BCCI on IPL Mini Auction 2023: ਮੌਜੂਦਾ ਸਮੇਂ ਵਿੱਚ ਕ੍ਰਿਕਟ ਫੈਨਸ ‘ਚ T20 ਵਿਸ਼ਵ ਕੱਪ ਦਾ ਖੁਮਾਰ ਪੂਰੇ ਜ਼ੋਰਾਂ ‘ਤੇ ਹੈ। T-20 ਵਿਸ਼ਵ ਕੱਪ (T-20 World Cup) 2022 ਅੱਜ ਤੋਂ ਸ਼ੁਰੂ ਹੋ ਗਿਆ ਹੈ। ਭਾਰਤ ਦੇ ਮੈਚ ਦੀ ਗੱਲ ਕਰੀਏ ਤਾਂ ਭਾਰਤ ਅਤੇ ਪਾਕਿਸਤਾਨ (India Vs Pakistan) ਵਿਚਾਲੇ 23 ਅਕਤੂਬਰ ਨੂੰ ਮਹਾਨ ਮੈਚ ਖੇਡਿਆ ਜਾ ਰਿਹਾ ਹੈ।
ਇਸ ਤੋਂ ਪਹਿਲਾਂ IPL ਦੇ ਫੈਨਸ ਲਈ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਖ਼ਬਰਾਂ ਹਨ ਕਿ ਬੀਸੀਸੀਆਈ (BCCI) ਨੇ ਆਈਪੀਐਲ 2023 ਲਈ ਇੱਕ ਮਿੰਨੀ ਨਿਲਾਮੀ ਕਰਨ ਦੀ ਤਿਆਰੀ ਕਰ ਲਈ ਹੈ। ਰਿਪੋਰਟ ਮੁਤਾਬਕ ਇਹ ਮਿੰਨੀ ਨਿਲਾਮੀ 16 ਦਸੰਬਰ ਨੂੰ ਹੋ ਸਕਦੀ ਹੈ।
ਵਧਾਈ ਜਾਵੇਗੀ ਨਿਲਾਮੀ ਦੀ ਰਕਮ
BCCI ਤੋਂ IPL 2023 ਦੀ ਮਿੰਨੀ ਨਿਲਾਮੀ ਦੀ ਰਕਮ 90 ਕਰੋੜ ਤੋਂ ਵਧਾ ਕੇ 95 ਕਰੋੜ ਕਰਨ ਜਾ ਰਹੀ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਸ ਵਾਰ ਮਿੰਨੀ ਆਪਸ਼ਨ ਵੀ ਮੈਗਾ ਆਪਸ਼ਨ ਵਾਂਗ ਬੀਸੀਸੀਆਈ ਲਈ ਜ਼ਬਰਦਸਤ ਹਿੱਟ ਸਾਬਤ ਹੋਵੇਗਾ।
IPL 2023 ਦਾ ਰੋਮਾਂਚ ਹੋਵੇਗਾ ਹੋਰ ਵੀ ਜ਼ਿਆਦਾ
ਆਈਪੀਐਲ 2022 ਵਿੱਚ ਦੋ ਨਵੀਆਂ ਟੀਮਾਂ ਸ਼ਾਮਲ ਕੀਤੀਆਂ ਗਈਆਂ ਸੀ ਜਿਨ੍ਹਾਂ ਵਿੱਚ ਗੁਜਰਾਤ ਟਾਈਟਨਸ ਅਤੇ ਲਖਨਊ ਸੁਪਰਜਾਇੰਟਸ ਦੀ ਟੀਮ ਸ਼ਾਮਲ ਸੀ। ਪਰ ਜਿਵੇਂ ਕਿ ਤੁਸੀਂ ਜਾਣਦੇ ਹੋ ਕਿ ਕੋਰੋਨਾ ਕਾਰਨ IPL ਦੇਸ਼ ਦੇ ਸਿਰਫ 6 ਸ਼ਹਿਰਾਂ ਵਿੱਚ ਆਯੋਜਿਤ ਕੀਤਾ ਗਿਆ ਸੀ ਪਰ ਹੁਣ IPL 2023 ਆਪਣੇ ਰੰਗ ਵਿੱਚ ਵਾਪਸ ਆ ਜਾਵੇਗਾ। ਯਾਨੀ ਇੱਕ ਟੀਮ ਆਪਣੇ ਘਰੇਲੂ ਮੈਦਾਨ ‘ਤੇ ਖੇਡੇਗੀ ਅਤੇ ਉਹੀ ਦੂਜਾ ਮੈਚ ਵਿਰੋਧੀ ਟੀਮ ਦੇ ਮੈਦਾਨ ‘ਤੇ ਖੇਡਿਆ ਜਾਵੇਗਾ।
