Eating Fruit At Night: ਅੱਜਕੱਲ੍ਹ ਲੋਕ ਫਿਟਨੈਸ ਲਈ ਵੱਖ-ਵੱਖ ਤਰ੍ਹਾਂ ਦੇ ਕੰਮ ਕਰਦੇ ਹਨ। ਕੁਝ ਲੋਕ ਅਜਿਹੇ ਹੁੰਦੇ ਹਨ ਜੋ ਰਾਤ ਦੇ ਖਾਣੇ ‘ਚ ਫਲ ਖਾ ਕੇ ਹੀ ਸੌਂ ਜਾਂਦੇ ਹਨ। ਪਰ ਉਹ ਨਹੀਂ ਜਾਣਦੇ ਕਿ ਅਜਿਹਾ ਕਰਨਾ ਸਿਹਤ ਲਈ ਬਹੁਤ ਖਤਰਨਾਕ ਹੈ। ਇਹ ਜਾਣਕਾਰੀ ਨਿਊਟ੍ਰੀਸ਼ਨਿਸਟ ਜੂਹੀ ਕਪੂਰ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸ਼ੇਅਰ ਕੀਤੀ ਹੈ। ਇਸ ਪੋਸਟ ‘ਚ ਉਨ੍ਹਾਂ ਨੇ ਦੱਸਿਆ ਹੈ ਕਿ ਬਿਨਾਂ ਸੋਚੇ ਸਮਝੇ ਕਿਸੇ ਵੀ ਭੋਜਨ ਦਾ ਸੇਵਨ ਨੁਕਸਾਨ ਹੀ ਕਰਦਾ ਹੈ। ਕੁਝ ਲੋਕ ਰਾਤ ਦੇ ਖਾਣੇ ‘ਚ ਸਿਰਫ਼ ਫਲ ਹੀ ਖਾਂਦੇ ਹਨ ਜੋ ਉਨ੍ਹਾਂ ਲਈ ਚੰਗਾ ਨਹੀਂ ਹੁੰਦਾ।
ਰਾਤ ਨੂੰ ਫਲ ਕਿਉਂ ਨਹੀਂ ਖਾਣੇ ਚਾਹੀਦੇ
ਜੇਕਰ ਤੁਸੀਂ ਰਾਤ ਦੇ ਖਾਣੇ ‘ਚ ਫਲ ਖਾ ਰਹੇ ਹੋ ਤਾਂ ਅਜਿਹਾ ਬਿਲਕੁਲ ਨਾ ਕਰੋ। ਕਿਉਂਕਿ ਰਾਤ ਦਾ ਖਾਣਾ ਹਲਕਾ ਤੇ ਸੰਤੁਲਿਤ ਹੋਣਾ ਚਾਹੀਦਾ ਹੈ। ਇਸ ਲਈ ਰਾਤ ਦੇ ਖਾਣੇ ‘ਚ ਪੁਲਾਵ, ਖਿਚੜੀ, ਓਟਮੀਲ ਤੇ ਬਾਜਰੇ ਦਾ ਡੋਸਾ ਵਰਗੀਆਂ ਚੀਜ਼ਾਂ ਹੀ ਲੈਣ ਦੀ ਕੋਸ਼ਿਸ਼ ਕਰੋ। ਪ੍ਰੋਟੀਨ ਦੀ ਮਾਤਰਾ ਲਈ ਇਨ੍ਹਾਂ ਚੀਜ਼ਾਂ ਦੇ ਉੱਪਰ ਘਿਓ ਪਾਇਆ ਕਾ ਸਕਦਾ ਹੈ। ਇਹ ਸੰਪੂਰਨ ਭੋਜਨ ਹਨ, ਜਿਨ੍ਹਾਂ ਨੂੰ ਖਾਣਾ ਚਾਹੀਦਾ ਹੈ। ਉਨ੍ਹਾਂ ਦੱਸਿਆ ਕਿ ਕੁਝ ਲੋਕ ਅਜਿਹੇ ਵੀ ਹੁੰਦੇ ਹਨ, ਜੋ ਭਾਰ ਘਟਾਉਣ ਲਈ ਸਿਰਫ਼ ਫਲ ਖਾਣਾ ਸ਼ੁਰੂ ਕਰ ਦਿੰਦੇ ਹਨ, ਅਜਿਹਾ ਕਰਨ ਤੋਂ ਹਮੇਸ਼ਾ ਬਚਣਾ ਚਾਹੀਦਾ ਹੈ।
ਰਾਤ ਨੂੰ ਫਲ ਖਾਣਾ ਖ਼ਤਰਨਾਕ
ਰਾਤ ਨੂੰ ਫਲ ਖਾ ਕੇ ਸੌਂਣ ਨਾਲ ਸਰੀਰ ਦੀ ਭੁੱਖ ਪੂਰੀ ਨਹੀਂ ਹੁੰਦੀ। ਰਾਤ ਦੇ ਖਾਣੇ ‘ਚ ਸਿਰਫ਼ ਫਲ ਖਾਣ ਨਾਲ ਸਰੀਰ ਨੂੰ ਸਹੀ ਤਰੀਕੇ ਨਾਲ ਕੰਮ ਕਰਨ ਲਈ ਜ਼ਰੂਰੀ ਪੌਸ਼ਟਿਕ ਤੱਤ ਨਹੀਂ ਮਿਲਦੇ ਤੇ ਸਰੀਰ ‘ਚ ਕਈ ਪੌਸ਼ਟਿਕ ਤੱਤਾਂ ਦੀ ਕਮੀ ਹੋ ਸਕਦੀ ਹੈ। ਲੋੜੀਂਦਾ ਪ੍ਰੋਟੀਨ ਨਾ ਲੈਣਾ ਵੀ ਠੀਕ ਨਹੀਂ, ਕਿਉਂਕਿ ਇਹ ਮਾਸਪੇਸ਼ੀਆਂ ਬਣਾਉਣ ਲਈ ਜ਼ਰੂਰੀ ਹੈ। ਹੈਲਦੀ ਫੈਟ ਦਾ ਸੇਵਨ ਨਾ ਕਰਨ ਕਾਰਨ ਜੋੜਾਂ ਨੂੰ ਸਿਹਤਮੰਦ ਰੱਖਣ ਤੇ ਹਾਰਮੋਨਲ ਫੰਕਸ਼ਨ ‘ਚ ਸੁਧਾਰ ਕਰਨ ‘ਚ ਮੁਸ਼ਕਲ ਆਉਂਦੀ ਹੈ। ਸਿਰਫ ਫਲਾਂ ਤੋਂ ਲੋੜੀਂਦੀ ਊਰਜਾ ਨਹੀਂ ਮਿਲਦੀ ਸਗੋਂ ਵਾਲ ਵੀ ਝੜਨ ਲੱਗਦੇ ਹਨ। ਇੰਨਾ ਹੀ ਨਹੀਂ ਇਹ ਸਕਿਨ ਨੂੰ ਖੁਸ਼ਕ ਤੇ ਬੇਜਾਨ ਵੀ ਬਣਾ ਸਕਦੇ ਹਨ, ਹੱਡੀਆਂ ਨੂੰ ਵੀ ਨੁਕਸਾਨ ਹੋ ਸਕਦਾ ਹੈ। ਰਾਤ ਨੂੰ ਸਿਰਫ ਫਲ ਖਾਣ ਨਾਲ ਹੱਡੀਆਂ ਕਮਜ਼ੋਰ ਹੋ ਜਾਂਦੀਆਂ ਹਨ।
ਰਾਤ ਨੂੰ ਕੀ ਖਾਣਾ ਹੈ
ਰਾਤ ਦਾ ਖਾਣਾ ਸੰਤੁਲਿਤ ਹੋਣਾ ਚਾਹੀਦਾ ਹੈ। ਫਲਾਂ ਦੀ ਗੱਲ ਕਰੀਏ ਤਾਂ ਇਹ ਮਿਡਮੀਲ ਹੈ ਨਾ ਕਿ ਮੇਨ ਮੀਲ, ਇਸ ਲਈ ਸਿਰਫ ਇਸ ਤੋਂ ਬਚਣਾ ਚਾਹੀਦਾ ਹੈ ਤੇ ਰਾਤ ਨੂੰ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ।
ਚੌਲ ਤੇ ਦਾਲ
ਕੜੀ ਚੌਲ
ਖਿਚੜੀ
ਬਾਜਰੇ ਦੀ ਖਿਚੜੀ
ਰੋਟੀ, ਸਬਜ਼ੀ ਅਤੇ ਦਾਲ
ਰੋਟੀ ਸਬਜ਼ੀ ਤੇ ਕੜੀ
ਬਾਜਰੇ ਦਾ ਡੋਸਾ-ਸੰਭਾਰ
ਦੁੱਧ ਤੋਂ ਬਣਿਆ ਦਲੀਆ
ਅੰਡਾ ਪੁਲਾਵ
ਅੰਡੇ ਦੀ ਕੜੀ ਅਤੇ ਚੌਲ
ਸਬਜ਼ੀਆਂ ਦੇ ਨਾਲ ਆਮਲੇਟ
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
