Maujaan Hi Maujaan Shooting Start: ਪੰਜਾਬੀ ਫਿਲਮ ਇੰਡਸਟਰੀ ਦੇ ਸਿਤਾਰੇ ਇਸ ਸਮੇਂ ਆਪਣੀਆਂ ਫਿਲਮਾਂ ਦੀ ਰਿਲੀਜ਼ ਦੇ ਨਾਲ ਆਉਣ ਵਾਲੀਆਂ ਫਿਲਮਾਂ ਦੀ ਸ਼ੂਟਿੰਗ ‘ਚ ਰੁਝੇ ਹੋਏ ਹਨ। ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਪੰਜਾਬੀ ਸਟਾਰਸ ‘ਚ ਜੋ ਇਸ ਸਮੇਂ ਬੈਕ ਟੂ ਬੈਕ ਫਿਲਮਾਂ ਕਰਕੇ ਬੱਜ਼ ਕ੍ਰਿਏਟ ਕਰ ਰਿਹਾ ਹੈ ਉਹ ਹੈ ਪੰਜਾਬੀ ਸਿੰਗਰ ਅਤੇ ਐਕਟਰ ਗਿੱਪੀ ਗਰੇਵਾਲ (Gippy Grewal)। ਦੱਸ ਦਈਏ ਕਿ ਗਿੱਪੀ ਨੂੰ ਹਾਲ ਹੀ ‘ਚ ਫਿਲਮ ਹਨੀਮੂਨ ‘ਚ ਟੀਵੀ ਸਟਾਰ ਜੈਸਮੀਨ ਨਾਲ ਸਕਰੀਨ ‘ਤੇ ਵੇਖਿਆ ਗਿਆ ਸੀ। ਇਸ ਫਿਲਮ ਦੀ ਕਾਮਯਾਬੀ ਮਗਰੋਂ ਗਿੱਪੀ ਆਪਣੀ ਅਗਲੀ ਫਿਲਮ ‘ਚ ਰੁਝ ਗਏ ਹਨ।
ਗਿੱਪੀ ਗਰੇਵਾਲ ਨੇ ਹਾਲ ਹੀ ‘ਚ ਖੁਲਾਸਾ ਕੀਤਾ ਸੀ ਕਿ ਉਹ ਜਲਦੀ ਹੀ ਆਪਣੀ ਅਗਲੀ ਫਿਲਮ ਮੌਜ਼ਾਂ ਹੀ ਮੌਜ਼ਾਂ (Maujaan Hi Maujaan) ਲੈ ਕੇ ਆ ਰਹੇ ਹਨ। ਹੁਣ ਇਸ ‘ਚ ਤਾਜ਼ਾ ਜਾਣਕਾਰੀ ਹੈ ਕਿ ਗਿੱਪੀ ਦੀ ਇਸ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਗਈ ਹੈ, ਜਿਸ ਦੀ ਜਾਣਕਾਰੀ ਗਿੱਪੀ ਗਰੇਵਾਲ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤੀ ਹੈ। ਨਾਲ ਹੀ ਇਸ ‘ਚ ਗਿੱਪੀ ਗਰੇਵਾਲ ਸਕੀਰਨ ‘ਤੇ ਤਨੂ ਗਰੇਵਾਲ ਨਾਲ ਨਜ਼ਰ ਆਉਣਗੇ।
ਦੱਸ ਦਈਏ ਕਿ ਦੋਵੇਂ ਸਟਾਰ ਇਸ ਤੋਂ ਪਹਿਲਾਂ ”ਯਾਰ ਮੇਰਾ ਤਿਤਲਿਆਂ ਵਾਰਗਾ” ਵਿੱਚ ਸਕ੍ਰੀਨ ਸਪੇਸ ਸ਼ੇਅਰ ਕਰ ਚੁੱਕੇ ਹਨ ਤੇ ਆਪਣੀ ਆਨ-ਸਕ੍ਰੀਨ ਕੈਮਿਸਟਰੀ ਨਾਲ ਲੋਕਾਂ ਦੇ ਦਿਲ ਜਿੱਤ ਚੁੱਕੇ ਹਨ। ਤਨੂ ਗਰੇਵਾਲ-ਗਿੱਪੀ ਗਰੇਵਾਲ ਦੇ ਨਾਲ ਫਿਲਮ ‘ਚ ਬਿੰਨੂ ਢਿੱਲੋਂ ਅਤੇ ਕਰਮਜੀਤ ਅਨਮੋਲ ਵੀ ਨਾਲ ਨਜ਼ਰ ਆਉਣਗੇ।
ਇਸ ਤੋਂ ਇਲਾਵਾ, ਕੁਝ ਮਹੀਨੇ ਪਹਿਲਾਂ ਰਿਲੀਜ਼ ਹੋਏ ਪਹਿਲੇ ਪੋਸਟਰ ਦੇ ਆਧਾਰ ‘ਤੇ ਅਜਿਹਾ ਲੱਗਦਾ ਹੈ ਕਿ ਮੌਜਾਂ ਹੀ ਮੌਜਾਂ ਇੱਕ ਕਾਮੇਡੀ ਫਿਲਮ ਹੋਵੇਗੀ। ਗਿੱਪੀ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ‘ਚ ਖੁਲਾਸਾ ਕੀਤਾ ਕਿ ਬਿੰਨੂ ਢਿੱਲੋਂ ਅਤੇ ਕਰਮਜੀਤ ਅਨਮੋਲ ਤੋਂ ਇਲਾਵਾ ਹਰ ਕੋਈ ਪਹਿਲੇ ਸ਼ੈਡਿਊਲ ‘ਤੇ ਪਹੁੰਚ ਗਿਆ ਹੈ। ਤੇ ਮੁਹਰਤ ਪਹਿਲਾਂ ਹੀ ਰੱਖਿਆ ਜਾ ਚੁੱਕਿਆ ਹੈ। ਸਮੀਪ ਕੰਗ ਵਲੋਂ ਨਿਰਦੇਸ਼ਿਤ ਕੀਤੀ ਗਈ ਇਸ ਫਿਲਮ ਨੂੰ ਈਸਟ ਸ਼ਾਈਨ ਪ੍ਰੋਡਕਸ਼ਨ ਵੱਲੋਂ ਅਮਰਦੀਪ ਗਰੇਵਾਲ ਨਾਲ ਪੇਸ਼ ਕੀਤਾ ਜਾ ਰਿਹਾ ਹੈ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
