ਆਇਲ ਮਾਰਕੀਟਿੰਗ ਕੰਪਨੀਆਂ ਹਰ ਮਹੀਨੇ ਦੀ ਪਹਿਲੀ ਤਰੀਕ ਨੂੰ ਐਲਪੀਜੀ ਸਿਲੰਡਰ ਦੀਆਂ ਕੀਮਤਾਂ ‘ਚ ਬਦਲਾਅ ਕਰਦੀ ਹੈ ਤੇ 1 ਜੂਨ 2024 ਨੂੰ ਸਵੇਰੇ 6 ਵਜੇ ਸੋਧੇ ਹੋਏ ਭਾਅ ਜਾਰੀ ਕਰ ਦਿੱਤੇ ਗਏ ਹਨ।ਆਈਓਸੀਐਲ ਦੀ ਵੈਬਸਾਈਟ ਦੇ ਮੁਤਾਬਕ, ਲਗਾਤਾਰ ਤੀਜੇ ਮਹੀਨੇ ਐਲਪੀਜੀ ਦੀਆਂ ਕੀਮਤਾਂ ‘ਚ ਕਟੌਤੀ ਕੀਤੀ ਗਈ ਹੈ।19 ਕਿਲੋਗ੍ਰਾਮ ਵਾਲੇ ਕਮਰਸ਼ੀਅਲ ਗੈਸ ਸਿਲੰਡਰ ਦੀਆਂ ਕੀਮਤਾਂ ‘ਚ 72 ਰੁ. ਤਕ ਦੀ ਕਟੌਤੀ ਕੀਤੀ ਗਈ ਹੈ।ਹਾਲਾਂਕਿ, ਇਸ ਵਾਰ ਵੀ 14 ਕਿਲੋਗ੍ਰਾਮ ਵਾਲੇ ਘਰੇਲੂ ਗੈਸ ਸਿਲੰਡਰ ਦੀ ਕੀਮਤ ‘ਚ ਕੋਈ ਬਦਲਾਅ ਦੇਖਣ ਨੂੰ ਨਹੀਂ ਮਿਲਿਆ ਹੈ।
ਆਇਲ ਮਾਰਕੀਟਿੰਗ ਕੰਪਨੀਆਂ ਨੇ ਕਮਰਸ਼ੀਅਲ ਐਲਪੀਜੀ ਸਿਲੰਡਰ ਦੀਆਂ ਕੀਮਤਾਂ ‘ਚ ਕਟੌਤੀ ਦਾ ਫੈਸਲਾ ਲੈਣ ਦੇ ਨਾਲ ਹੀ ਹਵਾਈ ਈਂਧਨ ਭਾਵ ਏਅਰ ਟਰਬਾਈਨ ਦੇ ਭਾਅ ‘ਚ ਵੀ ਬਦਲਾਅ ਕੀਤਾ ਹੈ ਅਤੇ ਇਹ ਤੁਹਾਡੀ ਹਵਾਈ ਯਾਤਰਾ ‘ਤੇ ਅਸਰ ਪਾਉਣ ਵਾਲੇ ਸਾਬਿਤ ਹੋ ਸਕਦੇ ਹਨ।
ਦਰਅਸਰ, ਦਿੱਲੀ ਦੇ ਏਟੀਐਫ ਦੇ ਭਾਅ 1,01,643.88 ਰੁ. ਪ੍ਰਤੀ ਕਿਲੋਲੀਟਰ ਤੋਂ ਘੱਟ ਹੋ ਕੇ 94,969.01 ਰੁ. ਪ੍ਰਤੀ ਕਿਲੋਲੀਟਰ ਕਰ ਦਿੱਤੇ ਗਏ ਹਨ।ਇਸਦੇ ਇਲਾਵਾ ਕੋਲਕਾਤਾ ‘ਚ ਇਸਦੀ ਕੀਮਤ 1,10,583.13 ਰੁ. ਪ੍ਰਤੀ ਕਿਲੋਲੀਟਰ ਤੋਂ ਘੱਟ ਹੋ ਕੇ 1,03,715 ਰੁ ਪ੍ਰਤੀ ਕਿਲੋਲੀਟਰ ਮੁੰਬਈ ‘ਚ 95,173.70 ਰੁ. ਪ੍ਰਤੀ ਕਿਲੋਲੀਟਰ ਤੋਂ ਘੱਟ ਕੇ 88,834.27 ਰੁ ਪ੍ਰਤੀ ਕਿ.ਲੀ ਅਤੇ ਚੇਨਈ ‘ਚ 1,09,898.61 ਰੁ.ਪ੍ਰਤੀ ਕਿ.ਲੀ. ਤੋਂ ਘੱਟ ਹੋ ਕੇ 98,557.14 ਰੁ. ਹੋ ਗਈ ਹੈ।
ਐਸਬੀਆਈ ਕ੍ਰੇਡਿਟ ਕਾਰਡ: 1 ਜੂਨ ਤੋਂ ਤੀਜਾ ਵੱਡਾ ਬਦਲਾਅ ਕ੍ਰੈਡਿਟ ਕਾਰਡ ਯੂਜ਼ਰਸ ਦੇ ਲਈ ਕੀਤਾ ਗਿਆ ਹੈ।ਦੇਸ਼ ਦੇ ਸਭ ਤੋਂ ਵੱਡੇ ਸਰਕਾਰੀ ਬੈਂਕ ਐਸਬੀਆਈ ਨੇ ਕ੍ਰੈਡਿਟ ਕਾਰਡ ਨੂੰ ਲੈ ਕੇ ਨਿਯਮਾਂ ‘ਚ ਬਦਲਾਅ ਲਾਗੂ ਕੀਤਾ ਹੈ।ਜੇਕਰ ਤੁਹਾਡੇ ਕੋਲ ਵੀ ਇਹ ਕ੍ਰੇਡਿਟ ਕਾਰਡ ਹੈ, ਤਾਂ ਇਹ ਜਾਣਕਾਰੀ ਤੁਹਾਡੇ ਲਈ ਖਾਸ ਹੈ।ਪਹਿਲੀ ਤਾਰੀਖ ਤੋਂ ਐਸਬੀਆਈ ਕ੍ਰੈਡਿਟ ਕਾਰਡ ਦਾ ਜੋ ਨਿਯਮ ਬਦਲ ਗਿਆ ਹੈ, ਉਹ ਇਹ ਹੈ ਕਿ ਐਸਬੀਆਈ ਦੇ ਕੁਝ ਕ੍ਰੈਡਿਟ ਕਾਰਡ ਦੇ ਲਈ ਸਰਕਾਰ ਨਾਲ ਸਬੰਧਿਤ ਟ੍ਰਾਂਜੈਕਸ਼ਨ ‘ਤੇ ਰਿਵਾਰਡ ਪੁਆਇੰਟ ਲਾਗੂ ਨਹੀਂ ਹੋਣਗੇ।
ਚੌਥਾ ਬਦਲਾਅ: ਡ੍ਰਾਈਵਿੰਗ ਲਾਈਸੈਂਸ ਟੈਸਟ: ਜੂਨ ਮਹੀਨੇ ਦੀ ਪਹਿਲੀ ਤਾਰੀਖ ਤੋਂ ਹੋਣ ਵਾਲੇ ਬਦਲਾਆਂ ‘ਚ ਚੌਥਾ ਤੁਹਾਡੇ ਡ੍ਰਾਈਵਿੰਗ ਲਾਇਸੈਂਸ ਨਾਲ ਜੁੜਿਆ ਹੋਇਆ ਹੈ।ਦਰਅਸਲ, ਅੱਜ ਤੋਂ ਪ੍ਰਾਈਵੇਟ ਇੰਸਟੀਚਿਊਟ ‘ਚ ਵੀ ਡ੍ਰਾਈਵਿੰਗ ਟੈਸਟ ਹੋ ਸਕਣਗੇ, ਅਜੇ ਤਕ ਇਹ ਟੈਸਟ ਸਿਰਫ ਆਰਟੀਓ ਦੇ ਵਲੋਂ ਜਾਰੀ ਸਰਕਾਰੀ ਸੈਂਟਰ ‘ਚ ਹੀ ਹੁੰਦੇ ਸੀ।ਹੁਣ ਪ੍ਰਾਈਵਟ ਇੰਸਟੀਚਿਊਟ ‘ਚ ਵੀ ਲਾਇਸੈਂਸ ਦੇ ਲਈ ਆਵੇਦਨ ਕਰਨ ਵਾਲੇ ਲੋਕਾਂ ਦਾ ਡ੍ਰਾਈਵਿੰਗ ਟੈਸਟ ਹੋਵੇਗਾ ਅਤੇ ਉਨ੍ਹਾਂ ਨੂੰ ਲਾਇਸੈਂਸ ਜਾਰੀ ਕਰ ਦਿੱਤਾ ਜਾਵੇਗਾ।
ਅਧਾਰ ਕਾਰਡ ਮੁਫਤ ਅਪਡੇਟ: ਪੰਜਵਾਂ ਬਦਲਾਅ, ਜੂਨ ਦੀ 14 ਤਾਰੀਕ ਤੋਂ ਲਾਗੂ ਹੋਵੇਗਾ।ਦਰਅਸਲ ਯੂਆਈਡੀਏਆਈ ਨੇ ਆਧਾਰ ਕਾਰਡ ਨੂੰ ਫ੍ਰੀ ‘ਚ ਅਪਡੇਟ ਕਰਨ ਦੀ ਡੈਡਲਾਈਨ ਨੂੰ ਵਧਾ ਕੇ 14 ਜੂਨ ਕਰ ਦਿੱਤਾ ਸੀ ਅਤੇ ਇਸ ਨੂੰ ਕਈ ਵਾਰ ਅੱਗੇ ਵਧਾਇਆ ਜਾ ਚੁੱਕਾ ਹੈ।ਅਜਿਹੇ ‘ਚ ਹੁਣ ਇਸਦੇ ਹੋਰ ਵਧਾਏ ਜਾਣ ਦੀ ਸੰਭਾਵਨਾ ਘੱਟ ਹੈ।ਅਜਿਹੇ ‘ਚ ਇਸ ਨੂੰ ਫ੍ਰੀ ‘ਚ ਅਪਡੇਟ ਕਰਾਉਣ ਲਈ ਆਧਾਰ ਕਾਰਡ ਹੋਲਡਰਸ ਦੇ ਕੋਲ ਕੁਝ ਹੀ ਦਿਨ ਦਾ ਸਮਾਂ ਬਚਿਆ ਹੈ।ਇਸਦੇ ਬਾਅਦ ਆਧਾਰ ਕੇਂਦਰ ‘ਚ ਜਾ ਕੇ ਅਪਡੇਟ ਕਰਵਾਉਣ ‘ਤੇ 50 ਰੁ. ਪ੍ਰਤੀ ਅਪਡੇਟ ਚਾਰਜ ਦੇਣਾ ਹੋਵੇਗਾ।
