Nursing Jobs in GMCH-32: ਚੰਡੀਗੜ੍ਹ ਦੇ ਦੂਜੇ ਸਭ ਤੋਂ ਵੱਡੇ ਹਸਪਤਾਲ, ਸਰਕਾਰੀ ਮੈਡੀਕਲ ਕਾਲਜ ਅਤੇ ਹਸਪਤਾਲ GMCH 32 ‘ਚ ਨਰਸਿੰਗ ਕੇਡਰ ਦੀਆਂ 323 ਵਿਕੈਂਸੀਆਂ ਲਈ ਭਰੀਆਂ ਜਾਣਗੀਆਂ। ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਨੇ GMCH 32 ਵਿੱਚ ਇਸ ਅਹੁਦੇ ਦੀ ਰਚਨਾ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਅਜਿਹੀ ਸਥਿਤੀ ‘ਚ, ਇੱਕ ਨਰਸ ਵਜੋਂ ਸਰਕਾਰੀ ਨੌਕਰੀ ਪ੍ਰਾਪਤ ਕਰਨ ਦਾ ਵਧੀਆ ਮੌਕਾ ਹੈ। ਇਹ ਹਸਪਤਾਲ ਦੀ ਲੰਬੇ ਸਮੇਂ ਤੋਂ ਲਟਕਦੀ ਆ ਰਹੀ ਮੰਗ, ਜਿਸ ਨੂੰ ਕੇਂਦਰ ਨੇ ਸਵੀਕਾਰ ਕਰ ਲਿਆ। ਇਨ੍ਹਾਂ ਨਵੀਆਂ ਵਿਕੈਂਸੀਆਂ ਨੂੰ ਨਰਸਿੰਗ ਕੇਡਰ ਦੀਆਂ ਮੌਜੂਦਾ ਵਿਕੈਂਸੀਆਂ ਨਾਲ ਜੋੜਿਆ ਜਾਵੇਗਾ।
ਜਾਣਕਾਰੀ ਅਨੁਸਾਰ ਇਸ ਸਮੇਂ ਹਸਪਤਾਲ ‘ਚ ਸਟਾਫ ਨਰਸ ਦੀਆਂ 774 ਮਨਜ਼ੂਰ ਵਿਕੈਂਸੀਆਂ ਹਨ। ਇਨ੍ਹਾਂ ‘ਚ ਨਰਸਿੰਗ ਸੁਪਰਡੈਂਟ, ਨਰਸਿੰਗ ਸਿਸਟਰ ਅਤੇ ਨਰਸਿੰਗ ਅਫਸਰ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਹਸਪਤਾਲ ਵਿੱਚ 182 ਸਟਾਫ ਨਰਸਾਂ ਦੀ ਭਰਤੀ ਵੀ ਚੱਲ ਰਹੀ ਹੈ।
2005 ਵਿੱਚ ਪ੍ਰਸਤਾਵ ਭੇਜਿਆ ਗਿਆ-
ਦੱਸ ਦੇਈਏ ਕਿ ਕੇਂਦਰ ਨੇ 17 ਸਾਲਾਂ ਬਾਅਦ GMCH 32 ਵਿੱਚ ਨਰਸਿੰਗ ਅਫਸਰ ਦੀਆਂ ਨਵੀਆਂ ਵਿਕੈਂਸੀਆਂ ਸਿਰਜਣ ਦੀ ਮਨਜ਼ੂਰੀ ਦਿੱਤੀ ਹੈ। ਸਾਲ 2005 ‘ਚ, ਹਸਪਤਾਲ ਨੇ 656 ਨਰਸਿੰਗ ਪੋਸਟਾਂ ਬਣਾਉਣ ਲਈ ਮੰਤਰਾਲੇ ਨੂੰ ਪ੍ਰਸਤਾਵ ਭੇਜਿਆ ਤੇ ਇਸ ਵਿੱਚੋਂ 323 ਨੂੰ ਮਨਜ਼ੂਰੀ ਮਿਲ ਚੁੱਕੀ ਹੈ। ਇਨ੍ਹਾਂ ਵਿੱਚੋਂ 316 ਸਟਾਫ ਨਰਸਾਂ ਹੋਣਗੀਆਂ। ਇੱਥੇ 6 ਨਰਸਿੰਗ ਸਿਸਟਰਾਂ ਹੋਣਗੀਆਂ ਅਤੇ ਇੱਕ ਪੋਸਟ ਮੈਟਰਨ ਦੀ ਹੋਵੇਗੀ। ਇਸ ਦੇ ਨਾਲ ਹੀ ਕੇਂਦਰ ਨੇ ਸਪੱਸ਼ਟ ਕੀਤਾ ਕਿ ਇਹ ਯਕੀਨੀ ਬਣਾਇਆ ਜਾਵੇ ਕਿ ਪ੍ਰਵਾਨਿਤ ਵਿਕੈਂਸੀਆਂ ਵਿੱਚ ਤਨਖ਼ਾਹ ਸਕੇਲ ਸਬੰਧਤ ਗਰੇਡ ਅਨੁਸਾਰ ਮੌਜੂਦਾ ਵਿਕੈਂਸੀਆਂ ਦੇ ਤਨਖ਼ਾਹ ਸਕੇਲ ਤੋਂ ਵੱਧ ਨਾ ਹੋਵੇ ਤੇ ਇਹ ਪੋਸਟ ਨਿਯਮਤ ਤੌਰ ‘ਤੇ ਭਰੀ ਜਾਣੀ ਚਾਹੀਦੀ ਹੈ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
