ਤੁਸੀਂ 60 ਅਤੇ 70 ਦੇ ਦਹਾਕੇ ਵਿੱਚ ਅਜਿਹੀਆਂ ਬਹੁਤ ਸਾਰੀਆਂ ਬਾਲੀਵੁੱਡ ਫਿਲਮਾਂ ਵੇਖੀਆਂ ਹੋਣਗੀਆਂ ਜਿਨ੍ਹਾਂ ਦੇ ਖਲਨਾਇਕ ਇੱਕ ਪੱਕੇ ਘਰ ਵਿੱਚ ਰਹਿੰਦੇ ਸਨ। ਉਸਦੇ ਆਲੇ ਦੁਆਲੇ ਅਜਿਹੀ ਸੁਰੱਖਿਆ ਸੀ ਕਿ ਵੇਖਣ ਵਾਲੇ ਹੈਰਾਨ ਰਹਿ ਜਾਣ ਪਰ ਅੱਜ ਅਸੀਂ ਤੁਹਾਨੂੰ ਅਸਲ ਜ਼ਿੰਦਗੀ ਦੇ ਖਲਨਾਇਕ ਬਾਰੇ ਦੱਸਣ ਜਾ ਰਹੇ ਹਾਂ ਜੋ ਕਿਲ੍ਹੇ ਵਰਗੇ ਘਰ ਵਿੱਚ ਨਹੀਂ ਬਲਕਿ ਇੱਕ ਪੰਜ ਤਾਰਾ ਜੇਲ੍ਹ ਵਿੱਚ ਰਹਿੰਦਾ ਸੀ। ਇਹ ਉਹ ਡਰੱਗ ਮਾਫੀਆ ਸੀ ਜਿਸ ਨੂੰ ਦੁਨੀਆ ‘ਕੋਕੀਨ ਦਾ ਰਾਜਾ’ ਵਜੋਂ ਜਾਣਦੀ ਸੀ ਅਤੇ ਇਸਦਾ ਨਾਮ ਸੀ ਪਾਬਲੋ ਐਸਕੋਬਾਰ।
ਜੇਲ੍ਹ ਵਿੱਚ ਇੱਕ ਫੁੱਟਬਾਲ ਮੈਦਾਨ ਅਤੇ ਇੱਕ ਝਰਨਾ ਸੀ
ਜਿਸ ਜੇਲ੍ਹ ਵਿੱਚ ਪਾਬਲੋ ਨੂੰ ਰੱਖਿਆ ਗਿਆ ਸੀ ਉਹ ਕੋਲੰਬੀਆ ਵਿੱਚ ਸੀ ਅਤੇ ਉਹ ਆਪਣੀ ਸ਼ਰਤ ‘ਤੇ ਇਸ ਜੇਲ੍ਹ ਵਿੱਚ ਰਹਿਣ ਲਈ ਗਿਆ ਸੀ। ਪਾਬਲੋ ਨੇ ਇਸ ਜੇਲ ਨੂੰ ਇੰਨਾ ਆਲੀਸ਼ਾਨ ਬਣਾਇਆ ਕਿ ਇਸਨੂੰ ਕਈ ਵਾਰ ਹੋਟਲ ਐਸਕੋਬਾਰ ਜਾਂ ਕਲੱਬ ਮੈਡੇਲੀਨ ਕਿਹਾ ਜਾਂਦਾ ਸੀ। ਪਰ ਇਸਦਾ ਅਸਲ ਨਾਮ ਲਾ ਕੈਟੇਡ੍ਰਲ ਜਾਂ ਦਿ ਕੈਥੇਡ੍ਰਲ ਸੀ ਤੇ ਇਹ ਨਾਮ ਇਸ ਨੂੰ ਕਈ ਕਾਰਨਾਂ ਕਰਕੇ ਦਿੱਤਾ ਗਿਆ ਸੀ।
ਇਸ ਜੇਲ੍ਹ ਵਿੱਚ ਇੱਕ ਫੁੱਟਬਾਲ ਮੈਦਾਨ, ਇੱਕ ਜੈਕੂਜ਼ੀ ਅਤੇ ਇੱਥੋਂ ਤੱਕ ਕਿ ਇੱਕ ਝਰਨਾ ਵੀ ਸੀ. ਬਹੁਤ ਸਾਰੇ ਲੋਕ ਲਾ ਕੈਟੇਡ੍ਰਲ ਨੂੰ ਇੱਕ ਜੇਲ੍ਹ ਨਾਲੋਂ ਕਿਲ੍ਹਾ ਜ਼ਿਆਦਾਂ ਕਹਿੰਦੇ ਹਨ। ਇੱਕ ਕਿਲ੍ਹਾ ਜਿੱਥੋਂ ਐਸਕੋਬਾਰ ਨੇ ਆਪਣੇ ਦੁਸ਼ਮਣਾਂ ਨੂੰ ਦੂਰ ਰੱਖਿਆ ਸੀ ਅਤੇ ਉਸਨੇ ਆਪਣੇ ਆਪ ਨੂੰ ਇੱਥੇ ਬੰਦ ਰੱਖਿਆ ਸੀ॥ ਕਿਹਾ ਜਾਂਦਾ ਹੈ ਕਿ ਐਸਕੋਬਾਰ ਜੇਲ੍ਹ ਤੋਂ ਆਪਣੀਆਂ ਗਤੀਵਿਧੀਆਂ ਚਲਾਉਂਦਾ ਸੀ।
ਐਸਕੋਬਾਰ ਕੈਦੀਆਂ ਵਿੱਚ ਪ੍ਰਸਿੱਧ ਸੀ
ਕੋਲੰਬੀਆ ਦੀ ਸਰਕਾਰ ਨੂੰ ਇਸ ਜੇਲ੍ਹ ਵਿੱਚ ਐਸਕੋਬਾਰ ਉੱਤੇ ਮੁਕੱਦਮਾ ਚਲਾਉਣ ਅਤੇ ਸਜ਼ਾ ਦੇਣ ਵਿੱਚ ਬਹੁਤ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ। ਏਸਕੋਬਾਰ ਇੱਥੋਂ ਦੇ ਕੈਦੀਆਂ ਵਿੱਚ ਬਹੁਤ ਮਸ਼ਹੂਰ ਸੀ। ਅੱਜ ਵੀ, ਐਸਕੋਬਾਰ ਦੀਆਂ ਯਾਦਾਂ ਇਸ ਜੇਲ੍ਹ ਵਿੱਚ ਸੁਰੱਖਿਅਤ ਹਨ. ਬਹੁਤ ਸਾਰੇ ਲੋਕ ਐਸਕੋਬਾਰ ਨੂੰ ਮਾਫੀਆ ਮੰਨਣ ਤੋਂ ਇਨਕਾਰ ਕਰਦੇ ਹਨ। ਉਨ੍ਹਾਂ ਦਾ ਮੰਨਦਾ ਹੈ ਕਿ ਉਸਨੇ ਇਸ ਸ਼ਹਿਰ ਲਈ ਬਹੁਤ ਕੁਝ ਕੀਤਾ ਹੈ ਪਰ ਕੁਝ ਸਿਆਸਤਦਾਨਾਂ ਅਤੇ ਪੁਲਿਸ ਵਾਲਿਆਂ ਨੇ ਐਸਕੋਬਾਰ ਤੋਂ ਡਰਨ ਅਤੇ ਉਸ ਅੱਗੇ ਝੁਕਣ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ॥ ਕਈ ਦੌਰ ਦੀ ਗੱਲਬਾਤ ਤੋਂ ਬਾਅਦ, ਐਸਕੋਬਾਰ ਸਮਰਪਣ ਕਰਨ ਲਈ ਤਿਆਰ ਹੋ ਗਿਆ.
ਸਰਕਾਰ ਅੱਗੇ ਰੱਖੀਆਂ ਸੀ ਸ਼ਰਤਾਂ
ਐਸਕੋਬਾਰ ਨੇ ਗੱਲਬਾਤ ਦੌਰਾਨ ਜਿਹੜੀਆਂ ਸ਼ਰਤਾਂ ਰੱਖੀਆਂ ਸਨ ਉਹ ਇਹ ਸਨ ਕਿ ਉਨ੍ਹਾਂ ਦੀ ਸਜ਼ਾ ਦੀ ਮਿਆਦ ਘਟਾ ਕੇ ਪੰਜ ਸਾਲ ਕਰ ਦਿੱਤੀ ਜਾਵੇ। ਉਸ ਨੇ ਕਿਹਾ ਸੀ ਕਿ ਜਿਸ ਜੇਲ੍ਹ ਵਿੱਚ ਉਹ ਆਪਣੀ ਸਜ਼ਾ ਭੁਗਤੇਗਾ, ਉਹ ਖੁਦ ਉਸ ਦੀ ਉਸਾਰੀ ਕਰਵਾਏਗਾ। ਇੱਥੇ ਉਹ ਆਪਣੇ ਚੁਣੇ ਹੋਏ ਗਾਰਡ ਤਾਇਨਾਤ ਕਰੇਗਾ ਅਤੇ ਕੋਲੰਬੀਆ ਦੇ ਸਿਪਾਹੀ ਉਸਨੂੰ ਦੁਸ਼ਮਣਾਂ ਤੋਂ ਬਚਾਉਣਗੇ। ਐਸਕੋਬਾਰ ਦੇ ਵਿਰੋਧੀ ਇਸਦੇ ਵਿਰੁੱਧ ਸਨ, ਪਰ ਕੋਲੰਬੀਆ ਦੀ ਸਰਕਾਰ ਨੇ ਸੰਵਿਧਾਨ ਵਿੱਚ ਬਦਲਾਅ ਕੀਤਾ। ਇਸ ਸੋਧ ਤੋਂ ਬਾਅਦ, ਜੂਨ 1991 ਤੋਂ ਨਾਗਰਿਕਾਂ ਦੀ ਹਵਾਲਗੀ ‘ਤੇ ਪਾਬੰਦੀ ਲਗਾ ਦਿੱਤੀ ਗਈ ਸੀ।
ਅੰਤ ਵਿੱਚ ਸਮਰਪਣ ਕਰਨ ਲਈ ਹੋਇਆ ਸਹਿਮਤ
ਐਸਕੋਬਾਰ ਲਾਗਤਾਰ ਆਪਣੀ ਸ਼ਰਤ ਮਨਵਾਉਣ ਦੀਆਂ ਕੋਸ਼ਿਸ਼ਾਂ ਕਰਦਾ ਰਿਹਾ, ਅਤੇ ਉਦੋਂ ਉਸਨੇ ਆਪਣਾ ਮਨ ਬਦਲਿਆ ਜਦੋਂ ਤਤਕਾਲੀ ਰਾਸ਼ਟਰਪਤੀ ਸੀਜ਼ਰ ਗਾਵੀਰੀਆ ਨੇ ਇਹ ਐਲਾਨ ਨਹੀਂ ਕੀਤਾ ਕਿ ਉਸ ਨਾਲ ਕਾਨੂੰਨ ਅਨੁਸਾਰ ਵਿਵਹਾਰ ਕੀਤਾ ਜਾਵੇਗਾ. ਅੰਤ ਵਿੱਚ, ਅਮਰੀਕਾ ਦੇ ਹਵਾਲੇ ਕੀਤੇ ਜਾਣ ਤੋਂ ਬਚਣ ਲਈ ਐਸਕੋਬਾਰ ਨੇ ਆਤਮ ਸਮਰਪਣ ਕਰ ਦਿੱਤਾ। ਯੂਐਸ ਡਰੱਗ ਇਨਫੋਰਸਮੈਂਟ ਐਡਮਨਿਸਟ੍ਰੇਸ਼ਨ ਦੇ ਏਜੰਟ ਸਟੀਵ ਮਰਫੀ ਨੇ ਇੱਕ ਇੰਟਰਵਿਊ ਵਿੱਚ ਕਿਹਾ ਹੈ ਕਿ ਪਾਬਲੋ ਦੇ ਕੋਲ ਸਾਰੀ ਦੁਨੀਆ ਵਿੱਚ ਪੈਸਾ ਸੀ। ਹੋਰ ਤਸਕਰ ਵੀ ਉਸ ਨੂੰ ਪੈਸੇ ਦਿੰਦੇ ਸਨ। ਉਸ ਨੇ ਦੱਸਿਆ ਕਿ ਪਾਬਲੋ ਐਸਕੋਬਾਰ ਨੇ 10 ਤੋਂ 15 ਹਜ਼ਾਰ ਲੋਕਾਂ ਦੀ ਜਾਨ ਲਈ ਸੀ। ਐਸਕੋਬਾਰ ਨੂੰ 2 ਦਸੰਬਰ 1993 ਨੂੰ 44 ਸਾਲ ਦੀ ਉਮਰ ਵਿੱਚ ਮਾਰ ਦਿੱਤਾ ਗਿਆ ਸੀ ਪਰ ਉਸਨੂੰ ਮਾਰਨ ਵਿੱਚ ਪੁਲਿਸ ਨੇ ਬਹੁਤ ਮੁਸ਼ੱਕਤ ਕੀਤੀ।
