ਦਿਲਜੀਤ ਦੋਸਾਂਝ ਅਤੇ ਸਰਗੁਣ ਮਹਿਤਾ ਸਟਾਰਰ ਫਿਲਮ ‘ਬਾਬੇ ਭੰਗੜਾ ਪਾਂਡੇ ਨੇ’ ਦਾ ਪਹਿਲਾ ਗੀਤ ਰਿਲੀਜ਼ ਹੋ ਗਿਆ ਹੈ। ‘ਕੋਕਾ’ ਸਿਰਲੇਖ ਵਾਲਾ ਟਰੈਕ ਡਾਂਸ ਨੰਬਰ ਇੱਕ ਹੈ, ਜਿਸ ਵਿੱਚ ਸਰਗੁਣ ਅਤੇ ਦਿਲਜੀਤ ਨੇ ਪਾਲਣਾ ਕਰਨ ਲਈ ਕੁਝ ਆਸਾਨ ਅਤੇ ਹੁੱਕ ਸਟੈਪਸ ਦਿੱਤੇ ਹਨ।
ਦਿਲਜੀਤ ਦੋਸਾਂਝ ਦੁਆਰਾ ਗਾਇਆ ਗਿਆ, ਇਸ ਗੀਤ ਦੇ ਬੋਲ ਰਾਜ ਰਣਜੋਧ ਨੇ ਅਤੇ ਕੰਪੋਜੀਸ਼ਨ ਅਵਿਆ ਸਾਰਾ ਨੇ ਕੀਤੀ ਹੈ।
ਆ ਰਹੀ ਫਿਲਮ , ‘ਬਾਬੇ ਭੰਗੜਾ ਪਾਂਡੇ ਨੇ’ ਇੱਕ ਮਜ਼ੇਦਾਰ ਕਾਮੇਡੀ ਡਰਾਮਾ ਹੈ ਜਿਸ ਵਿੱਚ ਦਿਲਜੀਤ ਦੋਸਾਂਝ, ਸਰਗੁਣ ਮਹਿਤਾ, ਗੁਰਪ੍ਰੀਤ ਭੰਗੂ, ਬਲਿੰਦਰ ਜੌਹਲ, ਜੈਸਿਕਾ ਗਿੱਲ, ਸੰਗਤਾਰ ਸਿੰਘ ਅਤੇ ਹੋਰ ਕਲਾਕਾਰ ਹਨ। ਇਸ ਦਾ ਨਿਰਦੇਸ਼ਨ ‘ਸੌਣ ਸੌਂਕਣ’ ਫੇਮ ਨਿਰਦੇਸ਼ਕ ਅਮਰਜੀਤ ਸਿੰਘ ਸਾਰੋਂ ਦੁਆਰਾ ਕੀਤਾ ਗਿਆ ਹੈ ਅਤੇ ਦਲਜੀਤ ਥਿੰਦ ਅਤੇ ਦਿਲਜੀਤ ਦੁਸਾਂਝ ਦੁਆਰਾ ਬੈਂਕਰੋਲ ਕੀਤਾ ਜਾ ਰਿਹਾ ਹੈ।
ਹੁਣ ਨਜ਼ਰ ਮਾਰ ਲੈਣੇ ਆ ਫ਼ਿਲਮ ਦੇ ਟ੍ਰੇਲਰ ‘ਤੇ। ਟ੍ਰੇਲਰ ਦੀ ਸ਼ੁਰੂਆਤ ਹੁੰਦੀ ਹੈ ਦਿਲਜੀਤ ਦੁਸਾਂਝ ਨਾਲ ਜੋ ਕਿ ਆਪਣੇ ਹਾਸੋਹੀਣੇ ਅੰਦਾਜ਼ ਦੇ ਨਾਲ ਰੰਗ – ਬਰੰਗੇ ਕੱਛੇ ਵੇਚਦੇ ਹੋਏ ਨਜ਼ਰ ਆ ਰਹੇ ਹਨ।ਪਰ ਅਸੀਂ ਅੱਗੇ ਦੇਖਦੇ ਹਾਂ ਕਿ ਕਿਤੇ ਨਾ ਕਿਤੇ ਉਹ ਆਪਣੀ ਨੌਕਰੀ ਤੋਂ ਜਿਆਦਾ ਖੁਸ਼ ਨਹੀਂ ਇਸੇ ਲਈ ਜਿਆਦਾ ਪੈਸੇ ਕਮਾਉਣ ਦੇ ਲਾਲਚ ਨਾਲ ਉਹ ਆਪਣੇ ਦੋਸਤਾਂ ਨਾਲ ਬਣਾਉਂਦੇ ਨੇ ਇੱਕ ਪਲਾਨ ਤੇ ਪਲਾਨ ਮੁਤਾਬਕ ਆਪਣੇ ਦੋਸਤਾਂ ਨਾਲ ਬਾਪੂ ਨੂੰ ਗੋਦ ਲੈਣ ਦਾ ਕਰਦੇ ਨੇ ਫੈਸਲਾ।ਜਿਸ ਤੋਂ ਬਾਅਦ ਸ਼ੁਰੂ ਹੁੰਦਾ ਹੈ ਫਿਲਮ ‘ਚ ਪੂਰਾ ਡਰਾਮਾ।
ਜਿੱਥੇ ਅਕਸਰ ਅਸੀਂ ਬੱਚੇ ਗੋਦ ਲੈਂਦੇ ਤਾਂ ਦੇਖੇ ਨੇ ਪਰ ਫਿਲਮ ‘ਚ ਅਸੀਂ ਦਿਲਜੀਤ ਦੁਸਾਝ ਵਲੋਂ ਅਸੀਂ ਬਾਪੂ ਨੂੰ ਗੋਦ ਲਿਆ ਹੋਇਆ ਦੇਖਾਂਗੇ।ਪਰ ਜਿਸ ਮਕਸਦ ਲਈ ਦਿਲਜੀਤ ਦੁਸਾਂਝ ਫ਼ਿਲਮ ‘ਚ ਬਾਪੂ ਨੂੰ ਗੋਦ ਲੈਂਦੇ ਨੇ ਕੀ ਉਹ ਪੂਰਾ ਹੋ ਸਕੇਗਾ ਜਾਂ ਫਿਰ ਨਹੀਂ ਉਹ ਤਾਂ ਫ਼ਿਲਮ ਦੇਖਣ ਤੋਂ ਬਾਅਦ ਹੀ ਪਤਾ ਲੱਗੇਗਾ ਪਰ ਇੱਕ ਗੱਲ ਤਾਂ ਪੱਕੀ ਆ ਕਿ ਦਿਲਜੀਤ ਦੁਸਾਂਝ ਆਪਣੇ ਦਰਸ਼ਕਾਂ ਨੂੰ ਨਿਰਾਸ਼ ਨਹੀਂ ਹੋਣ ਦੇਣਗੇ।ਫਿਲਮ ‘ਚ ਕਾਮੇਡੀ ਦੇ ਨਾਲ ਨਾਲ ਲੋਕਾਂ ਨੂੰ ਇੱਕ ਚੰਗਾ ਸੁਨੇਹਾ ਵੀ ਜ਼ਰੂਰ ਮਿਲੇਗਾ।
