RRR 2: ਇਸ ਸਾਲ ਬਾਕਸ ਆਫਿਸ ‘ਤੇ ਸਾਊਥ ਦੀਆਂ ਫਿਲਮਾਂ ਦਾ ਦਬਦਬਾ ਰਿਹਾ। ‘KGF 2’ ਹੋਵੇ ਜਾਂ ‘RRR’ ਦੋਵਾਂ ਫਿਲਮਾਂ ਨੇ ਹਿੰਦੀ ‘ਚ ਵੀ ਖੂਬ ਕਮਾਈ ਕੀਤੀ। ਇਨ੍ਹਾਂ ਫਿਲਮਾਂ ਨੇ ਰਿਕਾਰਡ ਬਣਾਏ ਤੇ ਆਪਣਾ ਮਜ਼ਬੂਤ ਫੈਨਸ ਬੇਸ ਬਣਾਇਆ। ਇਸ ਦੇ ਨਾਲ ਹੀ ਫਿਲਮ ਪੁਸ਼ਪਾ ਨੂੰ ਵੀ ਇਸੇ ਲਿਸਟ ‘ਚ ਸ਼ਾਮਲ ਕਰਨ ਤੋਂ ਕੋਈ ਪਿੱਛੇ ਨਹੀਂ ਹੱਟਾ ਸਕਦਾ। ਇਸ ਦੇ ਨਾਲ ਹੀ ਹੁਣ ਲੋਕਾਂ ਇਨ੍ਹਾਂ ਫਿਲਮਾਂ ਦੇ ਅਗਲੇ ਪਾਰਟ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ।
ਦੱਸ ਦਈਏ ਕਿ ਯਸ਼ ਪਹਿਲਾਂ ਹੀ ਆਪਣੀ ਫਿਲਮ KGF ਦੇ ਤੀਜੇ ਪਾਰਟ ‘KGF 3’ ਦਾ ਐਲਾਨ ਕਰ ਚੁੱਕੇ ਹਨ। ਇਸ ਦੇ ਨਾਲ ਹੀ ਰਾਮ ਚਰਨ ਅਤੇ ਜੂਨੀਅਰ NTR ਸਟਾਰਰ ਫਿਲਮ ‘RRR’ ਨੇ ਰਿਲੀਜ਼ ਹੋਣ ‘ਤੇ ਹੀ ਕਮਾਈ ਦੇ ਰਿਕਾਰਡ ਤੋੜਨੇ ਸ਼ੁਰੂ ਕਰ ਦਿੱਤੇ। ਐਸਐਸ ਰਾਜਾਮੌਲੀ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਫ਼ਿਲਮ ਦੇ ਦੂਜੇ ਪਾਰਟ ਦਾ ਹੁਣ ਫੈਨਸ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਫਿਲਮ ਨਾਲ ਜੁੜੀ ਨਵੀਂ ਅਪਡੇਟ ਖੁਸ਼ ਕਰਨ ਜਾ ਰਹੀ ਹੈ।
ਫਿਲਮ ਦੇ ਸਕ੍ਰਿਪਟ ਰਾਈਟਰ ਕੇਵੀ ਵਿਜੇੇਂਦਰ ਪ੍ਰਸਾਦ ਨੇ ਦੂਜੇ ਪਾਰਟ ‘ਆਰਆਰਆਰ 2’ ਦੀ ਸਕ੍ਰਿਪਟ ਤਿਆਰ ਕਰ ਲਈ ਹੈ। ਖ਼ਬਰਾਂ ਮੁਤਾਬਕ ਕੇਵੀ ਵਿਜਯੇਂਦਰ ਪ੍ਰਸਾਦ ਨੇ ਇਸ ਦਾ ਅਧਿਕਾਰਤ ਐਲਾਨ ਕੀਤਾ ਹੈ। ਰਿਪੋਰਟ ਇਹ ਵੀ ਹੈ ਕਿ ਆਉਣ ਵਾਲੇ ਦਿਨਾਂ ‘ਚ ਫਿਲਮ ਨਾਲ ਜੁੜੇ ਹੋਰ ਨਵੇਂ ਅਪਡੇਟ ਸਾਹਮਣੇ ਆ ਸਕਦੇ ਹਨ।
‘RRR 2’ ਦੀ ਸਕ੍ਰਿਪਟ ਪੂਰੀ ਹੋਣ ਦੀ ਖ਼ਬਰ ਨੇ ਫੈਨਸ ਦੀ ਹੌਸਲਾ ਅਫਜ਼ਾਈ ਕੀਤੀ ਹੈ। ਲੋਕ ਜਾਣਨਾ ਚਾਹੁੰਦੇ ਹਨ ਕਿ ‘RRR 2’ ‘ਚ ਕੀ ਕੁਝ ਨਵਾਂ ਤੇ ਵੱਖਰਾ ਦੇਖਣ ਨੂੰ ਮਿਲੇਗਾ। ਇਸ ਦੇ ਨਾਲ ਹੀ ਫਿਲਮ ਦੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਚਰਚਾ ਹੋ ਰਹੀ ਹੈ।
