Netflix Removing Bollywood Films in December 2022: Netflix ਇੱਕ ਅਜਿਹਾ OTT ਪਲੇਟਫਾਰਮ ਹੈ ਜਿਸਨੂੰ ਕਿਸੇ ਜਾਣ-ਪਛਾਣ ਦੀ ਲੋੜ ਨਹੀਂ ਹੈ। ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਬਗੈਰ ਕਿਸੇ ਰਸਮੀ ਐਲਾਨ ਦੇਇਹ ਪਲੇਟਫਾਰਮ ਕਈ ਫਿਲਮਾਂ ਅਤੇ ਸ਼ੋਅਜ਼ ਨੂੰ ਹਟਾਉਣ ਜਾ ਰਿਹਾ ਹੈ।
ਦੱਸ ਦੇਈਏ ਕਿ ਦਸੰਬਰ 2022 ਦੀਆਂ ਰਿਪੋਰਟਾਂ ਦੇ ਮੁਤਾਬਕ, ਦਿਲ ਚਾਹਤਾ ਹੈ ਅਤੇ ਜ਼ਿੰਦਗੀ ਨਾ ਮਿਲੇਗੀ ਦੋਬਾਰਾ ਵਰਗੀਆਂ ਕਈ ਮਸ਼ਹੂਰ ਬਾਲੀਵੁੱਡ ਫਿਲਮਾਂ ਨੂੰ ਹਟਾਇਆ ਜਾ ਸਕਦਾ ਹੈ। ਇਹ ਸਾਰੀਆਂ ਫਿਲਮਾਂ 15 ਦਸੰਬਰ ਨੂੰ ਹਟਾਈਆਂ ਜਾਣਗੀਆਂ। ਇੱਥੇ ਵੇਖੋ ਸਾਹਮਣੇ ਆਈ ਲਿਸਟ ‘ਚ ਕਿਹੜੀਆਂ ਫਿਲਮਾਂ ਸ਼ਾਮਲ:-
ਇਸ ਲਿਸਟ ‘ਚ ਸਭ ਤੋਂ ਪਹਿਲਾ ਨਾਂ ਜ਼ੋਇਆ ਅਖ਼ਤਰ ਦੀ ਫਿਲਮ ‘ਜ਼ਿੰਦਗੀ ਨਾ ਮਿਲੇਗੀ ਦੋਬਾਰਾ’ ਦਾ ਹੈ। ਇਸ ਫਿਲਮ ‘ਚ ਫਰਹਾਨ ਅਖ਼ਤਰ, ਰਿਤਿਕ ਰੋਸ਼ਨ, ਅਭੈ ਦਿਓਲ, ਕੈਟਰੀਨਾ ਕੈਫ ਅਤੇ ਕਲਕੀ ਕੋਚਲੀਨ ਨੇ ਅਹਿਮ ਭੂਮਿਕਾਵਾਂ ਨਿਭਾਈਆਂ।
ਇਸ ਸੂਚੀ ਵਿੱਚ ਦੂਜੀ ਫ਼ਿਲਮ ਵੀ ਜੋਏ ਅਖ਼ਤਰ ਦੀ ਫ਼ਿਲਮ ‘ਦਿਲ ਧੜਕਨੇ ਦੋ’ ਹੈ। ਇਸ ਮਲਟੀਸਟਾਰਰ ਫਿਲਮ ‘ਚ ਪ੍ਰਿਯੰਕਾ ਚੋਪੜਾ, ਫਰਹਾਨ ਅਖਤਰ, ਰਣਵੀਰ ਸਿੰਘ, ਅਨੁਸ਼ਕਾ ਸ਼ਰਮਾ, ਅਨਿਲ ਕਪੂਰ ਅਤੇ ਸ਼ੈਫਾਲੀ ਸ਼ਾਹ ਸਮੇਤ ਕਈ ਸਿਤਾਰਿਆਂ ਨੇ ਕੰਮ ਕੀਤਾ।
ਸ਼ਾਹਰੁਖ ਖ਼ਾਨ ਦੀ ‘Don ਸੀਰੀਜ਼’ ਦੀ Don ਤੇ Don 2 ਨੂੰ ਵੀ ਦਸੰਬਰ ‘ਚ ਨੈੱਟਫਲਿਕਸ ਤੋਂ ਹਟਾਇਆ ਜਾ ਸਕਦਾ ਹੈ। ਇਸ ਸੀਰੀਜ਼ ਦੀਆਂ ਦੋਵੇਂ ਫਿਲਮਾਂ ‘ਚ ਸ਼ਾਹਰੁਖ ਖ਼ਾਨ, ਪ੍ਰਿਅੰਕਾ ਚੋਪੜਾ, ਓਮ ਪੁਰੀ ਅਤੇ ਬੋਮਨ ਇਰਾਨੀ ਨੇ ਮੁੱਖ ਭੂਮਿਕਾਵਾਂ ਨਿਭਾਈਆਂ ਹਨ।
ਕਲਟ ਕਲਾਸਿਕ ‘ਦਿਲ ਚਾਹਤਾ ਹੈ’ (Dil Chahta Hai) ਨੂੰ ਵੀ ਅਗਲੇ ਮਹੀਨੇ ਨੈੱਟਫਲਿਕਸ ਤੋਂ ਹਟਾਇਆ ਜਾ ਸਕਦਾ ਹੈ। ਇਸ ਫਿਲਮ ਨੂੰ ਰਿਲੀਜ਼ ਹੋਏ ਕਈ ਸਾਲ ਹੋ ਗਏ ਹਨ ਅਤੇ ਅੱਜ ਵੀ ਲੋਕ ਇਸ ਨੂੰ ਬਹੁਤ ਪਸੰਦ ਕਰਦੇ ਹਨ। ਫਿਲਮ ‘ਚ ਆਮਿਰ ਖ਼ਾਨ, ਸੈਫ ਅਲੀ ਖ਼ਾਨ ਅਤੇ ਅਕਸ਼ੇ ਖੰਨਾ ਨੇ ਸ਼ਾਨਦਾਰ ਕੰਮ ਕੀਤਾ ਹੈ।
ਇਨ੍ਹਾਂ ਚਾਰ ਫਿਲਮਾਂ ਤੋਂ ਇਲਾਵਾ ਦੀਪਿਕਾ ਪਾਦੂਕੋਣ ਅਤੇ ਫਰਹਾਨ ਅਖ਼ਤਰ ਦੀ ‘ਕਾਰਤਿਕ ਕਾਲਿੰਗ ਕਾਰਤਿਕ’ (Karthik Calling Karthik), ਫਰਹਾਨ ਅਖ਼ਤਰ ਅਤੇ ਅਰਜੁਨ ਰਾਮਪਾਲ ਦੀ ‘ਰਾਕ ਆਨ’ (Rock On) ਤੇ ਫਰਹਾਨ ਅਖ਼ਤਰ ਦੀ ‘ਲਕ ਬਾਏ ਚਾਂਸ’ (Luck by Chance) ਵੀ ਇਸ ਸੂਚੀ ‘ਚ ਸ਼ਾਮਲ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
