ਸਰਕਾਰੀ ਟੈਲੀਕਾਮ ਕੰਪਨੀ ਭਾਰਤ ਸੰਚਾਰ ਨਿਗਮ ਲਿਮਟਿਡ (BSNL) ਨੂੰ ਲੈ ਕੇ ਇੱਕ ਵੱਡੀ ਖਬਰ ਸਾਹਮਣੇ ਆਈ ਹੈ। ਮੰਤਰੀ ਮੰਡਲ ਨੇ BSNL ਨੂੰ ਮੁੜ ਸੁਰਜੀਤ ਕਰਨ ਲਈ 1.64 ਲੱਖ ਕਰੋੜ ਰੁਪਏ ਦੇ ਪੁਨਰ-ਸੁਰਜੀਤੀ ਪੈਕੇਜ ਨੂੰ ਮਨਜ਼ੂਰੀ ਦਿੱਤੀ। ਕੇਂਦਰੀ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਕੈਬਨਿਟ ਮੀਟਿੰਗ ਦੇ ਫੈਸਲਿਆਂ ਦੀ ਜਾਣਕਾਰੀ ਦਿੱਤੀ। ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਇਸ ਦੇ ਨਾਲ ਹੀ ਮੰਤਰੀ ਮੰਡਲ ਨੇ ਬੀਐਸਐਨਐਲ ਅਤੇ ਭਾਰਤ ਬਰਾਡਬੈਂਡ ਨੈੱਟਵਰਕ ਲਿਮਟਿਡ (ਬੀਬੀਐਨਐਲ) ਦੇ ਰਲੇਵੇਂ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ।
ਇਹ ਵੀ ਪੜ੍ਹੋ; 29 ਕਰੋੜ ਨਕਦ, 5 ਕਿਲੋ ਸੋਨਾ… ਅਰਪਿਤਾ ਮੁਖਰਜੀ ਦੇ ਨਵੇਂ ਟਿਕਾਣੇ ‘ਤੇ ਨੋਟ ਗਿਣਨ ‘ਚ ਲੱਗੇ 10 ਘੰਟੇ, ਟਾਇਲਟ ‘ਚ ਛੁਪਾਏ ਸੀ ਪੈਸੇ
ਅਸ਼ਵਨੀ ਵੈਸ਼ਣਵ ਨੇ ਦੱਸਿਆ ਕਿ ਸਰਕਾਰ 4ਜੀ ਸੇਵਾਵਾਂ ਦੇ ਵਿਸਤਾਰ ’ਚ ਮਦਦ ਲਈ ਬੀ. ਐੱਸ. ਐੱਨ. ਐੱਲ. ਨੂੰ ਸਪੈਕਟ੍ਰਮ ਅਲਾਟ ਕਰੇਗੀ। ਜਨਤਕ ਖੇਤਰ ਦੀ ਇਸ ਦੂਰਸੰਚਾਰ ਕੰਪਨੀ ਨੂੰ 33,000 ਕਰੋੜ ਰੁਪਏ ਦੇ ਕਾਨੂੰਨੀ ਬਕਾਏ ਨੂੰ ਇਕਵਿਟੀ ’ਚ ਬਦਲਿਆ ਜਾਵੇਗਾ। ਨਾਲ ਹੀ ਕੰਪਨੀ 33,000 ਕਰੋੜ ਰੁਪਏ ਦੇ ਬੈਂਕ ਕਰਜ਼ੇ ਦੇ ਭੁਗਤਾਨ ਲਈ ਬਾਂਡ ਜਾਰੀ ਕਰੇਗੀ। ਕੰਪਨੀ ਨੈੱਟਵਰਥ ਦੇ ਅਪਗ੍ਰੇਡੇਸ਼ਨ ਲਈ ਸੀ. ਏ. ਪੀ. ਈ. ਐਕਸ. ਨੂੰ ਅੱਜ ਮਨਜ਼ੂਰੀ ਦੇ ਦਿੱਤੀ ਗਈ ਹੈ।
ਬੀ. ਬੀ. ਐੱਨ. ਐੱਲ. ਦਾ ਆਪਟੀਕਲ ਫਾਈਬਰ ਬੀ. ਐੱਸ. ਐੱਨ. ਐੱਲ. ਦਾ ਹੋਵੇਗਾ
ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਇਸ ਪੈਕੇਜ ਨਾਲ ਟੈਲੀਕਾਮ ਕੰਪਨੀ ਨੂੰ 4ਜੀ ’ਚ ਅਪਗ੍ਰੇਡ ਕਰਨ ’ਚ ਮਦਦ ਮਿਲੇਗੀ। ਉੱਥੇ ਹੀ ਬੀ. ਐੱਸ. ਐੱਨ. ਐੱਲ. ਅਤੇ ਬੀ. ਬੀ. ਐੱਨ. ਐੱਲ. ਦੇ ਰਲੇਵੇਂ ਨਾਲ ਵੀ ਸਾਂਝੀ ਕੰਪਨੀ ਮਜ਼ਬੂਤ ਹੋਵੇਗੀ। ਇਸ ਮਰਜਰ ਨਾਲ ਹੁਣ ਦੇਸ਼ ਭਰ ’ਚ ਵਿਛੇ ਬੀ. ਬੀ. ਐੱਨ. ਐੱਲ. ਦੇ 5.67 ਲੱਖ ਕਿਲੋਮੀਟਰ ਦੇ ਆਪਟੀਕਲ ਫਾਈਬਰ ਦਾ ਪੂਰਾ ਕੰਟਰੋਲ ਬੀ. ਐੱਸ. ਐੱਨ. ਐੱਲ. ਦੇ ਹੱਥਾਂ ’ਚ ਆ ਜਾਵੇਗਾ।
ਰਲੇਵੇਂ ਨਾਲ ਹੋਵੇਗਾ ਵੱਡਾ ਫਾਇਦਾ
ਬੀ. ਐੱਸ. ਐੱਨ. ਐੱਲ. ਕੋਲ 6.80 ਲੱਖ ਕਿਲੋਮੀਟਰ ਤੋਂ ਵੱਧ ਆਪਟੀਕਲ ਫਾਈਬਰ ਨੈੱਟਵਰਕ ਹੈ। ਉੱਥੇ ਹੀ ਬੀ. ਬੀ. ਐੱਨ. ਐੱਲ. ਨੇ ਦੇਸ਼ ਦੀਆਂ 1.85 ਲੱਖ ਗ੍ਰਾਮ ਪੰਚਾਇਤਾਂ ’ਚ 5.67 ਲੱਖ ਕਿਲੋਮੀਟਰ ਆਪਟੀਕਲ ਫਾਈਬਰ ਵਿਛਾ ਰੱਖਿਆ ਹੈ। ਬੀ. ਐੱਸ. ਐੱਨ. ਐੱਲ. ਨੂੰ ਬੀ. ਬੀ. ਐੱਨ. ਐੱਲ. ਵਲੋਂ ਵਿਛਾਏ ਗਏ ਫਾਈਬਰ ਦਾ ਕੰਟਰੋਲ ਯੂਨੀਵਰਸਲ ਸਰਵਿਸ ਆਬਲੀਗੇਸ਼ਨ ਫੰਡ (ਯੂ. ਐੱਸ. ਓ. ਐੱਫ.) ਰਾਹੀਂ ਮਿਲੇਗਾ। ਫੰਡ ਜੁਟਾਉਣ ਲਈ ਸਰਕਾਰ ਅਗਲੇ 3 ਸਾਲਾਂ ’ਚ ਬੀ. ਐੱਸ. ਐੱਨ. ਐੱਲ. ਲਈ 23,000 ਕਰੋੜ ਰੁਪਏ ਦਾ ਬਾਂਡ ਜਾਰੀ ਕਰੇਗੀ। ਉੱਥੇ ਹੀ ਸਰਕਾਰ ਐੱਮ. ਟੀ. ਐੱਨ. ਐੱਲ. ਲਈ 2 ਸਾਲਾਂ ’ਚ 17,500 ਕਰੋੜ ਰੁਪਏ ਦਾ ਬਾਂਡ ਜਾਰੀ ਕਰੇਗੀ।
