ਮੱਧ ਪ੍ਰਦੇਸ਼ ਸਰਕਾਰ ਅੰਦਰ ਵਿਭਾਗਾਂ ਦੀ ਵੰਡ ਸਬੰਧੀ ਵੱਡਾ ਫੇਰਬਦਲ ਹੋਇਆ ਹੈ। ਰਾਜ ਮੰਤਰੀ ਲਖਨ ਪਟੇਲ ਨੂੰ ਪਸ਼ੂ ਪਾਲਣ ਅਤੇ ਡੇਅਰੀ ਵਿਭਾਗ ਦੇ ਚਾਰਜ ਤੋਂ ਲਾਂਭੇ ਕਰ ਦਿੱਤਾ ਗਿਆ ਹੈ; ਇਹ ਵਿਭਾਗ ਹੁਣ ਸਿੱਧੇ ਮੁੱਖ ਮੰਤਰੀ ਡਾ. ਮੋਹਨ ਯਾਦਵ ਕੋਲ ਹੋਵੇਗਾ। ਇਸ ਸਬੰਧੀ ਇੱਕ ਨੋਟੀਫਿਕੇਸ਼ਨ ਦੇਰ ਰਾਤ ਜਾਰੀ ਕੀਤਾ ਗਿਆ। ਇਸ ਵਿਭਾਗੀ ਫੇਰਬਦਲ ਤੋਂ ਬਾਅਦ ਪਟੇਲ ਸਿਰਫ਼ ‘ਆਨੰਦ ਵਿਭਾਗ’ ਦਾ ਚਾਰਜ ਹੀ ਰਹੇਗਾ। ਇਸ ਫੈਸਲੇ ਨੇ ਰਾਜਨੀਤਿਕ ਹਲਕਿਆਂ ਵਿੱਚ ਨਵੀਂ ਚਰਚਾ ਛੇੜ ਦਿੱਤੀ ਹੈ।
ਰਾਜਪਾਲ ਦੀ ਪ੍ਰਵਾਨਗੀ ਤੋਂ ਬਾਅਦ ਆਮ ਪ੍ਰਸ਼ਾਸਨ ਵਿਭਾਗ ਨੇ ਸਬੰਧਤ ਆਦੇਸ਼ ਜਾਰੀ ਕੀਤੇ। ਹੁਕਮਾਂ ਅਨੁਸਾਰ ਲਖਨ ਪਟੇਲ ਆਪਣੇ ਹੋਰ ਸੌਂਪੇ ਗਏ ਵਿਭਾਗਾਂ ਨੂੰ ਸੰਭਾਲਦੇ ਰਹਿਣਗੇ, ਜਦੋਂ ਕਿ ਮੁੱਖ ਮੰਤਰੀ ਖੁਦ ਪਸ਼ੂ ਪਾਲਣ ਵਿਭਾਗ ਦੀ ਨਿਗਰਾਨੀ ਕਰਨਗੇ।
ਪੋਰਟਫੋਲੀਓ ਵਾਪਸ ਲੈਣ ਉਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਲਖਨ ਪਟੇਲ ਨੇ ਕਿਹਾ ਕਿ ਵਿਭਾਗਾਂ ਦੀ ਵੰਡ ਮੁੱਖ ਮੰਤਰੀ ਦਾ ਵਿਸ਼ੇਸ਼ ਅਧਿਕਾਰ ਹੈ। ਹਾਲਾਂਕਿ, ਉਨ੍ਹਾਂ ਅੱਗੇ ਕਿਹਾ ਕਿ ਉਹ ਇਸ ਕਾਰਨ ਤੋਂ ਅਣਜਾਣ ਹਨ ਕਿ ਇਸ ਖਾਸ ਵਿਭਾਗ ਨੂੰ ਉਨ੍ਹਾਂ ਤੋਂ ਕਿਉਂ ਖੋਹਿਆ ਗਿਆ। ਇਸ ਦੌਰਾਨ ਆਮ ਪ੍ਰਸ਼ਾਸਨ ਵਿਭਾਗ ਨੇ ਪੋਰਟਫੋਲੀਓ ਵਿੱਚ ਤਬਦੀਲੀ ਸੰਬੰਧੀ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਹੈ।
