Bibi Jagir Kaur: ਪਾਰਟੀ ‘ਚੋਂ ਕੱਢਣ ਤੋਂ ਬਾਅਦ ਬੀਬੀ ਜਗੀਰ ਕੌਰ ਦਾ ਪ੍ਰੋ ਪੰਜਾਬ ਟੀਵੀ ‘ਤੇ Exclusive ਇੰਟਰਵਿਊ ‘ਚ ਵੱਡਾ ਬਿਆਨ।ਬੀਬੀ ਜਗੀਰ ਕੌਰ ਦਾ ਕਹਿਣਾ ਹੈ ਕਿ ਮੈਨੂੰ ਕੋਈ ਪਾਰਟੀ ‘ਚੋਂ ਨਹੀਂ ਕੱਢ ਸਕਦਾ, ਬੀਬੀ ਦਾ ਕਹਿਣਾ ਹੈ ਕਿ ਕੋਲੋਂ ਬੈਠਣੋ ਰੋਕ ਸਕਦੈ ਪਰ ਮੈਨੂੰ ਕੋਈ ਪਾਰਟੀ ‘ਚੋਂ ਨਹੀਂ ਕੱਢ ਸਕਦਾ ਮੈਂ ਪਾਰਟੀ ‘ਚ ਹੀ ਹਾਂ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਪਾਰਟੀ ਸਾਡੀ ਹੈ ਅਸੀਂ ਪਾਰਟੀ ਦੀਆਂ ਜੜ੍ਹਾਂ ‘ਚ ਬੈਠੇ ਹਾਂ।ਇੰਟਰਵਿਊ ‘ਚ ਬੀਬੀ ਨੇ ਦਾਅਵਾ ਕੀਤਾ ਕਿ 9 ਨਵੰਬਰ ਨੂੰ ਅਸੀਂ ਝੋਲੀ ਭਰ ਕੇ ਨਿਕਲਾਂਗੇ।ਬੀਬੀ ਦਾ ਕਹਿਣਾ ਮੈਂ ਹੀ ਅਸਲੀ ਸ਼੍ਰੋਮਣੀ ਅਕਾਲੀ ਦਲ ਹਾਂ।ਬੀਬੀ ਦਾ ਕਹਿਣਾ ਹੈ ਕਿ ਮੈਂ ਆਪਣੇ ਮਨ ਦੀ ਗੁਲਾਮ ਹਾਂ ਕਿ ਮੇਰਾ ਮਨ ਕਰੇ ਮੈਂ ਚੋਣ ਲੜਾਂ, ਨਾ ਕਰੇ ਮੈਂ ਚੋਣ ਨਾ ਲੜਾਂ ਮੈਂ ਆਪਣੇ ਵਚਨ ਦੀ ਪੱਕੀ ਹਾਂ।
ਦੱਸ ਦੇਈਏ ਕਿ ਕਈ ਦਿਨਾਂ ਦੇ ਘਮਾਸਾਣ ਤੋਂ ਬਾਅਦ ਆਖ਼ਰਕਾਰ ਸ਼੍ਰੋਮਣੀ ਅਕਾਲੀ ਦਲ ਨੇ ਬੀਬੀ ਜਗੀਰ ਕੌਰ ਸਖ਼ਤ ਫੈਸਲਾ ਲਿਆ ਹੈ। ਦੱਸ ਦਈਏ ਕਿ ਅਕਾਲੀ ਦਲ ਨੇ ਜਗੀਰ ਕੌਰ ਨੂੰ ਆਖਰੀ ਮੌਕਾ ਦਿੰਦਿਆਂ 7 ਨਵੰਬਰ ਨੂੰ ਪਾਰਟੀ ਦਫ਼ਤਰ ਬੁਲਾਇਆ ਸੀ। ਪਰ ਇਸ ਜਗੀਰ ਕੌਰ ਪਾਰਟੀ ਦਫ਼ਤਰ ਹਾਜ਼ਰ ਨਹੀਂ ਹੋਏ। ਅਜਿਹੇ ‘ਚ ਪ੍ਰੈਸ ਕਾਨਫਰੰਸ ਕਰਦਿਆਂ ਪਾਰਟੀ ਦੀ ਅਨੁਸ਼ਾਸਨੀ ਕਮੇਟੀ ਨੇ ਕਿਹਾ ਕਿ ਬੀਬੀ ਜਗੀਰ ਕੌਰ ਨੂੰ ਪਾਰਟੀ ਵੱਲੋਂ ਦਿੱਤੀ ਆਖ਼ਰੀ ਮੋਹਲਤ ਅੱਜ ਖ਼ਤਮ ਹੋ ਗਈ ਹੈ। ਉਨ੍ਹਾਂ ਕਿਹਾ ਕਿ ਬੀਬੀ ਜਗੀਰ ਕੌਰ ਨੂੰ ਅੱਜ ਦੁਪਹਿਰ 12 ਤੱਕ ਦਾ ਸਮਾਂ ਦਿੱਤਾ ਸੀ ਪਰ ਉਹ ਨਹੀਂ ਪਹੁੰਚੇ।
