Haryana Free Electricity: ਆਮ ਆਦਮੀ ਪਾਰਟੀ (ਆਪ) ਨੇ ਐਤਵਾਰ ਨੂੰ ਪੰਚਕੂਲਾ ਤੋਂ ‘ਬਿਜਲੀ ਅੰਦੋਲਨ’ ਦੀ ਸ਼ੁਰੂਆਤ ਕੀਤੀ। ਪਾਰਟੀ ਦੇ ਮੁਖੀ ਅਰਵਿੰਦ ਕੇਜਰੀਵਾਲ ਨੇ ਹਰਿਆਣਾ ਵਿਚ ਕਥਿਤ ਬਿਜਲੀ ਕੱਟਾਂ ਨੂੰ ਲੈ ਕੇ ਸੱਤਾਧਾਰੀ ਭਾਜਪਾ ‘ਤੇ ਨਿਸ਼ਾਨਾ ਸਾਧਿਆ ਅਤੇ ਸੱਤਾ ਵਿਚ ਆਉਣ ‘ਤੇ ਮੁਫਤ ਬਿਜਲੀ ਦੇਣ ਦਾ ਵਾਅਦਾ ਕੀਤਾ। ਉਨ੍ਹਾਂ ਇੱਕ ਪ੍ਰੋਗਰਾਮ ਵਿੱਚ ਕਿਹਾ ਕਿ ਜੇਕਰ ਇਰਾਦੇ ਸਾਫ਼ ਹੋਣ ਤਾਂ ਮੁਫ਼ਤ ਅਤੇ ਨਿਰਵਿਘਨ ਬਿਜਲੀ ਸਪਲਾਈ ਸੰਭਵ ਹੈ।
‘ਆਪ’ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਐਤਵਾਰ ਨੂੰ ਹਰਿਆਣਾ ‘ਚ ਬਿਜਲੀ ਅੰਦੋਲਨ ਸ਼ੁਰੂ ਕੀਤਾ। ਪੰਚਕੂਲਾ ਦੇ ਸੈਕਟਰ 5 ਤੋਂ ਸ਼ੁਰੂ ਹੋਏ ਬਿਜਲੀ ਅੰਦੋਲਨ ਵਿੱਚ ਪੰਜਾਬ ਦੇ ਸੀਐਮ ਭਗਵੰਤ ਮਾਨ ਵੀ ਮੌਜੂਦ jus। ਇਸ ਦੌਰਾਨ ਹਰਿਆਣਾ ਦੇ ਲੋਕਾਂ ਨੂੰ ਬਿਜਲੀ ਸਬੰਧੀ ਆ ਰਹੀਆਂ ਮੁਸ਼ਕਲਾਂ ਬਾਰੇ ਵੀ ਦੱਸਿਆ। ਇੱਥੇ ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਕਿ ਆਜ਼ਾਦੀ ਦੇ 75 ਸਾਲ ਹੋ ਗਏ ਹਨ। 75 ਸਾਲਾਂ ਵਿੱਚ ਵੀ ਜੇਕਰ ਇਹ ਲੋਕ ਬਿਜਲੀ ਠੀਕ ਨਹੀਂ ਕਰ ਸਕੇ ਤਾਂ ਦੇਸ਼ ਦਾ ਪ੍ਰਬੰਧ ਕਿਵੇਂ ਹੋਵੇਗਾ? ਜਦੋਂ ਕਿ ਅਸੀਂ ਸਿਰਫ਼ ਪੰਜ ਸਾਲਾਂ ਵਿੱਚ ਦਿੱਲੀ ਵਿੱਚ ਬਿਜਲੀ ਠੀਕ ਕਰਵਾ ਦਿੱਤੀ। ਦਿੱਲੀ ਦੇ ਲੋਕਾਂ ਕੋਲ ਹੁਣ ਜ਼ੀਰੋ ਬਿਜਲੀ ਦਾ ਬਿੱਲ ਅਤੇ 24 ਘੰਟੇ ਬਿਜਲੀ ਹੈ।
ਪੰਜਾਬ ਤੇ ਦਿੱਲੀ ‘ਚ ਬਿਜਲੀ ਮੁਫ਼ਤ ਹੈ ਤਾਂ ਵਿਚਾਲੇ ਹਰਿਆਣਾ ਪੈਂਦਾ ਹੈ ਉੱਥੇ ਕਿਉਂ ਨਹੀਂ ਬਿਜਲੀ ਮੁਫ਼ਤ…ਹਰਿਆਣੇ ‘ਚ ਵੀ ਬਿਜਲੀ ਮੁਫ਼ਤ ਹੋ ਸਕਦੀ ਹੈ ਸਿਰਫ਼ ਨੀਅਤ ਦੀ ਕਮੀ ਹੈ…ਅਰਵਿੰਦ ਜੀ ਦੀ ਇੱਕੋ ਸੋਚ ਹੈ ਕਿ ਲੋਕਾਂ ਦੇ ਟੈਕਸ ਦਾ ਪੈਸਾ ਲੋਕਾਂ ਨੂੰ ਸਹੂਲਤਾਂ ਦੇਕੇ ਵਾਪਸ ਦੇਣਾ ਹੈ..ਹਰਿਆਣੇ ਵਾਲਿਓਂ ਆਮ ਆਦਮੀ ਪਾਰਟੀ ਨੂੰ ਲੈਕੇ ਆਓ ਬਿਜਲੀ… pic.twitter.com/GHWrDAbdRM
— Bhagwant Mann (@BhagwantMann) July 9, 2023
ਉਨ੍ਹਾਂ ਕਿਹਾ ਕਿ ਦਿੱਲੀ ‘ਚ ਵੀ ਚੋਣਾਂ ਤੋਂ ਪਹਿਲਾਂ ਬਿਜਲੀ ਦੇ ਮੁੱਦੇ ‘ਤੇ ਲੜਾਈ ਲੜੀ, ਨਤੀਜਾ ਤੁਹਾਡੇ ਸਾਹਮਣੇ ਹੈ। ਪੰਜਾਬ ਵਿੱਚ ਬਿਜਲੀ ਲਹਿਰ ਦੇ ਨਾਲ-ਨਾਲ ਚੋਣਾਂ ਵੀ ਲੜੀਆਂ ਤੇ ਮਾਨ ਸਾਹਬ ਦੀ ਸਰਕਾਰ ਬਣਾਈ। ਕੇਜਰੀਵਾਲ ਨੇ ਵਰਕਰਾਂ ਨੂੰ ਕਿਹਾ ਕਿ ਦਿੱਲੀ ਅਤੇ ਪੰਜਾਬ ਤੋਂ ਬਾਅਦ ਹਰਿਆਣਾ ਵਿੱਚ ਵੀ ਇਸੇ ਫਾਰਮੂਲੇ ਨਾਲ ਚੋਣਾਂ ਲੜੀਆਂ ਜਾਣਗੀਆਂ।
ਹਰਿਆਣਾ ‘ਚ ਲੱਗਦੇ 8 ਘੰਟੇ ਬਿਜਲੀ ਕੱਟ- ਕੇਜਰੀਵਾਲ
ਕੇਜਰੀਵਾਲ ਨੇ ਕਿਹਾ ਕਿ ਮੈਂ ਖੁਦ ਹਰਿਆਣਾ ਦਾ ਵਾਸੀ ਹਾਂ। ਮੇਰੇ ਰਿਸ਼ਤੇਦਾਰ, ਦੋਸਤ ਇੱਥੋਂ ਦੇ ਹਨ। ਇਹ ਲੋਕ ਮੈਨੂੰ ਮਿਲਣ ਲਈ ਦਿੱਲੀ ਆਉਂਦੇ ਰਹਿੰਦੇ ਹਨ। ਉਹ ਦੱਸਦੇ ਹਨ ਕਿ ਹਰਿਆਣਾ ਵਿੱਚ ਬਿਜਲੀ ਦੀ ਬਹੁਤ ਸਮੱਸਿਆ ਹੈ। ਬਿਜਲੀ ਦੇ ਕੱਟ ਲੱਗਦੇ ਹਨ। ਕਈ ਕਹਿੰਦੇ ਹਨ ਕਿ ਛੇ ਘੰਟੇ ਲੱਗਦੇ ਹਨ। ਕੁਝ ਕਹਿੰਦੇ ਹਨ ਕਿ ਅੱਠ ਘੰਟੇ ਲੱਗਦੇ ਹਨ। ਭਾਜਪਾ ਦੇ ਇੱਕ ਨੇਤਾ ਨੇ ਹੁਣੇ ਹੀ ਟਵੀਟ ਕੀਤਾ ਹੈ ਕਿ ਗੁਰੂਗ੍ਰਾਮ ਵਿੱਚ ਅੱਠ ਘੰਟੇ ਦੇ ਕੱਟ ਲੱਗਦੇ ਹਨ। ਦਿੱਲੀ ਵਿੱਚ ਇੱਕ ਘੰਟੇ ਦਾ ਵੀ ਕੱਟ ਨਹੀਂ ਲੱਗਦਾ।
Congress-BJP का कोई 1 राज्य बता दो, जहां 75 साल में इन्होंने 24 घंटे बिजली दी हो?
अगर इन्हें Vote दोगे तो Power Cut ही लगेंगे
24 घंटे बिजली चाहिए तो आपके पास सिर्फ एक ही Option है – “AAP”
इस बार बिजली आंदोलन को घर-घर तक पहुँचा दो।
-CM @ArvindKejriwal #AAPKaBijliAndolan pic.twitter.com/C2GAW31hs4
— AAP (@AamAadmiParty) July 9, 2023
ਨਾਲ ਹੀ ਉਨ੍ਹਾਂ ਕਿਹਾ ਕਿ ਹਰਿਆਣਾ ‘ਚ ਬਿਜਲੀ ਦਾ ਬਿੱਲ ਵੀ ਬਹੁਤ ਜ਼ਿਆਦਾ ਹੈ। ਕੇਜਰੀਵਾਲ ਨੇ ਕਿਹਾ ਕਿ ਹਰਿਆਣਾ ਵਿੱਚ 8 ਤੋਂ 10 ਘੰਟੇ ਦਾ ਬਿਜਲੀ ਕੱਟ ਹੈ ਅਤੇ ਬਿਜਲੀ ਵੀ ਬਹੁਤ ਮਹਿੰਗੀ ਹੈ। ਹਰਿਆਣਾ ਵਿੱਚ 200 ਯੂਨਿਟ ਦਾ ਬਿੱਲ 1200 ਰੁਪਏ ਅਤੇ 300 ਦਾ 1700 ਰੁਪਏ ਹੈ। ਇਸ ਦੇ ਨਾਲ ਹੀ ਦਿੱਲੀ ਵਿੱਚ 200 ਯੂਨਿਟਾਂ ਦੇ ਜ਼ੀਰੋ ਬਿੱਲ ਤੇ ਪੰਜਾਬ ਵਿੱਚ 300 ਯੂਨਿਟਾਂ ਦੇ ਜ਼ੀਰੋ ਬਿੱਲ ਹਨ। ਕਾਂਗਰਸ ਅਤੇ ਭਾਜਪਾ ਦੀ ਸਰਕਾਰ ਵਾਲਾ ਕੋਈ ਵੀ ਸੂਬਾ ਅਜਿਹਾ ਨਹੀਂ ਹੈ, ਜਿੱਥੇ 24 ਘੰਟੇ ਬਿਜਲੀ ਹੋਵੇ। ਇਸ ਲਈ ਕਾਂਗਰਸ ਅਤੇ ਭਾਜਪਾ ਨੂੰ ਵੋਟ ਪਾਉਣ ਦਾ ਕੋਈ ਫਾਇਦਾ ਨਹੀਂ, ਸਿਰਫ ਬਿਜਲੀ ਦੇ ਕੱਟ ਲੱਗਣਗੇ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
