Diljit Dosanjh apologises to security on Coachella 2023: ਦਿਲਜੀਤ ਦੋਸਾਂਝ ਉਹ ਕਲਾਕਾਰ ਹੈ, ਜੋ ਆਪਣੇ ਗਾਣਿਆਂ ‘ਤੇ ਲੋਕਾਂ ਨੂੰ ਨੱਚਣ ਲਈ ਮਜਬੂਰ ਕਰਦਾ ਹੈ ਤੇ ਆਪਣੀ ਸਾਦਗੀ ਨਾਲ ਲੋਕਾਂ ਦਾ ਦਿਲ ਜਿੱਤ ਲੈਂਦਾ ਹੈ। ਚਾਹੇ ਉਹ ਆਪਣੇ ਦੇਸ਼ ਦੀ ਮਿੱਟੀ ਹੋਵੇ ਜਾਂ ਪਰਦੇਸ ਦੀ, ਉਸ ਦਾ ਦੇਸੀ ਅੰਦਾਜ਼ ਪੱਗ, ਕੁੜਤੇ, ਚਾਦਰਾ ਉਸ ਦੇ ਪੰਜਾਬੀ ਲੁੱਕ ਨੂੰ ਚਾਰ ਚੰਨ ਲਾ ਦਿੰਦੇ ਹਨ।
ਹਾਲ ਹੀ ‘ਚ ਯੂਐਸ ਦੇ ਮਿਊਜ਼ਿਕ ਈਵੈਂਟ ਕੋਚੇਲਾ ‘ਚ ਵੀ ਦੋਵੇਂ ਦਿਨ ਦਿਲਜੀਤ ਨੇ ਆਪਣੀ ਪਰਫਾਰਮੈਂਸ ਦੇ ਨਾਲ ਆਪਣੇ ਦੇਸ਼ੀ ਅੰਦਾਜ਼ ਨਾਲ ਵੀ ਲੋਕਾਂ ਦਾ ਦਿਲ ਜਿੱਤਿਆ। ਇਸ ਦੇ ਨਾਲ ਹੀ ਉਸ ਨੇ ਕੈਲੀਫੋਰਨੀਆ ‘ਚ ਹੋ ਰਹੇ ਕੋਚੇਲਾ ਮਿਊਜ਼ਿਕ ਫੈਸਟੀਵਲ ‘ਚ ਵੀ ਕਾਫੀ ਰੰਗ ਬੰਨ੍ਹਿਆ। ਪਰ ਇੱਥੇ ਕੁਝ ਅਜਿਹਾ ਹੋਇਆ ਕਿ ਦਿਲਜੀਤ ਦੋਸਾਂਝ ਨੂੰ ਸਟੇਜ ਤੋਂ ਸੁਰੱਖਿਆ ਗਾਰਡ ਤੋਂ ਮੁਆਫੀ ਮੰਗਣੀ ਪਈ।
ਦਿਲਜੀਤ ਦੋਸਾਂਝ ਦੀ ਪਾਵਰ ਪੈਕਡ ਪਰਫਾਰਮੈਂਸ ਦਾ ਕ੍ਰੇਜ਼ ਨਾ ਸਿਰਫ ਓਡੀਟੋਰੀਅਮ ‘ਚ ਦੇਖਿਆ ਗਿਆ, ਬਾਲੀਵੁੱਡ ਸੈਲੇਬਸ ਵੀ ਉਨ੍ਹਾਂ ਦੇ ਫੈਨ ਬਣ ਗਏ। ਜਦੋਂ ਦਿਲਜੀਤ ਦੋਸਾਂਝ ਨੇ ਜੱਟ ਦਾ ਪਿਆਰ ਗੋਰੀਏ ਗਾਉਣਾ ਸ਼ੁਰੂ ਕੀਤਾ ਤਾਂ ਮੌਕੇ ‘ਤੇ ਮੌਜੂਦ ਫੈਨਸ ਨੇ ਨੱਚਣਾ-ਭੰਗੜਾ ਪਾਉਣਾ ਸ਼ੁਰੂ ਕੀਤਾ ਤੇ ਉਹ ਦਿਲਜੀਤ ਦੀ ਪਰਫਾਰਮੈਂਸ ਦੀ ਮਸਤੀ ‘ਚ ਡੁੱਬੇ।
ਵੇਖੋ ਵੀਡੀਓ:-
His humbleness ❤️#DiljitDosanjh #COACHELLA2023 pic.twitter.com/pZnJN412D6
— ખ૯ℓઝ¡ท 🦋 (@Gheyo_Di_Choori) April 23, 2023
ਇਸ ਕੰਸਰਟ ਦੀ ਵਾਇਰਲ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਤਾਹਿਰਾ ਕਸ਼ਯਪ ਨੇ ਅੱਗ ਦੇ ਇਮੋਜੀ ਸ਼ੇਅਰ ਕੀਤੇ। ਐਕਟਰਸ ਸਮ੍ਰਿਤੀ ਖੰਨਾ ਨੇ ਲਿਖਿਆ ਕਿ ਕੋਚੇਲਾ ਨੇ ਇਸ ਤੋਂ ਵੱਡਾ ਸਟਾਰ ਨਹੀਂ ਦੇਖਿਆ ਹੈ ਅਤੇ ਅੱਗ ਦੇ ਇਮੋਜੀ ਵੀ ਸਾਂਝੇ ਕੀਤੇ ਹਨ। ਵਿਦਿਆ ਮਾਲਵੜੇ ਨੇ ਉਫ ਲਿਖਿਆ। ਅਦਾਕਾਰਾ ਨੇਹਾ ਧੂਪੀਆ, ਰਿਚਾ ਚੱਢਾ ਅਤੇ ਲਿਲੀ ਸਿੰਘ ਨੇ ਵੀ ਦਿਲਜੀਤ ਦੋਸਾਂਝ ਦੀ ਤਾਰੀਫ ਵਿੱਚ ਟਿੱਪਣੀਆਂ ਕੀਤੀਆਂ ਹਨ। ਇਸ ਕੰਸਰਟ ਦੀਆਂ ਕਈ ਵੀਡੀਓਜ਼ ਵਾਇਰਲ ਹੋ ਰਹੀਆਂ ਹਨ।
View this post on Instagram
ਮੁਆਫੀ ਕਿਉਂ ਮੰਗੀ
ਕੈਲੀਫੋਰਨੀਆ ਦੇ ਐਂਪਾਇਰ ਪੋਲੋ ਕਲੱਬ ‘ਚ ਕਰਵਾਏ ਜਾ ਰਹੇ ਕੋਚੇਲਾ ਮਿਊਜ਼ਿਕ ਫੈਸਟੀਵਲ ‘ਚ ਦਿਲਜੀਤ ਦੁਸਾਂਝ ਨੂੰ ਸੁਣਨ ਲਈ ਵੱਡੀ ਗਿਣਤੀ ‘ਚ ਫੈਨਸ ਪਹੁੰਚੇ, ਜਿਸ ਕਾਰਨ ਸੁਰੱਖਿਆ ਗਾਰਡਾਂ ਨੂੰ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪਿਆ। ਉਸ ਦੀ ਹਾਲਤ ਦੇਖ ਕੇ ਦਿਲਜੀਤ ਦੋਸਾਂਝ ਨੇ ਸਟੇਜ ਤੋਂ ਹੀ ਕਿਹਾ ਕਿ ਸਕਿਓਰਿਟੀ ਪਾਜੀ ਮਾਫ ਕਰਨਾ, ਮੇਰੇ ਬੰਦਿਆਂ ਤੋਂ ਗੁੱਸਾ ਨਾ ਹੋਣਾ। ਦਿਲਜੀਤ ਦੋਸਾਂਝ ਦਾ ਇਹ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਜਿਸ ‘ਤੇ ਫੈਨਸ ਉਸ ਦੀ ਸਾਦਗੀ ਦੀ ਵੀ ਖੂਬ ਸ਼ਲਾਘਾ ਕਰ ਰਹੇ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
