Do You Know About Musical Road : ਟੋਇਆਂ ਤੋਂ ਬਿਨਾਂ ਸ਼ਾਨਦਾਰ ਸੜਕ ‘ਤੇ ਚੱਲਣ ਦਾ ਮਜ਼ਾ ਹੀ ਕੁੱਝ ਹੋਰ ਹੈ। ਸੜਕ ਜਿੰਨੀ ਆਰਾਮਦਾਇਕ ਹੋਵੇਗੀ, ਯਾਤਰਾ ਓਹਨੀ ਹੀ ਮਜ਼ੇਦਾਰ ਹੋਵੇਗੀ। ਸਫ਼ਰਾਂ ਦੌਰਾਨ ਲੋਕਾਂ ਨੇ ਵਾਹਨਾਂ ਵਿੱਚ ਮਨਪਸੰਦ ਸੰਗੀਤ ਵਜਾ ਕੇ ਸੜਕੀ ਸਫ਼ਰ ਦਾ ਆਨੰਦ ਮਾਣਿਆ ਹੈ। ਹਾਲਾਂਕਿ ਤੁਸੀਂ ਕਦੇ ਸੋਚਿਆ ਵੀ ਨਹੀਂ ਹੋਵੇਗਾ ਕਿ ਜੇਕਰ ਸੜਕ ਹੀ ਤੁਹਾਨੂੰ ਸੰਗੀਤ ਸਣਾਉਣ ਲੱਗ ਜਾਵੇ ਤਾਂ ਗੀਤਾਂ ਦੀ ਕੀ ਲੋੜ ਪਵੇਗੀ? ਵੈਸੇ, ਇੱਥੇ ਇੱਕ ਅਜਿਹੀ ਸੜਕ ਵੀ ਮਜ਼ੂਦ ਹੈ, ਜੋ ਇੱਥੇ ਆਉਣ ਵਾਲੇ ਲੋਕਾਂ ਨੂੰ ਆਪਣੇ ਆਪ ਸੰਗੀਤ ਦੀ ਧੁਨ ਸੁਣਾਉਂਦੀ ਹੈ।
ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਇਹ ਕਿਵੇਂ ਹੋ ਸਕਦਾ ਹੈ? ਵੈਸੇ, ਇਸ ਸੜਕ ਨਾਲ ਜੁੜੀ ਇੱਕ ਵੀਡੀਓ ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਹੈ, ਜਿਸ ਵਿੱਚ ਤੁਸੀਂ ਖੁਦ ਸੜਕ ਤੋਂ ਨਿਕਲਦੀ ਧੁਨ ਸੁਣ ਸਕਦੇ ਹੋ। ਵੀਡੀਓ ਦੇਖਣ ਤੋਂ ਬਾਅਦ ਤੁਹਾਨੂੰ ਵੀ ਇੰਝ ਲੱਗੇਗਾ ਜਿਵੇਂ ਸੜਕ ‘ਤੇ ਚੱਲ ਰਹੇ ਵਾਹਨ ਮਸਤੀ ‘ਚ ਗੂੰਜ ਰਹੇ ਹੋਣ।
Listen to this road
A musical road is a stretch of road that, when driven over, produces an audible rumble and a tactile vibration that may be felt through the wheels and body of the car and heard as music pic.twitter.com/fRhTaKKBPN
— Science girl (@gunsnrosesgirl3) July 8, 2022
ਧੁਨ ਗਾਉਂਦੀ ਸੜਕ : ਇੰਟਰਨੈੱਟ ‘ਤੇ ਵਾਇਰਲ ਹੋ ਰਹੀ ਵੀਡੀਓ ‘ਚ ਜਦੋਂ ਕੋਈ ਵਾਹਨ ਸਪੀਡ ਬ੍ਰੇਕਰ ਤੋਂ ਲੰਘਦਾ ਹੈ ਤਾਂ ਸੰਗੀਤ ਸੁਣਾਈ ਦਿੰਦਾ ਹੈ। ਇਸ ਤਰ੍ਹਾਂ ਹਰ ਸੜਕ ‘ਤੇ ਵਾਹਨ ਦੀ ਸਪੀਡ ਨੂੰ ਕੰਟਰੋਲ ਕਰਨ ਲਈ ਸਪੀਡ ਬ੍ਰੇਕਰ ਬਣਾਏ ਜਾਂਦੇ ਹਨ ਅਤੇ ਹਰ ਛੋਟੇ ਜਾਂ ਵੱਡੇ ਬ੍ਰੇਕਰ ਨੂੰ ਪਾਰ ਕਰਦੇ ਸਮੇਂ ਵਾਹਨ ਦੇ ਟਾਇਰ ‘ਚੋਂ ਇਕ ਤਰ੍ਹਾਂ ਦੀ ਆਵਾਜ਼ ਆਉਂਦੀ ਹੈ | ਹਾਲਾਂਕਿ ਇਹ ਆਵਾਜ਼ ਕੋਈ ਮਿੱਠੀ ਧੁਨ ਨਹੀਂ ਹੈ ਪਰ ਵੀਡੀਓ ‘ਚ ਦਿਖਾਈ ਦੇ ਰਹੇ ਰਸਤੇ ‘ਤੇ ਚੱਲਦੇ ਸਮੇਂ ਇਕ ਵੱਖਰੀ ਤਰ੍ਹਾਂ ਦੀ ਆਵਾਜ਼ ਆ ਰਹੀ ਹੈ। ਵਾਇਰਲ ਹੋ ਰਹੀ ਇਸ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਸਪੀਡ ਬ੍ਰੇਕਰ ਵਰਗੀਆਂ ਛੋਟੀਆਂ ਪੱਟੀਆਂ ਇਸ ਤਰ੍ਹਾਂ ਨਾਲ ਸੜਕਾਂ ‘ਤੇ ਲਗਾਈਆਂ ਗਈਆਂ ਹਨ ਕਿ ਸੰਗੀਤ ਦੀ ਆਵਾਜ਼ ਪੈਦਾ ਹੁੰਦੀ ਹੈ। ਜਦੋਂ ਵੀ ਗੱਡੀ ਦਾ ਟਾਇਰ ਇਨ੍ਹਾਂ ਸਟਰਿਪਾਂ ‘ਤੇ ਚੜ੍ਹਦਾ ਹੈ, ਤਾਂ ਇੱਕ ਖਾਸ ਤਾਲ ਵਿੱਚ ਇੱਕ ਆਵਾਜ਼ ਆਉਂਦੀ ਹੈ, ਜੋ ਕਿਸੇ ਰਚੇ ਹੋਏ ਸੰਗੀਤ ਦੀ ਤਰ੍ਹਾਂ ਵੱਜਦੀ ਹੈ।
ਸੜਕ ਤੋਂ ਸੰਗੀਤ ਦੀ ਆਵਾਜ਼ ਕਿਉਂ ਆਉਂਦੀ ਹੈ ? ਇਹ ਲਾਈਨਾਂ ਜੋ ਇੱਕ ਸੰਗੀਤ ਨੋਟ ਦੀ ਆਵਾਜ਼ ਪੈਦਾ ਕਰਦੀਆਂ ਹਨ, ਨੂੰ ਸਲੀਪਰ ਲਾਈਨਾਂ, ਸੁਣਨਯੋਗ ਲਾਈਨਾਂ ਜਾਂ ਵੂ ਵੂ ਬੋਰਡਾਂ ਵਜੋਂ ਵੀ ਜਾਣੀਆਂ ਜਾਂਦੀਆਂ ਹਨ। ਜੇਕਰ ਤੁਸੀਂ ਸੜਕ ‘ਤੇ ਚਿੱਟੀਆਂ ਧਾਰੀਆਂ ਨੂੰ ਧਿਆਨ ਨਾਲ ਦੇਖੋਗੇ, ਤਾਂ ਤੁਸੀਂ ਮਹਿਸੂਸ ਕਰੋਗੇ ਕਿ ਉਹ ਪਿਆਨੋ ਜਾਂ ਹਾਰਮੋਨੀਅਮ ਵਾਂਗ ਸੈਟ ਕੀਤੇ ਗਏ ਹਨ, ਜੋ ਟਾਇਰ ਨਾਲ ਟਕਰਾਉਣ ਨਾਲ ਵਾਈਬ੍ਰੇਸ਼ਨ ਅਤੇ ਆਵਾਜ਼ ਪੈਦਾ ਕਰਦੇ ਹਨ।ਇਸ ਤਰ੍ਹਾਂ ਦੀਆਂ ਸੰਗੀਤਕ ਗਲੀਆਂ ਦੁਨੀਆ ਵਿਚ ਕਈ ਥਾਵਾਂ ‘ਤੇ ਮੌਜੂਦ ਹਨ। ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ ਸ਼ੇਅਰ ਕੀਤਾ ਗਿਆ ਹੈ।
