ਅੱਜ ਜਦੋਂ ਸਾਡੇ ਜੀਵਨ ਵਿਚ ਆਈ ਆਧੁਨਿਕਤਾ ਕਰਕੇ ਵੱਡੇ ਬਦਲਾਵ ਦਿਖ ਰਹੇ ਹਨ ਤਾਂ ਸਾਨੂੰ ਇਸ ਆਧੁਨਿਕਤਾ ਕਰਕੇ ਹੋਰ ਕਈ ਮਾਰੂ ਪ੍ਰਭਾਵਾਂ ਥੱਲ੍ਹੇ ਵੀ ਜੀਵਨ ਬਸਰ ਕਰਨਾ ਪੈ ਰਿਹਾ ਹੈ। ਅਜੋਕਾ ਮਨੁੱਖ ਕਈ ਬਿਮਾਰੀਆਂ ਦਾ ਸ਼ਿਕਾਰ ਹੋ ਰਿਹਾ ਹੈ। ਉਸ ਦੀ ਉਮਰ ਘੱਟ ਰਹੀ ਹੈ। ਮਨੁੱਖ ਹੱਥੀ ਕੰਮ ਕਰਨਾ ਤਾ ਜਿਵੇ ਭੁੱਲ ਹੀ ਗਿਆ ਹੈ।
ਪਰ ਇਸ ਦੇ ਉਲਟ ਪਿੰਡ ਬੰਨਾਵਾਲਾ ਦੀ 105 ਸਾਲਾ ਬੇਬੇ ਜਲ ਕੌਰ ਕਿੇ ਅੱਜ ਵੀ ਤੰਦਰੁਸਤ ਹਨ। ਉਥੇ ਹੱਥੀ ਕੰਮ ਕਰਨ ਵਿਚ ਯਕੀਨ ਰੱਖਦੇ ਹਨ। ਬੇਬੇ ਜਲ ਕੌਰ ਦੇ ਦੰਦਾਂ ਦਾ ਬੀੜ ਬਿਲਕੁਲ ਕਾਇਮ ਹੈ। ਉਹ ਭੁੰਨੇ ਹੋਏ ਛੋਲੇ ਆਰਾਮ ਨਾਲ ਖਾ ਲੈਦੀ ਹੈ ਅਤੇ ਗੰਨਾ ਵੀ ਚੂਪਦੀ ਹੈ। ਬੇਬੇ ਉਜ ਆਪਣੇ ਰੋਜਮਰ੍ਹਾਂ ਦੇ ਖਾਣੇ ਵਿਚ ਸਾਧਾਰਨ ਰੋਟੀ ਹੀ ਲੈਦੀ ਹੈ। ਬੇਬੇ ਦਾ ਇਸ ਉਮਰ ਵਿਚ ਨਾ ਕੋਈ ਦੰਦ ਟੁੱਟਿਆ ਹੈ , ਨਾ ਕੋਈ ਆਪ੍ਰੇਸ਼ਨ ਵਗੈਰਾ ਹੋਇਆ ਹੈ।
ਬੇਬੇ ਜਲ ਕੌਰ ਮੁਤਾਬਿਕ ਉਸ ਨੇ ਆਪਣੀ ਸਿਹਤ ਦੀ ਕਰਵਾਈ ਚੈਕਅੱਪ ਦੌਰਾਨ ਡਾਕਟਰ ਨੇ ਉਸ ਨੂੰ ਬਲੱਡ ਪ੍ਰੈਸ਼ਰ ਲਈ ਗੋਲੀ ਲੈਣ ਦੀ ਸਲਾਹ ਜਰੂਰ ਦਿੱਤੀ । ਉਹ ਕਦੇ ਕਦਾਈ ਬਲੱਡ ਪ੍ਰੈਸ਼ਰ ਦੀ ਗੋਲੀ ਜਰੂਰ ਲੈਦੀ ਹੈ। ਕੋਰੋਨਾ ਕਾਲ ਦੌਰਾਨ ਉਸ ਦੇ ਪਰਿਵਾਰ ਦੇ ਕਈ ਮੈਂਬਰ ਕੋਰੋਨਾ ਦੀ ਲਪੇਟ ਵਿਚ ਆ ਗਏ। ਪਰ ਬੇਬੇ ਜਲ ਕੌਰ ਬਿਲਕੁਲ ਤੰਦਰੁਸਤ ਰਹੀ।
ਉਹ ਘਰ ਵਿਚ ਬਣੀਆਂ ਪੋੜੀਆਂ ਤੋਂ ਆਰਾਮ ਨਾਲ ਉਤਰ ਅਤੇ ਚੜ੍ਹ ਜਾਦੀ ਹੈ ਅਤੇ ਘਰ ਦੇ ਵਿਹੜੇ ਵਿਚ ਝਾੜੂ ਵੀ ਲਗਾ ਲੈਦੀ ਹੈ। ਬੇਬੇ ਜਲ ਕੌਰ ਮੁਤਾਬਿਕ ਉਸ ਨੂੰ ਘਰ ਵਿਚ ਸਫਾਈ ਰੱਖਣਾ ਚੰਗਾ ਲੱਗਦਾ ਹੈ।
ਜਗਰੂਪ ਸਿੰਘ ਪੁੱਤਰ -ਨੇ ਦਸਿਆ ਕਿ ਉਸ ਦੇ ਸਿਹਤਯਾਬ ਹੋਣ ਦਾ ਕਾਰਨ ਹੈ ਕਿ ਉਹ ਕੋਈ ਚਿੰਤਾ ਨਹੀ ਰੱਖਦੀ ਅਤੇ ਪਰਿਵਾਰ ਦਾ ਅੱਜ ਵੀ ਇਕੱਠੇ ਰਹਿਣਾ ਹੈ। ਉਨ੍ਹਾਂ ਕਿਹਾ ਕਿ ਸਾਝੇ ਪਰਿਵਾਰ ਹੋਣਾ ਵੀ ਇਕ ਲੰਮੀ ਉਮਰ ਦਾ ਅਸਲ ਕਾਰਨ ਹੈ।
ਮਲਕੀਤ ਸਿੰਘ ਪੁੱਤਰ -ਨੇ ਦਸਿਆ ਕਿ ਮਾਤਾ ਕੰਮ ਕਰ ਕੇ ਅਜੇ ਵੀ ਖੁਸ਼ ਰਹਿੰਦੀ ਹੈ। ਪਰ ਹੁਣ ਉਸ ਦੇ ਧੀਆਂ, ਪੁੱਤਰ ਤੇ ਬਾਕੀ ਪਰਿਵਾਰਕ ਮੈਂਬਰ ਕਈ ਵਾਰ ਕੰਮ ਕਰਨ ਤੋਂ ਇਸ ਕਰਕੇ ਰੋਕ ਦਿੰਦੇ ਹਨ ਕਿ ਉਹ ਕੰਮ ਕਰਨਾ ਛੱਡ ਕੇ ਆਰਾਮ ਨਾਲ ਜਿੰਦਗੀ ਬਤੀਤ ਕਰੇ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h