ਮੁਕੇਸ਼ ਅਤੇ ਨੀਤਾ ਅੰਬਾਨੀ ਦੇ ਲਾਡਲੇ ਬੇਟੇ ਅਨੰਤ ਅੰਬਾਨੀ ਜੁਲਾਈ ‘ਚ ਆਪਣੀ ਲੇਡੀ ਲਵ ਰਾਧਿਕਾ ਮਰਚੈਂਟ ਨਾਲ ਵਿਆਹ ਦੇ ਬੰਧਨ ‘ਚ ਬੱਝਣ ਵਾਲੇ ਹਨ।
ਵਿਆਹ ਤੋਂ ਪਹਿਲਾਂ ਮਾਰਚ ‘ਚ ਅਨੰਤ ਅਤੇ ਰਾਧਿਕਾ ਦਾ ਗ੍ਰੈਂਡ ਪ੍ਰੀ ਵੈਡਿੰਗ ਫੰਕਸ਼ਨ ਹੋ ਚੁੱਕਾ ਹੈ।ਕਪਲ ਦੇ ਪ੍ਰੀ ਵੈਡਿੰਗ ਦੇ ਲਈ ਜਾਮਨਗਰ ਨੂੰ ਦੁਲਹਨ ਦੀ ਤਰ੍ਹਾਂ ਸਜਾਇਆ ਗਿਆ ਸੀ।
ਅੰਬਾਨੀ ਪਰਿਵਾਰ ਦੇ ਫੰਕਸ਼ਨ ‘ਚ ਹਾਲੀਵੁੱਡ, ਬਾਲੀਵੁੁੱਡ, ਬਿਜ਼ਨੈਸ ਦੀਆਂ ਕਈ ਮੰਨੀਆਂ ਪ੍ਰਮੰਨੀਆਂ ਹਸਤੀਆਂ ਸ਼ਾਮਿਲ ਹੋਈਆਂ ਸੀ।
ਹੁਣ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ, ਅਨੰਤ ਰਾਧਿਕਾ ਦਾ ਵਿਆਹ ਦਾ ਜਸ਼ਨ ਪ੍ਰੀ ਵੈਡਿੰਗ ਸੈਲੀਬ੍ਰੇਸ਼ਨ ਤੋਂ ਵੀ ਜ਼ਿਆਦਾ ਗ੍ਰੈਂਡ ਅਤੇ ਧਮਾਕੇਦਾਰ ਹੋਣ ਵਾਲਾ ਹੈ।
ਜਾਣਕਾਰੀ ਮੁਤਾਬਕ ਜੁਲਾਈ ‘ਚ ਅਨੰਤ ਰਾਧਿਕਾ ਦਾ ਵੈਡਿੰਗ ਫੰਕਸ਼ਨ ਲੰਡਨ ‘ਚ ਉਨ੍ਹਾਂ ਦੇ ਸਟੋਕ ਪਾਰਕ ਅਸਟੇਟ ‘ਚ ਆਯੋਜਿਤ ਹੋਣ ਵਾਲਾ ਹੈ।
ਫੰਕਸ਼ਨ ਦੀ ਤਿਆਰੀ ਜੋਰਾਂ ਸ਼ੋਰਾਂ ਨਾਲ ਚਲ ਰਹੀ ਹੈ।ਨੀਤਾ ਅੰਬਾਨੀ ਖੁਦ ਹਰ ਚੀਜ਼ ‘ਤੇ ਬਾਰੀਕੀ ਨਾਲ ਧਿਆਨ ਦੇ ਰਹੀ ਹੈ।
ਇਹ ਵੀ ਜਾਣਕਾਰੀ ਮਿਲੀ ਹੈ ਕਿ ਲੰਡਰ ‘ਚ ਹੋਣ ਵਾਲੇ ਵੈਡਿੰਗ ਫੰਕਸ਼ਨ ਦੇ ਲਈ ਬਾਲੀਵੁਡ ਸੈਲੀਬ੍ਰਿਟੀਜ਼ ਨੂੰ ਇਨਵੀਟੇਸ਼ਨ ਭੇਜਣੇ ਸ਼ੁਰੂ ਹੋ ਗਏ ਹਨ, ਤਾਂ ਕਿ ਆਪਣੇ ਸ਼ੈਡਿਊਲ ਨੂੰ ਫੰਕਸ਼ਨ ਦੇ ਹਿਸਾਬ ਦੇ ਪਲਾਨ ਕਰ ਸਕਣ।
ਇਹ ਵੀ ਦੱਸਿਆ ਗਿਆ ਹੈ ਕਿ ਜਿਸ ਤਰ੍ਹਾਂ ਪ੍ਰੀ ਵੈਡਿੰਗ ਫੰਕਸ਼ਨ ਦੇ ਲਈ ਡੈ੍ਰਸ ਕੋਡ ਦੇ ਨਾਲ 9 ਪੇਜ ਦਾ ਇਨਵੀਟੇਸ਼ਨ ਭੇਜਿਆ ਗਿਆ ਸੀ।ਵੈਡਿੰਗ ਫੰਕਸ਼ਨ ਦਾ ਕਾਰਡ ਵੀ ਉਸੇ ਤਰ੍ਹਾਂ ਦਾ ਹੋਣ ਵਾਲਾ ਹੈ।
ਹਾਲਾਂਕਿ, ਲੰਡਨ ‘ਚ ਸਟੋਕ ਪਾਰਕ ਅਸਟੇਟ ‘ਚ ਹੋਣ ਵਾਲੇ ਵੈਡਿੰਗ ਫੰਕਸ਼ਨ ਦਾ ਥੀਮ ਦੇ ਬਾਰੇ ‘ਚ ਫਿਲਹਾਲ ਕੋਈ ਖਾਸ ਡਿਟੇਲ ਨਹੀਂ ਮਿਲੀ ਹੈ।
ਵੈਡਿੰਗ ਗੈਸਟ ਲਿਸਟ ਦੀ ਗੱਲ ਕਰੀਏ ਤਾਂ ਇਸ ‘ਚ ਸ਼ਾਹਰੁਖ ਖਾਨ, ਸਲਮਾਨ ਖਾਨ, ਬੱਚਨ ਪਰਿਵਾਰ, ਰਣਵੀਰ ਸਿੰਘ, ਦੀਪਿਕਾ ਪਾਦੁਕੋਣ, ਵਿਰਾਟ ਕੋਹਲੀ, ਅਨੁਸ਼ਕਾ ਸ਼ਰਮਾ, ਕੈਟਰੀਨਾ ਕੈਫ ਸਮੇਤ ਕਈ ਵੱਡੇ ਸਿਤਾਰਿਆਂ ਦਾ ਨਾਮ ਸ਼ਾਮਿਲ ਹੈ।
