Gold Price Today: ਨਵੇਂ ਸਾਲ ਦੀ ਸ਼ੁਰੂਆਤ ਵਿੱਚ ਕੁਝ ਦਿਨ ਬਾਕੀ ਹਨ। ਇਸ ਤੋਂ ਪਹਿਲਾਂ ਸਰਾਫਾ ਬਾਜ਼ਾਰ ‘ਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ ਸੀ। ਵਿਦੇਸ਼ੀ ਅਤੇ ਘਰੇਲੂ ਬਾਜ਼ਾਰਾਂ ‘ਚ ਸੋਨੇ-ਚਾਂਦੀ ਦੀਆਂ ਕੀਮਤਾਂ ‘ਚ ਨਰਮੀ ਦੇਖਣ ਨੂੰ ਮਿਲ ਰਹੀ ਹੈ। ਅਮਰੀਕੀ ਬਾਂਡ ਯੀਲਡ ਵਧਣ ਕਾਰਨ ਸਰਾਫਾ ਬਾਜ਼ਾਰ ਦਬਾਅ ਹੇਠ ਹੈ।
ਘਰੇਲੂ ਬਾਜ਼ਾਰ ‘ਚ ਸੋਨਾ
ਘਰੇਲੂ ਵਾਇਦਾ ਬਾਜ਼ਾਰ ‘ਚ ਸੋਨੇ-ਚਾਂਦੀ ‘ਚ ਭਾਰੀ ਗਿਰਾਵਟ ਦਰਜ ਕੀਤੀ ਜਾ ਰਹੀ ਹੈ। MCX ‘ਤੇ ਸੋਨੇ ਦੀ ਕੀਮਤ ‘ਚ 114 ਰੁਪਏ ਦੀ ਗਿਰਾਵਟ ਆਈ ਹੈ। 10 ਗ੍ਰਾਮ ਸੋਨੇ ਦਾ ਰੇਟ 63275 ਰੁਪਏ ਹੋ ਗਿਆ ਹੈ। ਇਸੇ ਤਰ੍ਹਾਂ ਚਾਂਦੀ ਦੀ ਕੀਮਤ ਵੀ 684 ਰੁਪਏ ਫਿਸਲ ਕੇ 74275 ਰੁਪਏ ਪ੍ਰਤੀ ਕਿਲੋਗ੍ਰਾਮ ‘ਤੇ ਕਾਰੋਬਾਰ ਕਰ ਰਹੀ ਹੈ।
ਵਿਦੇਸ਼ੀ ਬਾਜ਼ਾਰ ‘ਚ ਸੋਨਾ-ਚਾਂਦੀ
ਅੰਤਰਰਾਸ਼ਟਰੀ ਸਪਾਟ ਬਾਜ਼ਾਰ ‘ਚ ਸੋਨੇ ਦੀ ਕੀਮਤ 3 ਹਫਤਿਆਂ ਦੇ ਉੱਚੇ ਪੱਧਰ ਤੋਂ ਫਿਸਲ ਗਈ ਹੈ। ਯੂਐਸ ਬਾਂਡ ਯੀਲਡ ਵਿੱਚ ਵਾਧੇ ਦੇ ਕਾਰਨ, COMEX ਉੱਤੇ ਸੋਨਾ $2080 ਦੇ ਪੱਧਰ ਤੋਂ ਹੇਠਾਂ ਖਿਸਕ ਗਿਆ ਹੈ। ਚਾਂਦੀ ਵੀ 24 ਡਾਲਰ ਪ੍ਰਤੀ ਆਨ ‘ਤੇ ਕਾਰੋਬਾਰ ਕਰ ਰਹੀ ਹੈ।ਤੁਹਾਨੂੰ ਦੱਸ ਦੇਈਏ ਕਿ ਆਰਥਿਕ ਦ੍ਰਿਸ਼ਟੀਕੋਣ ਕਾਰਨ ਨਿਵੇਸ਼ਕਾਂ ਦਾ ਝੁਕਾਅ ਬਾਂਡ ਵੱਲ ਵਧਿਆ ਹੈ। 10-ਸਾਲ ਦਾ ਬਾਂਡ ਯੀਲਡ 3.84% ਤੱਕ ਪਹੁੰਚ ਗਿਆ ਹੈ।
