ਅੱਜ ਦੇ ਸਮੇਂ ‘ਚ ਦਿਨ ਦੀ ਸ਼ੁਰੂਆਤ ਫ਼ੋਨ ਤੋਂ ਬਿਨ੍ਹਾਂ ਨਹੀਂ ਹੁੰਦੀ।ਸਵੇਰੇ ਉਠਦਿਆਂ ਸਾਰ ਸਭ ਤੋਂ ਪਹਿਲਾਂ ਸਾਰਿਆਂ ਵਲੋਂ ਆਪਣਾ ਫ਼ੋਨ ਚੈੱਕ ਕੀਤਾ ਜਾਂਦਾ ਹੈ।ਰਾਤ ਨੂੰ ਸੌਣ ਤੋਂ ਪਹਿਲਾਂ ਕਈ ਘੰਟਿਆਂ ਦਾ ਫੋਨ ਚਲਾਇਆ ਜਾਂਦਾ ਹੈ।ਬੱਚੇ ਤੋਂ ਲੈ ਕੇ ਵੱਡੇ ਸਭ ਫੋਨ ‘ਤੇ ਰੁੱਝੇ ਰਹਿੰਦੇ ਹਨ।ਸਾਰੇ ਲੋਕ ਫੋਨ ‘ਚ ਇੰਨਾ ਰੁੱਝ ਚੁੱਕੇ ਹਨ ਕਿ ਉਹ ਇਸਨੂੰ ਬਾਥਰੂਮ ਤੱਕ ਆਪਣੇ ਨਾਲ ਲੈ ਕੇ ਜਾਂਦੇ ਹਨ, ਜੋ ਕਿ ਬਹੁਤ ਗਲਤ ਹੈ।ਮਾਹਿਰਾਂ ਮੁਤਾਬਕ ਬਾਥਰੂਮ ‘ਚ ਬੈਠ ਕੇ ਘੰਟਿਆਂ ਤੱਕ ਫੋਨ ਦੀ ਵਰਤੋਂ ਕਰਨਾ ਸਿਹਤ ਲਈ ਹਾਨੀਕਾਰਕ ਹੈ।
ਇਸ ਨਾਲ ਕਈ ਬੀਮਾਰੀਆਂ ਹੋਣ ਦਾ ਖ਼ਤਰਾ ਵੱਧ ਜਾਂਧਾ ਹੈ।ਬਾਥਰੂਮ ‘ਚ ਬੈਠ ਕੇ ਫੋਨ ਦੀ ਵਰਤੋਂ ਕਰਨ ਨਾਲ ਕਿਹੜੇ ਨੁਕਸਾਨ ਤੇ ਬਿਮਾਰੀਆਂ ਹੁੰਦੀਆਂ ਹਨ, ਆਓ ਤੁਹਾਨੂੰ ਦੱਸਦੇ ਹਾਂ, ਦਰਅਸਲ ਟਾਇਲਟ ਸੀਟ ‘ਤੇ ਕਈ ਛੋਟੇ ਕੀਟਾਣੂ ਅਤੇ ਬੈਕਟੀਰੀਆ ਜਮ੍ਹਾ ਹੁੰਦੇ ਹਨ, ਜੋ ਫੋਨ ‘ਤੇ ਵੀ ਆਪਣਾ ਹਮਲਾ ਕਰ ਦਿੰਦੇ ਹਨ।ਫੋਨ ‘ਚ ਮੌਜੂਦ ਬੈਕਟੀਰੀਆ ਤੁਹਾਡੇ ਹੱਥਾਂ ਅਤੇ ਸਰੀਰ ਦੇ ਹੋ ਹਿੱਸਿਆਂ ‘ਚ ਚਿਪਕ ਸਕਦੇ ਹਨ।ਫਿਰ ਇਹ ਕੀਟਾਣੂ ਮੂੰਹ ਰਾਹੀਂ ਸਰੀਰ ‘ਚ ਦਾਖਲ ਹੁੰਦੇ ਹਨ, ਜਿਸ ਨਾਲ ਢਿੱਡ ਦਰਦ ਅਤੇ ਅੰਤੜੀਆਂ ‘ਚ ਇਨਫੈਕਸ਼ਨ ਹੁੰਦੀ ਹੈ।
ਜ਼ਿਆਦਾ ਸਮੇਂ ਤੱਕ ਬਾਥਰੂਮ ‘ਚ ਬੈਠ ਕੇ ਫੋਨ ਦੀ ਵਰਤੋਂ ਕਰਨ ਨਾਲ ਲੱਕ ‘ਚ ਦਰਦ ਹੋਣ ਦੀ ਸਮੱਸਿਆ ਹੋ ਸਕਦੀ ਹੈ।ਇਸ ਨਾਲ ਮਾਸਪੇਸ਼ੀਆਂ ‘ਚ ਅਕੜਾਅ, ਰੀੜ੍ਹ ਦੀ ਹੱਡੀ ‘ਚ ਦਰਦ ਹੋਣ ਦੇ ਨਾਲ ਨਾਲ ਲੱਕ ‘ਚ ਵੀ ਦਰਦ ਹੋਣੀ ਸ਼ੁਰੂ ਹੋ ਜਾਂਦੀ ਹੈ।
ਕਬਜ਼ ਦੀ ਸਮੱਸਿਆ : ਬਾਥਰੂਮ ‘ਚ ਫੋਨ ਦਾ ਇਸਤੇਮਾਲ ਕਰਨ ਵਾਲੇ ਲੋਕਾਂ ਨੂੰ ਕਬਜ਼ ਦੀ ਸਮੱਸਿਆ ਦੀ ਹੋ ਸਕਦੀ ਹੈ।ਰਿਪੋਰਟ ਅਨੁਸਾਰ ਜ਼ਿਆਦਾ ਦੇਰ ਬਾਥਰੂਮ ‘ਚ ਫੋਨ ਲੈ ਕੇ ਬੈਠੇ ਰਹਿਣ ਵਾਲੇ ਲੋਕ ਢਿੱਡ ਸਾਫ ਕਰਨ ਲਈ ਖੁਦ ਜ਼ੋਰ ਲਗਾਉਂਦੇ ਹਨ, ਜਿਸ ਨਾਲ ਕਬਜ਼ ਦੀ ਸਮੱਸਿਆ ਹੋਣ ਦਾ ਖਤਰਾ ਰਹਿੰਦਾ ਹੈ।
ਬਾਥਰੂਮ ‘ਚ ਫੋਨ ਇਸਤੇਮਾਲ ਕਰਨ ਦੀ ਆਦਤ ਨਾਲ ਮਾਨਸਿਕ ਸਿਹਤ ਪ੍ਰਭਾਵਿਤ ਹੋ ਸਕਦੀ ਹੈ।ਇਸ ਨਾਲ ਤਣਾਅ ਹੋਣ ਦੇ ਨਾਲ ਨਾਲ ਕਿਸੇ ਵੀ ਚੀਜ਼ ‘ਤੇ ਧਿਆਨ ਕੇਂਦਰਿਤ ਕਰਨ ‘ਚ ਮੁਸ਼ਕਿਲ ਹੁੰਦੀ ਹੈ।ਕਈ ਇਸ ਸਮੱਸਿਆ ਨਾਲ ਨੀਂਦ ਵੀ ਨਹੀਂ ਆਉਂਦੀ।
ਬਾਥਰੂਮ ਦੀ ਟਾਇਲਟ ਸੀਟ ‘ਤੇ ਜ਼ਿਆਦਾ ਦੇਰ ਤੱਕ ਬੈਠ ਕੇ ਫੋਨ ਦਾ ਇਸਤੇਮਾਲ ਕਰਨ ਨਾਲ ਗੋਡਿਆਂ ‘ਚ ਦਰਦ ਹੋਣ ਦੀ ਸਮੱਸਿਆ ਹੋ ਸਕਦੀ ਹੈ।ਜ਼ਿਆਦਾ ਸਮੇਂ ਤੱਕ ਝੁੱਕ ਕੇ ਫੋਨ ਦੀ ਵਰਤੋਂ ਕਰਨ ਨਾਲ ਗਰਦਨ ਅਤੇ ਪਿੱਠ ਦਰਦ ਵੀ ਹੋ ਸਕਦੀ ਹੈ।
