ਇਨ੍ਹੀਂ ਦਿਨੀਂ ਸ਼੍ਰੀਲੰਕਾ ਕ੍ਰਿਕਟ ਟੀਮ ਆਸਟ੍ਰੇਲੀਆ ਦੇ ਖਿਲਾਫ ਘਰੇਲੂ ਮੈਦਾਨ ‘ਤੇ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ ਖੇਡ ਰਹੀ ਹੈ। ਸੀਰੀਜ਼ ਦਾ ਪਹਿਲਾ ਮੈਚ 29 ਜੂਨ ਤੋਂ ਗਾਲੇ ‘ਚ ਖੇਡਿਆ ਜਾ ਰਿਹਾ ਹੈ। ਪਹਿਲੇ ਦਿਨ ਦਾ ਖੇਡ ਵਧੀਆ ਚੱਲਿਆ ਪਰ ਦੂਜੇ ਦਿਨ ਮੀਂਹ ਤੇ ਹਨੇਰੀ ਨੇ ਤਬਾਹੀ ਮਚਾ ਦਿੱਤੀ।
ਦੂਜੇ ਦਿਨ (ਵੀਰਵਾਰ) ਦੀ ਸ਼ੁਰੂਆਤ ਤੋਂ ਕਰੀਬ 90 ਮਿੰਟ ਪਹਿਲਾਂ ਤੇਜ਼ ਮੀਂਹ ਪਿਆ। ਇਸ ਦੌਰਾਨ ਤੇਜ਼ ਹਨੇਰੀ ਵੀ ਆਈ। ਇਸ ਕਾਰਨ ਸਟੇਡੀਅਮ ਵਿੱਚ ਬਣਿਆ ਆਰਜ਼ੀ ਸਟੈਂਡ ਪੂਰੀ ਤਰ੍ਹਾਂ ਉਖੜ ਕੇ ਡਿੱਗ ਗਿਆ। ਚੰਗੀ ਗੱਲ ਇਹ ਸੀ ਕਿ ਉਸ ਸਮੇਂ ਉੱਥੇ ਕੋਈ ਮੌਜੂਦ ਨਹੀਂ ਸੀ।
How is this an #galle international stadium which is made for the #cricket lover spectators?
A temporary stand which has collapsed due to #heavyrain and wind?
The good thing is that cricket fans were not present there
Delay in the start of the game between #SriLanka & #Australia. pic.twitter.com/m5HxLXsQRH— Santosh Sagar (@santoshsaagr) June 30, 2022
ਲੋਹੇ ਦੀਆਂ ਚਾਦਰਾਂ ਦਾ ਬਣਿਆ ਅਸਥਾਈ ਸਟੈਂਡ
ਇਸ ਤੂਫਾਨ ਅਤੇ ਮੀਂਹ ਕਾਰਨ ਦੂਜੇ ਦਿਨ ਦੀ ਖੇਡ ਦੇਰੀ ਨਾਲ ਸ਼ੁਰੂ ਹੋਈ। ਗਰਾਊਂਡ ਸਟਾਫ ਨੇ ਮੀਂਹ ਤੋਂ ਬਾਅਦ ਪਿੱਚ ਨੂੰ ਢੱਕ ਲਿਆ ਪਰ ਤੂਫਾਨ ‘ਚ ਸਟੇਡੀਅਮ ਦੇ ਪੂਰਬੀ ਪਾਸੇ ਬਣਿਆ ਸਟੈਂਡ ਪੂਰੀ ਤਰ੍ਹਾਂ ਢਹਿ ਗਿਆ। ਇਹ ਸਟੈਂਡ ਆਰਜ਼ੀ ਤੌਰ ’ਤੇ ਲੋਹੇ ਦੀਆਂ ਚਾਦਰਾਂ ਨਾਲ ਬਣਾਇਆ ਗਿਆ ਸੀ। ਹਾਲਾਂਕਿ ਹੁਣ ਅਧਿਕਾਰੀ ਇਨ੍ਹਾਂ ਚਾਦਰਾਂ ਨੂੰ ਮਜ਼ਬੂਤੀ ਨਾਲ ਲਗਾਉਣ ‘ਤੋ ਜ਼ੋਰ ਦੇ ਰਹੇ ਹਨ।
ਮੈਚ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 10 ਵਜੇ ਸ਼ੁਰੂ ਹੋਣਾ ਸੀ, ਉਦੋਂ ਵੀ ਮੀਂਹ ਪੈ ਰਿਹਾ ਸੀ। ਜਦੋਂ ਸਟੈਂਡ ਦਾ ਇਹ ਹਾਦਸਾ ਹੋਇਆ, ਉਸ ਸਮੇਂ ਆਸਟ੍ਰੇਲੀਆਈ ਟੀਮ ਵੀ ਮੈਚ ਦੇਖਣ ਲਈ ਸਟੇਡੀਅਮ ਪਹੁੰਚ ਰਹੀ ਸੀ। ਹਵਾ ਇੰਨੀ ਤੇਜ਼ ਸੀ ਕਿ ਸਟਾਫ ਨੂੰ ਵੀ ਪੂਰੀ ਗਰਾਊਂਡ ਨੂੰ ਢੱਕਣ ‘ਚ ਮੁਸ਼ਕਲ ਆ ਰਹੀ ਸੀ।
ਸ਼੍ਰੀਲੰਕਾ ਨੇ ਪਹਿਲੀ ਪਾਰੀ ‘ਚ 212 ਦੌੜਾਂ ਬਣਾਈਆਂ ਸਨ
ਇਸ ਮੈਚ ਦੇ ਨਤੀਜੇ ਦੀ ਪੂਰੀ ਉਮੀਦ ਹੈ, ਕਿਉਂਕਿ ਇਸ ਟੈਸਟ ਮੈਚ ਦੇ ਪਹਿਲੇ ਦਿਨ ਕੁੱਲ 13 ਵਿਕਟਾਂ ਡਿੱਗੀਆਂ ਸਨ। ਮੈਚ ‘ਚ ਸ਼੍ਰੀਲੰਕਾ ਦੀ ਟੀਮ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਸ ਤੋਂ ਬਾਅਦ ਮੇਜ਼ਬਾਨ ਸ਼੍ਰੀਲੰਕਾ ਦੀ ਟੀਮ ਪਹਿਲੇ ਦਿਨ ਹੀ ਪਹਿਲੀ ਪਾਰੀ ‘ਚ 212 ਦੌੜਾਂ ‘ਤੇ ਸਿਮਟ ਗਈ। ਟੀਮ ਲਈ ਵਿਕਟਕੀਪਰ ਬੱਲੇਬਾਜ਼ ਨਿਰੋਸ਼ਨ ਡਿਕਵੇਲਾ ਨੇ ਅਰਧ ਸੈਂਕੜੇ ਦੀ ਪਾਰੀ ਖੇਡੀ। ਉਸ ਨੇ 58 ਦੌੜਾਂ ਦੀ ਪਾਰੀ ਖੇਡੀ।
ਆਸਟ੍ਰੇਲੀਆ ਲਈ ਨਾਥਨ ਲਿਓਨ ਨੇ 5 ਅਤੇ ਮਿਸ਼ੇਲ ਸਵੀਪਸਨ ਨੇ 3 ਵਿਕਟਾਂ ਲਈਆਂ। ਇਸ ਤੋਂ ਬਾਅਦ ਪਹਿਲੀ ਪਾਰੀ ਲਈ ਮੈਦਾਨ ‘ਤੇ ਉਤਰੀ ਆਸਟ੍ਰੇਲੀਆਈ ਟੀਮ ਨੇ ਵੀ 200 ਦੌੜਾਂ ਦੇ ਅੰਦਰ ਹੀ 5 ਵੱਡੀਆਂ ਵਿਕਟਾਂ ਗੁਆ ਦਿੱਤੀਆਂ।
