱਕ ਭਾਰਤੀ ਅੰਤਰਰਾਸ਼ਟਰੀ ਕ੍ਰਿਕਟਰ ਹੈ। ਉਹ ਪੰਜਾਬ ਲਈ ਖੇਡਦਾ ਹੈ। ਸ਼ੁਭਮਨ ਨੇ 2019 ਵਿੱਚ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਐਂਟਰੀ ਕੀਤੀ ਤੇ ਅੰਡਰ-19 ਵਿਸ਼ਵ ਕੱਪ ਵਿੱਚ ਭਾਰਤੀ ਟੀਮ ਦਾ ਹਿੱਸਾ ਰਿਹਾ। ਸ਼ੁਭਮਨ ਉਮਰ ‘ਚ ਸਾਰਾ ਅਲੀ ਖ਼ਾਨ ਤੋਂ ਲਗਪਗ 5 ਸਾਲ ਛੋਟੇ ਹਨ। ਸਾਰਾ ਨੇ ਅਗਸਤ ‘ਚ ਆਪਣਾ 27ਵਾਂ ਜਨਮਦਿਨ ਸੈਲੀਬ੍ਰੇਟ ਕੀਤਾ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
