ਪੰਜਾਬ ‘ਚ ਹੁਣ ਲੱਗਦਾ ਹੈ ਕਿ ਡੇਂਗੂ ਨੇ ਪੈਰ ਪਪ੍ਰਸਾਰਨਾ ਸ਼ੁਰੂ ਕਰ ਦਿੱਤਾ ਹੈ , ਤਾਜਾ ਜਾਣਕਾਰੀ ਅਨੁਸਾਰ , ਹੁਣ ਤੱਕ 151 ਮਾਮਲੇ ਸਾਹਮਣੇ ਆਉਣ ਦੇ ਨਾਲ ਹੀ ਸੂਬੇ ਵਿੱਚ ਜਾਨਲੇਵਾ ਡੇਂਗੂ ਦੇ ਕੇਸ ਆਏ ਹਨ। ਸਿਹਤ ਅਧਿਕਾਰੀਆਂ ਨੇ ਕਿਹਾ ਕਿ ਹਾਲ ਹੀ ਵਿੱਚ ਹੋਈ ਬਾਰਿਸ਼ ਨੇ ਬਿਮਾਰੀ ਫੈਲਣ ਦੀ ਗਤੀ ਵਧਾ ਦਿੱਤੀ ਹੈ।
ਹੁਣ ਤੱਕ 151 ਕੇਸਾਂ ਵਿੱਚੋਂ, ਫਿਰੋਜ਼ਪੁਰ ਵਿੱਚ 44 ਦਰਜ ਕੀਤੇ ਗਏ ਹਨ – ਜੋ ਕਿ ਰਾਜ ਵਿੱਚ ਸਭ ਤੋਂ ਵੱਧ ਹਨ। ਫਿਰੋਜ਼ਪੁਰ ਤੋਂ ਬਾਅਦ ਮੋਹਾਲੀ 30 ਕੇਸਾਂ ਨਾਲ ਦੂਜੇ ਨੰਬਰ ‘ਤੇ ਹੈ ਜਦਕਿ ਕਪੂਰਥਲਾ ‘ਚ 28 ਮਾਮਲੇ ਸਾਹਮਣੇ ਆਏ ਹਨ। ਸੰਗਰੂਰ ਵਿੱਚ ਹੁਣ ਤੱਕ 20 ਦੇ ਕਰੀਬ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
ਪੰਜਾਬ ਚ੍ ਡੇਂਗੂ ਦੇ ਲਗਭਗ 4,866 ਟੈਸਟ ਕੀਤੇ ਜਾ ਚੁੱਕੇ ਹਨ।
ਸੂਤਰਾਂ ਨੇ ਦੱਸਿਆ ਕਿ ਰਾਜ ਦੇ ਸਿਹਤ ਵਿਭਾਗ ਨੇ ਸਾਰੇ ਜ਼ਿਲ੍ਹਿਆਂ ਨੂੰ ਡੇਂਗੂ ਨਾਲ ਨਜਿੱਠਣ ਲਈ ਪ੍ਰਬੰਧ ਤੇਜ਼ ਕਰਨ ਲਈ ਸੁਚੇਤ ਕੀਤਾ ਹੈ। ਇਸ ਤੋਂ ਇਲਾਵਾ ਡੇਂਗੂ ਵਾਰਡ ਵੀ ਬਣਾਏ ਜਾ ਚੁੱਕੇ ਹਨ।
ਵਿਭਾਗ ਨੇ ਕਿਹਾ ਕਿ ਉਸਨੇ ਪਹਿਲਾਂ ਹੀ ਹਰੇਕ ਜ਼ਿਲ੍ਹੇ ਵਿੱਚ ਡੇਂਗੂ ਦੇ ਹੌਟਸਪੌਟਸ ਦੀ ਪਛਾਣ ਕਰ ਲਈ ਹੈ ਅਤੇ ਵੱਖ-ਵੱਖ ਹਿੱਸੇਦਾਰਾਂ ਨੂੰ ਲਾਰਵੇ ਦੇ ਪ੍ਰਜਨਨ ਨੂੰ ਰੋਕਣ ਲਈ ਨਿਰਦੇਸ਼ ਦਿੱਤੇ ਹਨ।
ਸ਼ੁਰੂ ਵਿੱਚ, ਇਹ ਬੁਖਾਰ, ਜੋ ਕਿ ਸਾਧਾਰਨ ਲੱਗਦਾ ਹੈ, ਦੇਰੀ ਜਾਂ ਗਲਤ ਇਲਾਜ ਨਾਲ ਘਾਤਕ ਸਾਬਤ ਹੋ ਸਕਦਾ ਹੈ। ਜੇਕਰ ਸਮੇਂ ਸਿਰ ਸਹੀ ਇਲਾਜ ਹੋ ਜਾਵੇ ਤਾਂ ਸਥਿਤੀ ਕਾਬੂ ਵਿਚ ਰਹਿੰਦੀ ਹੈ। ਡੇਂਗੂ ਦੀ ਰੋਕਥਾਮ ਅਤੇ ਇਲਾਜ ਬਾਰੇ ਮਾਹਿਰਾਂ ਨੇ ਦੱਸਿਆ…ਇਹ ਮੱਛਰ ਦਿਨ ਵੇਲੇ, ਖਾਸ ਕਰਕੇ ਸਵੇਰ ਵੇਲੇ ਕੱਟਦੇ ਹਨ। ਡੇਂਗੂ ਸਭ ਤੋਂ ਵੱਧ ਬਰਸਾਤ ਦੇ ਮੌਸਮ ਦੌਰਾਨ ਫੈਲਦਾ ਹੈ ਅਤੇ ਇਸ ਤੋਂ ਤੁਰੰਤ ਬਾਅਦ ਦੇ ਮਹੀਨਿਆਂ, ਯਾਨੀ ਜੁਲਾਈ ਤੋਂ ਅਕਤੂਬਰ, ਕਿਉਂਕਿ ਮੱਛਰਾਂ ਦੇ ਪ੍ਰਜਨਨ ਲਈ ਅਨੁਕੂਲ ਸਥਿਤੀਆਂ ਹਨ। ਏਡੀਜ਼ ਇਜਿਪਟੀ ਮੱਛਰ ਬਹੁਤ ਜ਼ਿਆਦਾ ਉੱਡ ਨਹੀਂ ਸਕਦਾ।
ਇਹ ਕਿਵੇਂ ਫੈਲਦਾ ਹੈ
ਡੇਂਗੂ ਬੁਖਾਰ ਤੋਂ ਪੀੜਤ ਮਰੀਜ਼ ਦੇ ਖੂਨ ਵਿੱਚ ਡੇਂਗੂ ਦਾ ਵਾਇਰਸ ਜ਼ਿਆਦਾ ਮਾਤਰਾ ਵਿੱਚ ਮੌਜੂਦ ਹੁੰਦਾ ਹੈ। ਜਦੋਂ ਏਡੀਜ਼ ਮੱਛਰ ਡੇਂਗੂ ਦੇ ਮਰੀਜ਼ ਨੂੰ ਕੱਟਦਾ ਹੈ ਤਾਂ ਇਹ ਉਸ ਮਰੀਜ਼ ਦਾ ਖੂਨ ਚੂਸਦਾ ਹੈ। ਡੇਂਗੂ ਦਾ ਵਾਇਰਸ ਖੂਨ ਦੇ ਨਾਲ ਮੱਛਰ ਦੇ ਸਰੀਰ ਵਿੱਚ ਵੀ ਦਾਖਲ ਹੋ ਜਾਂਦਾ ਹੈ। ਜਦੋਂ ਡੇਂਗੂ ਵਾਇਰਸ ਵਾਲਾ ਮੱਛਰ ਕਿਸੇ ਹੋਰ ਵਿਅਕਤੀ ਨੂੰ ਕੱਟਦਾ ਹੈ, ਤਾਂ ਉਹ ਵਾਇਰਸ ਉਸ ਵਿਅਕਤੀ ਦੇ ਸਰੀਰ ਵਿਚ ਪਹੁੰਚ ਜਾਂਦਾ ਹੈ, ਜਿਸ ਕਾਰਨ ਉਹ ਡੇਂਗੂ ਵਾਇਰਸ ਦਾ ਸ਼ਿਕਾਰ ਹੋ ਜਾਂਦਾ ਹੈ।
