ਰਾਜਨੀਤਿਕ ਕਾਲ ਚੱਕਰ ਇਕ ਵੱਡੇ ਇਤਿਹਾਸ ਦਾ ਗਵਾਹ ਬਣਨ ਵਾਲਾ ਹੈ ਕਿਉਂਕਿ ਦੇਸ਼ ਦੇ ਸਾਬਕਾ ਪੀਐੱਮ ਅਤੇ ਕਾਂਗਰਸ ਨੇਤਾ ਡਾ. ਮਨਮੋਹਨ ਸਿੰਘ ਦਾ ਰਾਜ ਸਭਾ ਦਾ ਕਾਰਜਕਾਲ ਖ਼ਤਮ ਹੋਣ ਵਾਲਾ ਹੈ।ਉਹ 33 ਸਾਲਾਂ ਤੱਕ ਰਾਜ ਸਭਾ ਦੇ ਮੈਂਬਰ ਰਹੇ ਹਨ। ਉਨ੍ਹਾਂ ਦੇ ਨਾਲ ਹੀ 9 ਕੇਂਦਰੀ ਮੰਤਰੀਆਂ ਦੇ ਨਾਲ ਹੀ ਕੁਲ 54 ਸੰਸਦ ਮੈਂਬਰਾਂ ਦਾ ਕਾਰਜਕਾਲ ਖਤਮ ਹੋ ਗਿਆ ਹੈ।
ਖਾਸ ਗੱਲ ਇਹ ਹੈ ਕਿ ਕਾਂਗਰਸ ਦੀ ਸਾਬਕਾ ਪ੍ਰਧਾਨ ਸੋਨੀਆ ਗਾਂਧੀ ਰਾਏਬਰੇਲੀ ਸੀਟ ਛੱਡ ਚੁੱਕੀ ਹੈ ਅਤੇ ਰਾਜਸਥਾਨ ਦੇ ਰਾਹੀਂ ਰਾਜਸਭਾ ‘ਚ ਡੈਬਿਊ ਕਰਨ ਵਾਲੀ ਹੈ।ਇਸ ਤੋਂ ਪਹਿਲਾਂ ਉਹ ਲੰਬੇ ਸਮੇਂ ਤੱਕ ਲੋਕਸਭਾ ਤੋਂ ਹੀ ਸੰਸਦ ਮੈਂਬਰ ਰਹੀ ਸੀ ਪਰ ਹੁਣ ਉਮਰ ਦੇ ਇਸ ਪੜਾਅ ‘ਚ ਸੋਨੀਆ ਗਾਂਧੀ ਨੇ ਰਾਜਸਭਾ ਦੇ ਰਸਤਿਓਂ ਸੰਸਦ ਜਾਣ ਦਾ ਫੈਸਲਾ ਲਿਆ ਸੀ।
ਦੱਸਣਯੋਗ ਹੈ ਕਿ ਡਾ. ਮਨਮੋਹਨ ਸਿੰਘ ਨੂੰ ਅਰਥਵਿਵਸਥਾ ਨਾਲ ਜੁੜੇ ਕਈ ਫੈਸਲਿਆਂ ਦੇ ਚਲਦਿਆਂ ਕਾਫੀ ਸਲਾਹਿਆ ਜਾਂਦਾ ਹੈ।1991 ‘ਚ ਪਹਿਲੀ ਵਾਰ ਉਹ ਰਾਜਸਭਾ ਸਾਂਸਦ ਬਣੇ ਸੀ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਪੀਵੀ ਨਰਸਿਮਹਾ ਰਾਵ ਦੀ ਸਰਕਾਰੀ ‘ਚ ਵਿੱਤ ਮੰਤਰੀ ਵੀ ਰਹੇ ਸੀ।ਉਸੇ ਦੌਰਾਨ ਦੇਸ਼ ‘ਚ ਇਕਨਾਮਿਕ ਲਿਬਰਲਾਜੇਸ਼ਨ ਹੋਇਆ ਸੀ।ਦੂਜੇ ਪਾਸੇ 2004 ਤੋਂ 2014 ਤੱਕ ਦੇਸ਼ ਦੇ ਪ੍ਰਧਾਨ ਮੰਤਰੀ ਵੀ ਰਹੇ।
ਰਾਜਸਭਾ ਤੋਂ ਹੀ ਬਣੇ ਸੀ ਪੀਐੱਮ
ਦੱਸ ਦੇਈਏ ਕਿ ਰਾਜਸਭਾ ਦੇ ਰਾਹੀਂ ਹੀ ਪੀਐੱਮ ਬਣੇ ਸੀ।ਫਿਲਹਾਲ ਉਨ੍ਹਾਂ ਦੀ ਉਮਰ 91 ਸਾਲ ਹੈ।ਮਨਮੋਹਨ ਸਿੰਘ ਦੇ ਇਲਾਵਾ ਕੇਂਦਰੀ ਮੰਤਰੀ ਧਰਮਿੰਦਰ ਪ੍ਰਧਾਨ, ਮਨਮੁਖ ਮੰਡਾਵੀਆ, ਰਾਜੀਵ ਚੰਦਰਸ਼ੇਖਰ, ਪੁਰਸ਼ੋਤਮ ਰੁਪਾਲਾ, ਵੀ ਮੁਰਲੀਧਰਨ, ਨਰਾਇਜ਼ ਰਾਣੇ, ਐਲ ਮੁਰਾਗਨ ਵਰਗੇ ਕੇਂਦਰੀ ਮੰਤਰੀਆਂ ਦਾ ਰਾਜਸਭਾ ਕਾਰਜਕਾਲ ਵੀ ਖਤਮ ਹੋਣ ਵਾਲਾ ਹੈ।ਹਾਲਾਂਕਿ ਐਲ ਮੁਰਾਗਨ ਅਤੇ ਅਸ਼ਵਨੀ ਵੈਸ਼ਨਵ ਨੂੰ ਛੱਡ ਕੇ ਸਾਰੇ ਮੰਤਰੀ ਚੋਣਾਂ ਲੜ ਰਹੇ ਹਨ।
