ਇੰਦੌਰ ਦੇ ਟਰਾਂਸਪੋਰਟ ਕਾਰੋਬਾਰੀ ਰਾਜਾ ਰਘੂਵੰਸ਼ੀ, ਜੋ ਆਪਣੇ ਹਨੀਮੂਨ ਲਈ ਮੇਘਾਲਿਆ ਗਿਆ ਸੀ, ਉਸ ਮਾਮਲੇ ‘ਚ ਇੱਕ ਵਡੀ ਅਪਡੇਟ ਸਾਹਮਣੇ ਆ ਰਹੀ ਹੈ ਦੱਸ ਦਸੇਈਏ ਕਿ ਇਸ ਮਾਮਲੇ ਦੇ ਵਿੱਚ ਪਤੀ ਦਾ ਕਤਲ ਉਸਦੀ ਪਤਨੀ ਨੇ ਹੀ ਕੀਤਾ ਸੀ।
ਜਾਣਕਾਰੀ ਅਨੁਸਾਰ ਉਸਨੇ UP ਦੇ ਗਾਜ਼ੀਪੁਰ ਵਿੱਚ ਆਤਮ ਸਮਰਪਣ ਕਰ ਦਿੱਤਾ ਹੈ। ਇਸ ਦੇ ਨਾਲ ਹੀ ਇਸ ਅਪਰਾਧ ਵਿੱਚ ਸ਼ਾਮਲ ਤਿੰਨ ਹਮਲਾਵਰਾਂ ਨੂੰ ਵੀ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।
ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਹਮਲਾਵਰ ਮੱਧ ਪ੍ਰਦੇਸ਼ ਦੇ ਰਹਿਣ ਵਾਲੇ ਹਨ। ਪੁਲਿਸ ਵੱਲੋਂ ਇੱਕ ਦੋਸ਼ੀ ਦੀ ਭਾਲ ਜਾਰੀ ਹੈ। ਮੇਘਾਲਿਆ ਦੇ ਮੁੱਖ ਮੰਤਰੀ ਕੋਨਰਾਡ ਸੰਗਮਾ ਨੇ ਐਕਸ ‘ਤੇ ਪੋਸਟ ਕਰਕੇ ਇਹ ਜਾਣਕਾਰੀ ਦਿੱਤੀ ਹੈ।
ਦੈਨਿਕ ਭਾਸਕਰ ਨਾਲ ਗੱਲ ਕਰਦੇ ਹੋਏ ਸੋਨਮ ਦੇ ਪਿਤਾ ਦੇਵੀ ਸਿੰਘ ਨੇ ਕਿਹਾ – ਸੋਨਮ ਰਾਤ ਲਗਭਗ 2 ਵਜੇ ਗਾਜ਼ੀਪੁਰ ਦੇ ਇੱਕ ਢਾਬੇ ‘ਤੇ ਪਹੁੰਚੀ। ਇੱਥੇ, ਉਸਨੇ ਢਾਬੇ ਦੇ ਮਾਲਕ ਤੋਂ ਪੁੱਛਣ ਤੋਂ ਬਾਅਦ ਭਰਾ ਗੋਵਿੰਦ ਨੂੰ ਫੋਨ ਕੀਤਾ। ਗੋਵਿੰਦ ਨੇ ਗਾਜ਼ੀਪੁਰ ਤੋਂ ਆਪਣੇ ਜਾਣਕਾਰ ਨੂੰ ਉੱਥੇ ਭੇਜਿਆ। ਇਸ ਤੋਂ ਬਾਅਦ, ਉਸਨੇ ਸੋਨਮ ਨਾਲ ਫੋਨ ‘ਤੇ ਗੱਲ ਕਰਵਾਈ।
ਗਾਜ਼ੀਪੁਰ ਦੇ SP ਡਾ. ਇਰਾਜ ਰਾਜਾ ਨੇ ਕਿਹਾ – ਸੋਨਮ ਰਘੂਵੰਸ਼ੀ ਗਾਜ਼ੀਪੁਰ ਦੇ ਨੰਦਗੰਜ ਦੇ ਇੱਕ ਢਾਬੇ ‘ਤੇ ਬੇਹੋਸ਼ ਪਈ ਮਿਲੀ। ਇਸ ਤੋਂ ਬਾਅਦ, ਪੁਲਿਸ ਮੌਕੇ ‘ਤੇ ਪਹੁੰਚੀ। ਇਹ ਮਾਮਲਾ ਕਿਸੇ ਹੋਰ ਰਾਜ ਨਾਲ ਸਬੰਧਤ ਹੈ, ਇਸ ਲਈ ਉੱਥੋਂ ਦੀ ਪੁਲਿਸ ਦੇ ਆਉਣ ਤੱਕ ਕੋਈ ਕਾਰਵਾਈ ਨਹੀਂ ਕੀਤੀ ਜਾ ਸਕਦੀ।
