ਦਿੱਲੀ ਵਿਧਾਨ ਸਭਾ ਨੇ ਸੋਮਵਾਰ ਨੂੰ ਵਿਧਾਇਕਾਂ ਦੀ ਤਨਖਾਹ ਅਤੇ ਭੱਤਿਆਂ ਨੂੰ ਦੁੱਗਣਾ ਕਰਨ ਵਾਲਾ ਬਿੱਲ ਪਾਸ ਕਰ ਦਿੱਤਾ।ਆਮ ਆਦਮੀ ਪਾਰਟੀ (ਆਪ) ਦੀ ਅਗਵਾਈ ਵਾਲੀ ਦਿੱਲੀ ਸਰਕਾਰ ਨੇ ਕਿਹਾ ਕਿ ਦਿੱਲੀ ਦੇ ਵਿਧਾਇਕਾਂ ਦੀ ਤਨਖਾਹ ਦੇਸ਼ ‘ਚ ਸਭ ਤੋਂ ਘੱਟ ਹੈ। ਪਿਛਲੀ ਵਾਰ ਜਦੋਂ ਦਿੱਲੀ ਦੇ ਵਿਧਾਇਕਾਂ ਦੀ ਤਨਖਾਹ ਵਧਾਉਣ ਦਾ ਬਿੱਲ ਵਿਧਾਨ ਸਭਾ ‘ਚ ਪੇਸ਼ ਕੀਤਾ ਗਿਆ ਸੀ ਤਾਂ ਇਸ ਦੀ ਕਾਫ਼ੀ ਆਲੋਚਨਾ ਹੋਈ ਸੀ।
ਦਿੱਲੀ ਸਰਕਾਰ ਦੇ ਕਾਨੂੰਨ, ਨਿਆਂ ਅਤੇ ਕਾਨੂੰਨੀ ਮਾਮਲਿਆਂ ਦੇ ਮੰਤਰੀ ਕੈਲਾਸ਼ ਗਹਿਲੋਤ ਨੇ ਮੰਤਰੀਆਂ, ਵਿਧਾਇਕਾਂ, ਸਪੀਕਰ, ਡਿਪਟੀ ਸਪੀਕਰ, ਵਿਰੋਧੀ ਧਿਰ ਦੇ ਨੇਤਾ ਅਤੇ ਚੀਫ ਵ੍ਹਿਪ ਦੀਆਂ ਤਨਖਾਹਾਂ ਵਧਾਉਣ ਲਈ ਬਿੱਲ ਪੇਸ਼ ਕੀਤਾ।
ਦਿੱਲੀ ਦੇ ਸੀਐੱਮ ਤੇ ਵਿਧਾਇਕਾਂ ਦੀਆਂ ਤਨਖਾਹਾਂ ਤੇ ਭੱਤਿਆਂ ‘ਚ ਵਾਧਾ ਹੋਇਆ ਹੈ।ਕੇਜਰੀਵਾਲ ਸਰਕਾਰ ਨੇ ਇਹ ਬਿੱਲ ਪਾਸ ਕੀਤਾ।ਦਿੱਲੀ ਦੇ ਮੁੱਖ ਮੰਤਰੀ ਕੇਜਰੀਵਾਲ ਤੇ ਮੰਤਰੀਆਂ ਦੀ ਤਨਖਾਹ 72,000 ਰੁਪਏ ਤੋਂ ਵੱਧ ਕੇ ਹੋਵੇਗੀ 1,70,000 ਰੁਪਏ ਅਤੇ ਵਿਧਾਇਕਾਂ ਦੀ ਤਨਖਾਹ 54,000 ਰੁਪਏ ਤੋਂ ਵੱਧ ਕੇ ਹੋਵੇਗੀ 90,000 ਰੁਪਏ।ਇਹ ਬਿੱਲ ਭਾਜਪਾ ਤੇ ਕੇਜਰੀਵਾਲ ਸਰਕਾਰ ਨੇ ਮਿਲ ਕੇ ਪਾਸ ਕੀਤਾ ਹੈ।
ਦਿੱਲੀ ‘ਚ ਇੱਕ ਵਿਧਾਇਕ ਨੂੰ ਇਸ ਸਮੇਂ ਤਨਖ਼ਾਹ ਅਤੇ ਭੱਤੇ ਵਜੋਂ 54,000 ਰੁਪਏ ਪ੍ਰਤੀ ਮਹੀਨਾ ਮਿਲਦੇ ਹਨ, ਜੋ ਹੁਣ ਵਧਾ ਕੇ 90,000 ਰੁਪਏ ਹੋ ਜਾਣਗੇ। ਸੋਧੇ ਹੋਏ ਤਨਖ਼ਾਹ ਅਤੇ ਭੱਤਿਆਂ ਦੀ ਵੰਡ ‘ਚ ਮੂਲ ਤਨਖਾਹ – 30,000 ਰੁਪਏ, ਚੋਣ ਖੇਤਰ ਭੱਤਾ – 25,000 ਰੁਪਏ, ਸਕੱਤਰੇਤ ਭੱਤਾ – 15,000 ਰੁਪਏ, ਟੈਲੀਫ਼ੋਨ ਭੱਤਾ – 10,000 ਰੁਪਏ, ਟਰਾਂਸਪੋਰਟ ਭੱਤਾ – 10,000 ਰੁਪਏ ਸ਼ਾਮਲ ਹਨ।
