ਪੰਜਾਬ ਦੇ ਜਲੰਧਰ ਜ਼ਿਲ੍ਹੇ ਵਿੱਚ ਵਿਧਾਇਕ ਫੰਡ ਵਿੱਚ ਘਪਲੇ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਏ.ਡੀ.ਸੀ. ਦੀ ਜਾਂਚ ਤੋਂ ਬਾਅਦ ਪੁਲਿਸ ਨੇ ਜਲੰਧਰ ਉੱਤਰੀ ਵਿਧਾਨ ਸਭਾ ਹਲਕੇ ਦੇ ਕੌਂਸਲਰ ਅਤੇ ਉਨ੍ਹਾਂ ਦੇ ਰਿਸ਼ਤੇਦਾਰਾਂ ਸਮੇਤ 18 ਲੋਕਾਂ ਦੇ ਖਿਲਾਫ ਗਬਨ ਦੇ 6 ਕੇਸ ਦਰਜ ਕੀਤੇ ਹਨ। ਵਿਧਾਇਕ ਨੇ ਉੱਤਰੀ ਵਿਧਾਨ ਸਭਾ ਹਲਕੇ ਵਿੱਚ ਪੈਂਦੇ ਸ਼ਿਵ ਨਗਰ ਵਿੱਚ ਪੈਂਦੇ ਕਮਿਊਨਿਟੀ ਹਾਲ ਲਈ 10 ਲੱਖ ਰੁਪਏ ਜਾਰੀ ਕੀਤੇ ਸਨ] ਪਰ ਹੈਰਾਨੀ ਦੀ ਗੱਲ ਹੈ ਕਿ ਖਾਤੇ ਵਿੱਚੋਂ ਪੈਸੇ ਤਾਂ ਖਰਚ ਹੋ ਗਏ ਪਰ ਕਮਿਊਨਿਟੀ ਸੈਂਟਰ ਜ਼ਮੀਨ ’ਤੇ ਨਹੀਂ ਉਤਰਿਆ।
ਇਸ ਘੁਟਾਲੇ ਦੀ ਸ਼ਿਕਾਇਤ ਜਦੋਂ ਡੀਸੀ ਦਫ਼ਤਰ ‘ਚ ਪਹੁੰਚੀ ਤਾਂ ਉਨ੍ਹਾਂ ਨੇ ਮਾਮਲੇ ਦੀ ਜਾਂਚ ਏਡੀਸੀ ਵਰਿੰਦਰਪਾਲ ਸਿੰਘ ਬਾਜਵਾ ਨੂੰ ਸੌਂਪੀ।ਏਡੀਸੀ ਨੇ ਜੋ ਜਾਂਚ ਕੀਤੀ, ਉਸ’ਚ ਕਈ ਹੈਰਾਨ ਵਾਲੇ ਤੱਥ ਸਾਹਮਣੇ ਆਏ।ਇੱਕ ਵੱਡੀ ਗੱਲ ਜੋ ਸਾਹਮਣੇ ਆਈ, ਉਹ ਹੈ ਉਸ ਸੋਸਾਇਟੀ ਦਾ ਨਾਮ, ਜਿਸਦੇ ਨਾਮ ‘ਤੇ ਵਿਧਾੲਕਿ ਨਿਧੀ ਤੋਂ ਫੰਡ ਜਾਰੀ ਕੀਤਾ ਗਿਆ ਸੀ।ਨਾਰਥ ਵਿਧਾਨ ਸਭਾ ਖੇਤਰ ਦੇ ਵਿਧਾਇਕ ਅਵਤਾਰ ਜੂਨੀਅਰ ਨੇ ਸ਼ਿਵ ਯੂਥ ਵੈੱਲਫੇਅਰ ਸੋਸਾਇਟੀ ਦੇ ਨਾਮ ‘ਤੇ ਫੰਡ ਜਾਰੀ ਕੀਤਾ ਸੀ।ਹੈਰਾਨੀ ਦੀ ਗੱਲ ਹੈ ਕਿ ਇਸ ਸੋਸਾਇਟੀ ‘ਚ ਸਾਰੇ ਮੈਂਬਰ ਪਾਰਸ਼ਦ ਸੁਸ਼ੀਲ ਕਾਲੀਆ ਸਮੇਤ ਉਨਾਂ੍ਹ ਦੇ ਫੈਮਿਲੀ ਮੈਂਬਰ ਹੀ ਹਨ।
ਖੁਦ ਹੀ ਪ੍ਰਸਤਾਵ ਦਿੱਤੇ ਅਤੇ ਖੁਦ ਹੀ ਕਮਿਊਨਿਟੀ ਸੈਂਟਰ ਬਣਾਉਣ ਦੇ ਨਾਮ ‘ਤੇ ਪੈਸੇ ਕੱਢਵਾ ਕੇ ਹਜਮ ਕਰ ਗਏ।ਜਿਸ ਕਮਿਊਨਿਟੀ ਸੈਂਟਰ ਲਈ ਪੈਸੇ ਜਾਰੀ ਕੀਤੇ ਗਏ ਸਨ, ਉਹ ਨਾਰਥ ਹਲਕੇ ‘ਚ ਹੀ ਸ਼ਿਵ ਨਗਰ ਮੁਹੱਲ ਦੇ ਨਾਲ ਲੱਗਦੀ ਜਮੀਨ ‘ਤੇ ਬਣਨਾ ਸੀ।ਗ੍ਰਾਂਟ ਲੈਣ ਲਈ ਬਕਾਇਦਾ ਸਬੂਤ ਅਤੇ ਜਮੀਨ ਦਾ ਏਕਸ ਵੀ ਲਗਾਇਆ ਗਿਆ।ਇਸ ਦੇ ਆਧਾਰ ‘ਤੇ ਵਿਧਾਇਕ ਨਿਧੀ ਤੋਂ ਰਜਿਸਟਰਡ ਸੋਸਾਇਟੀ ਦੇ ਨਾਮ ‘ਤੇ ਗ੍ਰਾਂਟ ਜਾਰੀ ਹੋਈ ਸੀ।ਏਡੀਸੀ ਦੀ ਜਾਂਚ ਰਿਪੋਰਟ ਡੀਸੀ ਕੋਲ ਪੁੱਜੀ ਤਾਂ ਉਨ੍ਹਾਂ ਤੁਰੰਤ ਪ੍ਰਭਾਵ ਨਾਲ ਪੁਲੀਸ ਕਮਿਸ਼ਨਰ ਨੂੰ ਭੇਜ ਦਿੱਤੀ। ਏਡੀਸੀ ਦੀ ਜਾਂਚ ਰਿਪੋਰਟ ਦੇ ਆਧਾਰ ’ਤੇ ਪੁਲੀਸ ਕਮਿਸ਼ਨਰ ਨੇ ਕੌਂਸਲਰ ਸੁਸ਼ੀਲ ਕਾਲੀਆ ਸਮੇਤ 18 ਵਿਅਕਤੀਆਂ ਖ਼ਿਲਾਫ਼ ਭਾਰਤੀ ਦੰਡਾਵਲੀ ਦੀ ਧਾਰਾ 409 ਅਤੇ 120ਬੀ ਤਹਿਤ ਗਬਨ ਅਤੇ ਸਾਜ਼ਿਸ਼ ਰਚਣ ਦੇ ਦੋਸ਼ ਹੇਠ ਕੇਸ ਦਰਜ ਕੀਤਾ ਹੈ।
ਉੱਤਰੀ ਵਿਧਾਨ ਸਭਾ ਹਲਕੇ ਤੋਂ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਰਹੇ ਦਿਨੇਸ਼ ਢੱਲ ਨੇ ਕਿਹਾ ਕਿ ਇਹ ਤਾਂ ਸਿਰਫ਼ ਸ਼ੁਰੂਆਤ ਹੈ। ਹੋਰ ਵੀ ਕਈ ਘੁਟਾਲੇ ਸਾਹਮਣੇ ਆਉਣਗੇ। ਕਮਿਊਨਿਟੀ ਸੈਂਟਰ ਦੇ ਨਾਂ ‘ਤੇ ਹੋਏ ਇਸ ਘਪਲੇ ‘ਚ ਵਿਧਾਇਕ ਬਾਵਾ ਹੈਨਰੀ ਵੀ ਸ਼ਾਮਲ ਹੈ।
ਜਦੋਂ ਕੋਈ ਵਿਧਾਇਕ ਆਪਣੇ ਫੰਡ ਵਿੱਚੋਂ ਕਿਸੇ ਵਿਕਾਸ ਕਾਰਜ ਲਈ ਫੰਡ ਜਾਰੀ ਕਰਦਾ ਹੈ ਤਾਂ ਇਹ ਨਿਗਰਾਨੀ ਕਰਨਾ ਵੀ ਵਿਧਾਇਕ ਦਾ ਕੰਮ ਹੈ ਕਿ ਉਹ ਉਸ ਕੰਮ ਵਿੱਚ ਲੱਗਾ ਹੋਇਆ ਹੈ ਜਾਂ ਨਹੀਂ। ਇਸ ਲਈ ਘੁਟਾਲੇ ਵਿੱਚ ਵਿਧਾਇਕ ਵੀ ਬਰਾਬਰ ਦੇ ਦੋਸ਼ੀ ਹਨ। ਜਿਨ੍ਹਾਂ ਨੂੰ ਵਿਧਾਇਕ ਵੱਲੋਂ ਗ੍ਰਾਂਟ ਕਮਿਊਨਿਟੀ ਸੈਂਟਰ ਦੇ ਨਾਂ ’ਤੇ ਜਾਰੀ ਕੀਤੀ ਗਈ, ਉਨ੍ਹਾਂ ਵਿੱਚ ਵਿਧਾਇਕ ਦੇ ਨਾਮਵਰ ਵਿਅਕਤੀ ਸ਼ਾਮਲ ਹਨ।
